مع (( بنات )) .. أفكاره .. !!
:
: هو شاعر .. فقير .. أبهرة (( نور )) الأعلام .. وكان يحلم في أخذ (( حصه )) كافية من (( نورة )) .. عشماَ منه أن يذيع (( صيته )) .. كي يرتب ماتبعثر من حياته .. اوقد (( مشاعل )) مشاعرة شعراً .. حاول .. حاول .. حاول .. وفشـل في تحقيق (( أمل )) الوصول لمكانة (( جميلة )) أعلامياً .. تأكد ان (( منال )) هذا الهدف .. أشبة بالمستحيل .. تبخرت (( احلام )) كثيرة رسمها وسعى لها .. !! عاد لقصائدة وفكر في بيعهـا بعد أن شواه (( وهج )) الحاجة .. وأعياه الحصول على (( قوت )) يومه .. وصل لأحد الأثرياء الذين يبحثون عن من يبيع قصائده وقدمها له وقال : هذي مجموعة من قصائد (( عزيزه )) علي و(( غاليه )) عندي .. لأنها من (( جواهر )) قصائدي .. لكن الحاجة حوّاجه .. وأحتاج الى مقابل مادي ثمناً لها .. !! قرأها الثري وشعر بـ (( فرح )) غامر عندما تأكد من كفاءتها الشعريه وقال : ابشر باللي يسرك .. !! اخذ القصائد وقال : مر علي بكره .. !! ذهب شاعرنا من عندة .. وهو يقول : (( بشاير )) السالفة (( ساره )) أن شاء الله .. وشكل ( أبتسام ) الحظ اللي انتظرته جاء .. ومعة (( دلال )) الأيام بعد مشوارها القاسي معي .. !! وصاحت داخلة (( اشواق )) كبتهـا الفقر .. تتوق لحياة (( كريمة )) .. !! وفي (( صباح )) الغد .. انطلق شاعرنا لموعدة وهو يسوق (( أماني )) حيازة المال و (( أمال )) الغنى عن الناس .. بعد أن يقبض ثمن قصائدة المبيوعه .. !! سأل عن الشاري وقالوا : نايم .. عاد لة عصراً .. قالوا : خرج .. !! عاد لة فالمساء قالوا : مشغول .. !! وهكذا .. وهكذا يمر شهر كامل ويتبعة شهرين وثلاثة وعام كامل .. طوال هذة الفترة كانت قصائدة تنشر بأسم المالك الجديد .. !! وفالنهاية قابلة .. فأنكرة .. بقوله : أول مرة اشوفك .. !! وعاااااااااااااااد بعد ان أنطفأت (( أنوار )) الأعلام في عينه .. !! وطارت قصائدة الى غير رجعة ..!! لكنه فاز بقناعة تقول : ان (( نوال )) الشي اللي ماهو مكتوب مستحيل .. !! teeth: |
25 شكرا :)
مبدع واستاذ حرف كبير يا بوحمد سلامي عليك ، |
(( ههههههههههههههههههههههههه ))
الصرااااااحه حااااااااااله تبكي يابو حمد , يعني الامل الوحيد اللي كان عنده جحده جحده تعدها الدشير للدشير , لكن يبقى الامل بالله والله يفرج لمن كان هذا حاااااله :) |
و (25) تحيه مبدع يا دكتوور وربي انك تكتب ابداااااااع وانا اذ وجدت الإبداع ألتزم الصمت لــذا:- تقبل صمتي |
أهلا بالأمير الحقيقي :)
ابو حمد لحرفك نكهة خاصة .. ياصديقي .. قصة محزنة جدا وتبين مدى الغلبة التي يقع فيها الشاعر في أغلب الأحيان . لكن .. لايسعني الا ان اقول لهذا الرجل .. مالك الا الصبر وش وداك له :) تقديري .. ومحبتي .. يا (( صديقي )) ..! |
اببو حمد ياحضك المدير رد علاك
ههههههههه صاحب القلم المميز ابو حمد 2000 تحيه لك ياحبيب البي على الطرح المميز |
لا هنت يامبدع
|
لا جديد
سوى اعجاب وابداع يتجدد تقديري يا معلم . |
ياكثر ( بنات ) افكاره كثرااااه !!!
ابوحمد الشيباني مبدع مبدع مبدع عدد بنات افكاره تحيتي لكــ |
26 شكر ياكتور للشيباني ماهي 25
ابو حمد انت الوحيد اللذي يجعلنا نقرأ ماخلف السطور وثق اني من متابعينك منذو مبطي غيمار |
الاخ ابو حمد الشيباني
الظاهر ان الشاعر المذكور في كلامك عمره 300 سنة لكن على فكره هو لازال عايش والا الله اخذ عمره الله ياخذك ابليسك ابو حمد وش نقول وياكثر ماقلنا لمصافحة هالابداع مير حنا معك حنا معك |
ولا حصله شي :)
دائماً تجبرنا بـــ ابداعك على متابعة ما تطرح حرف حرف .. جدد الاعجاب يالامير <<< دام السواط تنازل :) تقديري |
الله يا بو حمد عليك وش كثر انت مبدع :)
الاكيد ان ( مزّنة ) حظه ما هلّت teeth: شكرآ شكرآ شكرآ اصدق التحايا |
موضوع حزين جداً جداً .. ! <= اي حزين ؟؟
لكن يكفيه انه ما طلع مفلس .. ! على الاقل طلع بـ قناعه ،، يعني ما خسر بنات افكارهـ .. ! وصدقني اني عشت القصه بكل لحظة وتمنيت انه يحقق امانيه واني تأثرت بالنهاية المؤسفه .. ! شكراً من الاعماقـ .. ! |
أشهد بالله ان الفقر ماخذ حقه وافي من هالشاعر :)
الله لا يضرّك يابو حمد .. وابداعك ما يختلفون عليه اثنين الف شكر لك |
أسأل الله لك (( هناء )) العافية .. وأن تكون في (( رغد )) العيش ..!!
عبدالرحمن جمعت الشتات في كلمات .. لله درك على هذا الإبداع تحياتي .. |
ابو حمد لاخلاف على ابداعك اينما تحل
لكن شوف لي واحد يشتري قصيد تراني على اتم الاستعداد ولك نسبه :) دم تا / بخير |
الفارق في كل شئ .. عبدالرحمن بن حمد ., أطرب كثيرا فكريا ومعنويا .. حينما احاول جاهدا ان اقرأ ابداعك .. وأطرب أكثر حينما احاول أن ارتقي لمستوى فكرك وما يرمي اليه ., دمت مبدعا .. وسلامي عليكـ ., |
* الرآئع \ عبدالرحمن العتيبي دائمآ نصوصك تستحق القراءه دمتـ ودآم حرفك |
:)
الله لا يضرك يا راصد قصص البؤساء تقديري لك |
لازلنا ننبهر وننبثق امامك <--- مدري وش معنى ننبثق بس احس انها زينه
دمت لنا ياصديقي :) |
:)
اميـر الحرف و الاميــر الحقيقي والمدهش الله لايضرك يبو حمد بس راحت بشاير . ضحية اللون الازرق .. :) ياكثر ضحايا هاللون ..:) |
| جميع الأوقات بتوقيت GMT +3. الساعة الآن 05:47 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية