بدو وحضر !!
السلام عليكم ورحمة الله وبركاته احب ان اطلعكم على بعض معلوماتي البسيطه عن بعض فوارق البدو والحضر من حيث الكلمات واستخدام بعض الالفاظ بحكم ارتباطي بالفئتين ارتباط تاااااام لاحظت بعض الفوارق البسيطه على سبيل المثال : كلمه لفظها واحد ولكن معناها مختلف مثل : البدوي لما يقول لك فلان صاح .. يعني من رفع الصوت او الصراخ / اما الحضري اذا قال لك فلان صاح .. يعني بكا . او معنى واحد ويكون اختلاف اللفظ في حرف مثل : الحضري يقول دنّع ... والبدوي يقول دنّق ... وكلاها نفس المعنى أي : طأطأ برأسه واحيانا يكون المعنى واحد لكن الوصف يختلف .. مثلا .. الحضري يقول قعدت من النوم .. اما البدوي يقول قمت من النوم .. وكلها صحا من النوم لكن مع اختلاف الوضعيه :) واحيانا يكون الاختلاف جذري في مسمّا متعارف عليه لغويا ً ..مهوب مثل صاح لا هذا غير .. الحضري اذا قال لبدوي سكّر حلجك !! ... توّهق البدوي القح !! لان الحلق عنده العنق اما الحضري فيطلق على الفم حلق او حلج ان صح التغيير :) وهي على كل حال اتوقع ان البدوي بيفهم ان سكر حلجك مع الاشاره بعلامة الاصبع السبابه المرفوعه المطبقه على الفم ان معناها .. ألبخ !! احيانا يكون فيه كلمات دارجه بشكل مختلف عند البدو والحضر وتسبب مشاكل .. مثل الحضري يقول الريال ذيه او هذيه والبدوي ذي او هذي ما يستخدمها الا للانثى .. يعنى يمكن يتماسكون بالحلوق !! والبدوي اذا ما يعرف اسم شاب في نطاقه الاقليمي متعوّد يتحفــّــــا اللي يعرف واللي ما يعرف ممكن انه يتصايد وجهه لين يشوفه واذا شافه قال كيف حالك هنا الوضع سليم مافيه مشاكل .. لكن .. احيانا بعض الشيبان الله يطوّل عمارهم ما ينتظره لين يشوفه فـ عادة ً ما يقول : كيف الحال يا صبي ؟؟ .. صبي عند البدوي شاب .. ولكنها عند الحضري خادم يعني بديهي ان الحضري بيقول انه يسبّه !! وقس على ذلك الكثير من الاختلافات .. وان كان فيه الكثير من التشابه في كثير من الامور .. لكن ممكن ان الناس يسهلون اللهجه وتتداخل كلماتهم بشكل كبير يعني لو يقول واحد مثلا .. عطني القلم وهو بعيد يقول الحضري للبدوي غلــّـــه ؟؟ وذاك يقوله انطله !! ليش كلهم ما يقولون ارم القلم ؟؟ او احذف او قط او اي شي سهل ليش التعقيد ؟ :) يعني واحد من الشباب صديقه حضري اتصل على تليفون البيت مبطي قبل الجوالات يسأل عنه قال فلان موجود ؟؟ قالت امه مالك لوا .. قال شنو يعني هنيه والا مب هنيه ؟؟ الله الله والله ودي اسرد بعد بعض الحالات لكن هذا اللي طرى علي .. :) سلام عليكم ,, |
اما مالك لوا ههههههههه
زين انه ما قال .. اي دفعه ؟ :) من وجهة نظري .. خير الامور اوسطها لا تصير بدوي كنك لاحقٍ على المغازي .. ولا تصير حضري ما تنتبقّط :) اسمع سالفة الحضري اللي معي فالدوام من كثر ما سولفت لـ عناد النفيعي عنها .. لو تروح له وتقول سمّع ؟ عطاك اياه بالنص :) هذا حضري جديد توه مداوم معنا قاله المسئول .. خلاص انت دوامك في قسم الدراسات والتصاميم ! قال الحضري .. منو وياي بالقسم ؟ قال المسئول .. وياك فرحان جريبيع وجريد قنيفذ ومحمد ضبيب قال الحضري .. انت من صججججك ؟ لا يا معوّد لا يحوشك .. قسم كله قوارض .. تكفى فكني :( هذا وبالله التوفيق |
أضحك الله سنك يا مبارك انت وين طرت على بالك ذا الكلمات :) لا هنت وجعلك سالم |
هلا يابو عبدالله :/
اضحك الله سنك .. تدري ان كلمة الحضري والبدوي .. في الحجاز لها مدلول غير المتعارف عليه خليجيا :) يعني ربع .. فؤاااد .. عندنا هم الحضر :) للمعلومية فقط :) اذكر موضوع جميل لخالد الروقي .. فيه الفوارق ومدى البعد والقرب بينهما . |
هلا يا بو عبدالله
لكن .. احيانا بعض الشيبان الله يطوّل عمارهم ما ينتظره لين يشوفه فـ عادة ً ما يقول : كيف الحال يا صبي ؟؟ .. صبي عند البدوي شاب .. ولكنها عند الحضري خادم يعني بديهي ان الحضري بيقول انه يسبّه !! ذكرتني بموقف ايام التجنيد .. كنا متأهبين لطابور العرض .. وكل واحد معه بندقه ومترزز بالميدان موزعين مجموعات كل مجموعة ثلاث مجندين انا وعبدالله الحضري وفهيد البدوي .. فهيد لاحظ ان سلاح عبدالله يبي يطيح قال :- يا وووولـــد انتبه للبندق قال عبدالله :- الولد انت واشكالك شنو يا ولد ؟؟ ما تستحي على ويهك انت ؟ قلت انا :- علامك يا عبدالله ؟ قال :- ما تسمعه يقول لي يا ولد قلت :- ليه اجل انت بنت ؟ عاد رقعها رحنا في حوسة جديده اكتشفت ان يا ولد ما تنقال عند الحضر الا للشخص الذي لم يتجاوز مراحل الطفوله فقط :) سلامي عليك يا ولد :) .. |
جبتها يابو عبدالله
والله أنك تحفة أما عاد عند قولة العجوز مالك لوا هاذي بروحها فصل |
ههههههههههههههههههههه
هذي هي سنة الحياه يابو عبدالله teeth: كل الشكر لك |
هههههههههههههههههههههههههههههههههههههههههه
ياخي على اني بدوي << مايحتاج الكتاب واضح من عنوانه ، الا اني احب الحضر واقدرهم واغلب خوياي في الجامعه حضر والمفروض ان حواجز اللهجه تكسر لاننا في 2009 منور يابو عبدالله |
هههههههههههه
لاهنت يبو عبدالله .. اثركم ..تعانون .. واجد ..:) اقتباس:
:) اعرف انها .. ماهي طايفه عليك .. بس الحميا قشراء وانا اخوك والا كان قلت يامودمي انته للبندق .. >>>ثم خله يبلش ..مع كلمة مودمي ..:) http://montada.mergab.com/images/icons/icon10.gif |
تصلح اخصائي اجتماعي يامبارك :)
الله يجيبك سالم غانم يابعدي .. تحياتي |
888
مبارك والحصيّن وسداح من وين جبت الموضوع ياعبدربه :( :( :( |
| جميع الأوقات بتوقيت GMT +3. الساعة الآن 04:46 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية