سلام ياسداح والمرقاب ينبض من جديد
سلام ياسداح والمرقاب ينبض من جديد
والكلمة اللي قلتها عساك دايم قدها اثرك مثل الزير في رايك وقلبك من حديد الناس تدعم بنت حوا وانت تاقف ضدها |
الله الله ..
نورت المرقاب يا معيض .. متااااااااااابع وبأنتظار الدكتور .. |
:)
الله الله ابو نوره وسداح .. والقايله من اولها ..:) وفي صف سداح ولاهنت يبو نوره :) |
شكرا تركي ومنور بوجودك طال عمرك
وشكرا عبدالعزيز وانت وافي دايم ويعين الله على الدكتور |
شغل عدل يابو نورة والجو حامي وارب هالقاف يلطفه شوي على العموم الصف صفك ياسداح وحياك الله يابو نورة في مرقابك من جديد |
الحروب مولعة ومبارك العبدالله
ماحسبها صح مع ذولا ولا مع ذولا العيار يدوش لن ماصاب ياللي ترمي والنتيجه كيف ماصارت ماني مسئولا ابو نوره انت علامك على الاول كشطته ارس لك على بر الله يرحم والديك هذي ثالث مره اعدل http://montada.mergab.com/images/icons/a16.gif :) |
عذرا الطرق الجديد
موضوع جديد مطلوب فيه مبارك |
معذور يابو نوره وهذا من زود الحماس جعلك تحيا
لكن مهما تسوي الصف ضد بنت حواء |
:
: ياهووووووووووووووووووووه معيض العتيبي يستدعي سداح دا (( نهار )) مش فايت .. الصف (( سدااااااااااااااااحي )) .. وعلى أهل نجد تدور الدوائر .. نبيهاااااااااااااااااااااااااااااااااااااااا شلولخ يـاسداح .. ويامعيض دبر عمركـ طاروق في مضمونها الشق والبعج .. لن أكتفي بـ (( الفرجة )) سوف نحارش الجميع .. شعراء وضيوف لين نشوف النهاية .. !! اللي في صف سداح يجي هنا لــ (( الفيه )) الباردة .. والقايله خلووووووووووووووه تلعب في صف معيض .. !! طرنق .. طرنق .. طرنق .. !! <--- لحن جديد في المحاورة .. !! teeth: |
اقتباس:
ها تراني ضدك ياراعي الفيه البارده .. :) |
اااالله يابو نوره , نوّرت الحتّه المرقابيّه :)
عندك سداح لاتخليه يقيّل , وعبدالرحمن حمد وقّفو عضويّته لين تنتهي المحاوره تراه مِعْوَل هدم لأي محاورة ناجحه <--ركّز على مِعْوَل يابو حمد ههههه |
يا مرحبا يا اللي تقيس النبض في حبل الوريد
هات التقارير الجديده و الحقيقه عدّها مدري تحبّ أم العبر وإلاّ تحبّ أم العبيد وألاّ تحبّ اللي تفلّ قرونها وتكدّها .. |
ايه يابونوره علمه ( الديمغراطية ) :)
في صفك لين آخر رمح تركزه في نحر المتطرف سداح سلام |
عز الله نورت المرقاب كله يبو نوره فعلا مثل ماقال تركي عبدالله
ابو عبدالله هلا بك ومسهلا والله يحييك |
عبدالعزيز هليل
مرحبا بك ومسهلا والله يحييك لاعدمتتتتك |
سعود النفيعي
هلا وغلا و وجودك معي يزيد من جرعة الحماس ويحفزني على لبس الدروع الواقيه لاعدمتك |
عبدالرحمن بن حمد
انت براسك طاروق لحالك لا دخلت في الملعبه جبرت الجميع شعراء وصفوف وجمهور على اعادة ترتيب المواقف لذلك أؤكد لك ان وقوفك معي يعد من اسرع انواع المنشطات المسجلة في منظمة الصحة العالمية هلا هلا هلا يا بوحمد |
فالح المصعوك
معوّل هدم هاه ؟ لا عوّل عليك الشرّ اي والله تعال معي خل العلوم هاذي ولا تظلم ابو حمد بس هلا ومسهلا :) |
محمد صالح
اقول يا بو تركي متى تبا تروح تبارك لها ؟ ابرسل لك معك ورقه ملونه وفيها ورود على جنباتها :) شررررفتنا يا الديمغراااطي وهلا ومسهلا |
طيب طيب.........مع الله
وصلت شرم الشيخ غير الغردقه غير الصعيد ولقيت ناسٍ ماتدانيها وناس تودها الناس غيرك فاهمة جدا يبو راسٍ عنيد ولا انا ماهمني عين المهاه وخدها |
سعود...هلابك يالغالي وشرفت والحماس في ازدياد
ابوحمد...اللي اعرفه انك مع جنبها في الصفوف وحدك ربع الطاروق نظرا لضعف لياقتك عموما حضورك ياصديقي متعة اضافية وشرفتنا يالامير تركي...مليون شكر لدعمك السخي فالح...لاهنت وازهل عبدالرحمن وسداح! محمد صالح...ولا يهمك ودعمك الديمقراطي يدل على نضوج تفكيرك عكس اخونا بالله!! |
الله الله يابونوره
خلّك في ساجر وش تبا في بور سعود وبور سعيد تبني البيوت العامره مير الدركتر هدّها حناّ على هدي الصراط المستقيم ولا نحيد و نفاخة الابواق نفرق حدّنا عن حدّها .. |
| جميع الأوقات بتوقيت GMT +3. الساعة الآن 04:31 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية