حروف اسمك .. !!
: السلام عليكم ورحمه الله وبركاته التزاما بـ رقمي في موضوع ( انت ورقمك ) .. !! فكره جميله لـ ابوحمد ,, الا وهي حروف اسمك <-- مايعرف يشرح شوفوا الطريقه والي مايعرف يسأل ابوحمد <-- طيب اخلص !! ( م ) = مدرسه كنت اكره الذهاب الى المدرسه !! لاني كنت اكره قومه الصبح وكان فالمدرسه مدرس معاقبني .. ولازلت اكرهها ( ح ) = حريق شبت حريقه وكنت موجود وانا صغير ولعت النار في قذلتي .. ومن عقبها ماعاد اربي قذله اخاف تحترق واولع فالكويت :) ( م ) = محطه وقود تعطلت فيني سيارتي داخل محطه الوقود وكان السبب البطاريه ,, اتصلت على صديق وجاني وحطيت الاشتراك في بطاريه سيارته وقمت اضربه في بعض ويطلع شرار وحنا وسط المحطه جاني موظف المحطه يركض من الخوف ويصيح يامجنووون ( بالمناسبه ) مجنون تبدا بحرف الميم كذاك :) ( د ) = دراجه لازلت اجهل كيف اقود الدراجه الهوائيه !! طحت منها 2000 مره وماتعلمت ( أ ) = ابتدائي كنت متوفق فـ الابتدائي وعقبها دشرت :) وصورتي وانا متوفق عانها في ركني <-- دعايه للركن ( ل ) = ليتني اكثر كلمه استخدمها لـ اني متسرّع ( ش ) = شرطي بغيت اصير شرطي الا شعره وفكني الله !! على طاري الشرطي وقفني شرطي وانا طالع من المدرسه وانا وخويي وخويي كان الي يسوق جاني الشرطي وقال وش اسمك ؟ قلت محمد خلف قال لا تستعبط !! قلت استعبط !! وش قايل لك انا اسمي ليونارد ؟ قال لا تستعبط وقول اسمك قلت محمد خلف ياااخي !! قال انت مجنون وخلاني وراح وخوي خالفوه وركب السياره قلت ياخي الي جاني ماهو صاحي ,, قال وش فيه ؟ قلت اقوله اسمي محمد خلف يقولي لا تستعبط .. خوي اسندح من الضحك قلت شبلاك؟ قال يامجنون وهو اسمه محمد خلف :) ( و ) = ورده اشوف الناس تحب الورد وانا ما ادانيه <-- نسخه لـ طلال الجميلي !! ( ي ) = يابناخي !! قالها لي شايب من الجماعه ورحت نشدت ابوي الله يرحمه فلان يقرب لنا ؟ قال ليه قلت يقول يابناخي قال انقلع وراك ياولدي !! :) ( ب ) = باص !! سوينا حادث وحنا رايحين المدرسه فالباص وانا كنت جالس فالمقدمه ولحظه التصادم راسي ضرب الزجاج الامامي وانكسر الزجاج ولسبني راعي الباص!! <-- قولوا ماشاء الله !! وشكراَ والمجال مفتوح للي بعدي :) .. |
ههههههههههههههههههه
ياسلام على الفكره والموضوع محمد الشويب الظاهر انك مشتاق للمدرسه واجد اعجابي وننتظر اللي بيشاركون |
اقتباس:
هههههههههههههههههههههههههههههههههههههههه أجل حادث الباص سبب (( بروز )) الجبهه .. !! أذا عرف السبب بطل العجب .. !! بس سالفة الشرطي (( محمد خلف )) غير .. !! أحس انه جاه انهياااااااااااااااار عصبي .. !! لي عودة يـ (( صديقي )) مع حروف اسمي .. !! teeth: |
حروف اسمك ..!
وضحت لنا ملامح مرحله عمريه جميله بكل حالاتها :) شكراً لك ايها الــ م ح م د ا ل ش و يّ ب |
ههههههههه :)
طيب لا هنت ولا هان عبدالرحمن حمد |
محمد الشويب موضوع جميل و فكرة أجمل نشكر المتسبب الأول لها .. و ايضا نشكرك ولكن لا ادري ان كان هذا مكانها المناسب >>>> وانتي وش دخلك ؟؟ ابتسمت كثيرا مع ذكرياتك .. و ما جلبته لنا حروف اسمك وسأعود مع الخمسة حروف , حين أجد ما اقول لكم المتابعة |
( ي ) = يابناخي !!
قالها لي شايب من الجماعه ورحت نشدت ابوي الله يرحمه فلان يقرب لنا ؟ قال ليه قلت يقول يابناخي قال انقلع وراك ياولدي !! ههههههههههههههههههه كويس انك لحقت نفسك يا محمد والا كان الحروف اللي مسموح لك فيها ما كفّت .. وكان يمديك تتكلم الصينية والا الفارسية :) تعويض جميل .. وتعليقات أجمل لا هنت .. لا هنت تحياتي .. |
: )
مواقف جميلة يا.. محمد الشويّب.. تسلم روحك.. تسجيل متابعة، لـِ بياض أرواحكم... |
اجل ليونارد هههههههههههههههههههههههه
ذكريات حلوه .. والله من المصايب عندك وانت صغير :) |
ابو راس فولاذي ماشاء الله تبارك الرحمن
لاهنت لاهنت لاهنت ومبروك الخلاص :) .. |
اشتراك داخل محطة وقود يا رب سترك هذي بحد ذاتها كارثه من كوارث العصر الحجري يا شيخ
والله مالومه لا قالك يا مجنون :) محمد الله يضحك سنك قل امين |
(( محمد السواط ))
م :/ مالك قلبي .. دائما صاحب الخلق الرفيع .. ح :/ حبي للآخر .. لايعني ان أصمت على أخطاءه م :/ من القلب الى العقل أصعد بمشاعري يوميا .. وهناك تجد راحتها وضالتها . د :/ دموعي لاتسقط .. إلا اذا آآلمني صديق أ :/ أبواب املي كثيره واكثرها مقفلة ل :/ ليت ولعل .. حروف أقف عندهما دائما باملي س :/ سكون الليل يطربني .. // .. خصوصا في المراقيبي :) و :/ واحد نفر حاشي <<== ياحبي لهاالجمله :) ا :/ التعليم ,, يجري في الدم .. لكن يوما بعد يوم .. يزيد سمومه فيهذ. ط :/ طرق المحبة مع الآخرين .. مختلفه .. أختار اقربها واسهلها للوصول الى القلب الآخر . -------->>> ياعنكم اني مثقف :) |
ههههههه كل هالمشاكل من حروف اسمك ! لاعاد تطلع من بيتكم الا وانت قاري اذكار الصباح والمساء وحاول قد ماتقدر تكون لحالك دائم .. :) سلامي عليكـ ., |
اقتباس:
أنت ليه ماتحلل إسمكـ .. يابو سالم ترى محمد يبي مشاركة الجميع :) بس ماعرف يشرح الموضوع :) |
( ح ) = حريق
شبت حريقه وكنت موجود وانا صغير ولعت النار في قذلتي .. ومن عقبها ماعاد اربي قذله اخاف تحترق واولع فالكويت ههههههههه علم اهل القذل :) مبدع يا محمد <<< يحسب انها قصيده :) تقديري |
ياخي جرب تغيّر اسمك
وتحط خالد الحصيّن :) مبدع يالشويب في هالمعزوفه .. اللي تعزفها مغصوب :) |
الشويب محمد
بورك فيك ياعزيزي ولي رده بعد ماغير اسمي |
بالنسبه لي / [fot1]خ ا ل د[/fot1] خ : خلاص من حبكم يا زين عزلنا teeth: آ : آياك وان يضرب لسانك عنقك teeth: ل : لـ كل عالم هفّوه ولـ كل جواد كبّوه د : داء الجهل ليس له دواء موضوع حلو جدآ يابو حميد :) |
اقتباس:
كلما صار ودّك صفّها طالبك خلّ هذيّه تروح لا تعرقلّها وتدفّها <<<<<<<<< جاي من الفنون :) لاهنت يا الشويب لاهنت ياكبتن |
اقتباس:
هههههههههههههههههههههههههههههههههههههههههه بالنسبه لـ (( م )) : أسمح لي أقول لك : ياحياااااااااااااااااااااااااااااااااااااتي .. !! على هالرقه وهالاحساس .. !! أما (( و )) : فما كذبت يابوعيضه .. وهالحين عرفت ليه حطوا (( الواو )) حرف عله .. !! teeth: |
اقتباس:
هههههههههههههههههههههههههههههههههههه مشكلتكم يـ (( العرابحة )) مشكلة .. باقي تكملة اسمك (( السيحاني )) رح كمله .. لاتجيني بـ خالد .. بس .. !! teeth: |
اقتباس:
عموما تراني صادق في كل حرف من إسمي ..:) .. |
| جميع الأوقات بتوقيت GMT +3. الساعة الآن 11:36 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية