عاش العقيد معمر القذافي
 

كيبورديه لها مناسبتها

وخصيت أبها المرقاب على شان سداح
لأنه يحب هالنهج واللي هو نهجه بالاساس

اقبلوها كما هي :

[poem= font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يا كاف البلا يا كافي = يالواحد الوافي ما غيرك وافي
تكتب لنا من كل شي خيره = وتلطف بحال اللي عليه أخلافي
حنا عبيدك وانت نعم المولى = الطف وكن فـ /العون يا لطافي
البارحه هاجوس فكري عايم = وازريت اجمع فكرتي واطيافي
سرت بي اصداف الزمان الجاير = ولا سلمت الا بعمر لحافي
كني مريض وكن حالي ضايع = لو ان جسمي سالم ومتعافي
اضوي على فكره واخلي فكره = واعود واتذكر أعلوم اسلافي
أعلوم عود وافيٍٍ في مده = دايم وهو نعم الشراب الصافي
يفرح به المضهود واللي صابه = من دورة ايام الامور اصنافي
كريم سبلى ما يخلي جاره = يتعب من أظروف الزمن ويخافي
أخذت منه الأوله والأخرى = واوصاف ابويه عانها بأوصافي
ماهيب مدح الا فخر بالنسبه = وقفت وانا اللي على ميقافي
يوم ان غيري غيرته أضنونه = اسقيتها العد القراح الرافي
هاذي حكاية يوم يا قاريها = وهاذي علوم الصيف يا صيافي
لو ان غبرات الزمن منكوبه = ولا تعرف اكتاف غير اكتافي
لو أنها تعرف وجيه الخيره = ولو انها تفهم وفيها انصافي
ما مات ابو فيصل زعيم الأمه = وعاش (العقيد / معمر القذافي)[/poem]

:)

:)

:)

ح
ج
ز


عشت وعااش سداااح


فوق فوق ياشعر

يامال الغناة ياسلطان
اشهد انك ماقصرت واشهد انك حر من ماكر حرار


واشهد انها قصيدة لا قالوا قصيدة
صح لسانك وراسك

سلطان


عز الله جبت راس سداح :)



صح السانك ولاهنت

اعجابي لك

ياهلا ياسلطان ..


صح السانك وسلمت ..

لو أنها تعرف وجيـه الخيـره
ولو انها تفهم وفيهـا انصافـي

ما مات ابو فيصل زعيم الأمـه
وعاش (العقيد / معمر القذافي)


انا اشهد انك صادق 100% في ذا البيت
صح الله لسانك ولا هنت يا مبدع ، قصيدة اطربتني والله الشاهد

بانتظار الجديد يا سلطان ،،

الله الله الله
الله الله الله

ياسلام الله عليك يا سلطان العطاوي

ولله درك صحيح

اعلم انها ليست موجهه ولا تريد منها رد
لكني والله العظيم قمت اغني تماتيك معك .. بعض القصائد تشدك وتغني مجبرا لا بطل

ارجو قبول هذه المجاراة المتواضعه لاعدمتك

حيّ القصيد الوافي المستافي
اللي يشاف وميزته تنشافي

يلفت نظر كل الذوايق يمّه
مثل العلم في قمة المشرافي

نقد الذهب معروف للنقاده
والعمله الصعبه لها صرافي

لو شلة أفتح فمك ويرزقك الله
قامت تزايد بالزمان الهافي

الخيط بيط الله لا يكثر خيره
يسفي عليه من الذواري سافي

وسلطان يكرم قافه وميقافه
بدعه يهيّض بادعين القافي

خلاني أسوق الجمل وأغنّي
وأنا منوّل خاطري منلافي

جيته لو أنّه ما نوى يزهمني
بعد أستبان اللي في قلبي خافي

يفخر بعوده والفخر من حقه
شريف ساسه والجدود اشرافي

والله وسبع أنعام فيه وفيها
لو الشهاده جرحها نزافي

نادر حرار وسيرته محفوظه
ما حافها بالحنشله حوافي

يشكي هموم ٍ جاره الله منها
مفعولها مترامي الاطرافي

عدّ العلوم الثابته و علومه
ماهي علوم محمد الصحافي

اليوم حكام العرب مشبوهه
خلّت عروبتنا تسير خلافي

وقاداتها اللي ينفضون الشوشه
تنبض وتربض فالمراح الدافي

عز الله انه ما كذب في قوله
اللي يقول ان الرجال اصنافي

مات الزعيم اللي يصون الامّه
وعاش الزعيم الخاين الخوافي


وصح لسانك مليون يا سلطان العطاوي ،

كلام ومجاااااااااراة شااعر علم

وطررررررررق رهيب وخاااصه الختام في البدع والمجااااااااااااااره

الله يرحم فيصل وعشت ياسلطان


ولا القذافي ودك ان عزرائيل يلويبه ولا يبطي علاه


وصح لسانك ولسان الدكتور


غيمار

ياسلالالالالالالالالام يالعطاوي
صح اللسانك ملالالالايين ، وابيض وجهه
:)


وصح اللسان الهرم / سداح
ودام للإبداع
:)

الله الله

صح لسان سلطان .. وصح لسان الدكتور


ولاهنتو

سلطان العطاوي

الله لا يضرك

وبيض الله وجهك

اجزلت والله وابدعت

وبيض الله وجه سداح على الرد الجزل الممتع

دمتوا بخير وتحياتي لكم

سلطان العطاوي

ما مات ابو فيصل زعيم الأمـه
وعاش (العقيد / معمر القذافي)

صدقت , عز الله


صح لسانك , وسلمت يمينك


وصح لسان الدكتور على مجاراته الرائعه



لا هنت

عبد العزيز الهــليل

مرحبا بها التواجد

انتظر عودتك

محــمد بن رشــيد

حجزك أوكــيه

أنتظر حضوورك
لا هنت

محمد السبيعي

صح بدنك
الجمال يتمثل بحضورك الرائع
تحيتي لك كما أنت

الله الله الله الله الله

ابداااااع


حيّ القصيد الوافي المستافي
اللي يشاف وميزته تنشافي

يلفت نظر كل الذوايق يمّه
مثل العلم في قمة المشرافي

نقد الذهب معروف للنقاده
والعمله الصعبه لها صرافي

لو شلة أفتح فمك ويرزقك الله
قامت تزايد بالزمان الهافي

الخيط بيط الله لا يكثر خيره
يسفي عليه من الذواري سافي

وسلطان يكرم قافه وميقافه
بدعه يهيّض بادعين القافي

خلاني أسوق الجمل وأغنّي
وأنا منوّل خاطري منلافي

جيته لو أنّه ما نوى يزهمني
بعد أستبان اللي في قلبي خافي

يفخر بعوده والفخر من حقه
شريف ساسه والجدود اشرافي

والله وسبع أنعام فيه وفيها
لو الشهاده جرحها نزافي

نادر حرار وسيرته محفوظه
ما حافها بالحنشله حوافي

يشكي هموم ٍ جاره الله منها
مفعولها مترامي الاطرافي

عدّ العلوم الثابته و علومه
ماهي علوم محمد الصحافي

اليوم حكام العرب مشبوهه
خلّت عروبتنا تسير خلافي

وقاداتها اللي ينفضون الشوشه
تنبض وتربض فالمراح الدافي

عز الله انه ما كذب في قوله
اللي يقول ان الرجال اصنافي

مات الزعيم اللي يصون الامّه
وعاش الزعيم الخاين الخوافي

الله الله الله الله الله

لله دركم

لله دركم

ابدعتم

صحت السنتكم ولاهنتم

احترااااامي

و
ج
د