السنـــــــــاعـــيــــــــــس
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام ياهل المرجلة والنواميس=ساس المروة والكرم والرجوله
تسليمة من صادقات الاحاسيس=عطرتها بالمسك توله وتوله
اعداد ما هبت هبوب النسانيس=وأرخى من المنشى مقادم ثعوله
كرستها في غاية النفس تكريس =للي بنوا في قمة المجد دوله
تاريخهم مسس على العز تاسيس=وسط الجزيرة ثابتاتٍ اصوله
يوم اليالي مظلمات معابيس =وكلاً من الحربة يسطر فعوله
الهم على جمع المعادي مراويس=حريبهم عيش الهناء ما ينوله
يجيه منهم في منامه كوابيس =ويشرق من الدار لا شرقو له
والي يبا يسوي سوات السناعيس=يحفي على الجرة سماري ذلوله
ما هو بحبر فوق بيض القراطيس=قلته ومن عقله طبيعي يقوله
كل الرجال محرقين المحاميس=لا مر ذكر الشمري صفقو له
وانا من الي يبعدون المراميس=عتيبه الهيلا ارموز البطولة
عراف وان ركبوا على الخيل فريس=لاجاء نهار فيه صوله وجوله
ينكسون اعلام الاخصام تنكيس=واليا نزلوا في دار شدت نزوله
تاريخهم تضرب به اعلى المقاييس=وامجادهم ما سطرت بالسهوله
واليوم في ظل الحكومة خزا بليس=وكل يحقق في ذراهم ميوله
قلته بعد ما دق صدري هواجيس=واشتالني ليل السهر في حثوله
سلام ياهل المرجلة والنواميس=ساس المروة واالفخر والرجوله
[/poem]

وعليكم السلام ورحمة الله وبركاته

مرحبا ومسهلا يا بندر المرشدي

وافي وقصيدك ينومس و شمّر نعم اللابه ويستحقون ما ذكرته

صح لسانك وبيض الله وجهك ،


..

صح لسانك يا بندر


ونعم فيك وفي شمر

سلمت ولاهنت على هالقصيده الجزيله ،







,,

سلام ياهل المرجلـة والنواميـس
ساس المروة واالفخر والرجولـه


يستاهلون السناعيس


وصح الله السانك مدد يابندر



تحياتي

بندر المرشدي

عزالله يستاهلون كل خير شمّر

ونعم اللابه..

صح لسانك ولا هنت على الجزله

تقبل تقديري وفائق احترامي

الله الله يابندر

وافي والسناعيس يستاااااااااهلون

صح لسانك وبيض الله وجهك

ما هو بحبر فوق بيض القراطيس
قلته ومن عقلـه طبيعـي يقولـه
كل الرجال محرقيـن المحاميـس
لا مر ذكر الشمري صفقـو لـه
وانا من الي يبعـدون المراميـس
عتيبه الهيـلا ارمـوز البطولـة
عراف وان ركبوا الخيل فريـس
لاجاء نهار فيه صولـه وجولـه


الله الله

حبكة شاعر متمكن دوون شك

جزاله واجاده يابندر ...


صح الله السانك وبيض الله وجهك وعزالله ماظلمت حظك شمر وعتيبه يزهاهم المدح ولاعلى باقي القبايل زود دون شك


لاهنت لاهنت وعزالله قصيده تجمل ...

ودعتك الله

ونعم فيك وفي شمر

سلمت ولاهنت على هالقصيده الجزيله ،

صح السانك يالغالي
وبيض الله وجهك

مروري

صح لسانك

قلت واجزلت

وشمر يستاهلون المدح بلا شك

وبيض الله وجهك

ونعم بقبيلة شمر



صح لسانك وبيض الله وجهك



لاهنت

ســـــــداح


مرورك يعني لي الشيء الكثير بيض الله وجهك


شكرا على الكلام الطيب



وصح بدنك

صح لساااانك مليون

وافيه من راس وافي

تحيتي ,,,,,

محمد بلال



ماعليك زود


صح بدنك


وشكرا على المرور

يوم اليالـي مظلمـات معابيـس
وكلاً من الحربة يسطـر فعولـه
الهم على جمع المعادي مراويـس
حريبهم عيش الهنـاء مـا ينولـه



والله ومليون نعم بالسناعيس ، ويستاهلون المدح /



صح لسانك ياالوافي ولاهنت /



تحياتي

صح لسانك يابندر


مدحت من يستحقووون المدح فعلا ً



صح لسانك وفكرك ووالنعم بالمادح والممدوح



تحيتي لك

مناحي


ما عليك زود




صح بدنك