بنك ( جنوب أفريقيا ) ..!!!!
الأخوان والأخوات ، السلام عليكم ورحمة الله وبركاته
منذُ أكثر من عامين تصلني من رسالتينن إلى أربعة رسائل باللغة الإنجليزية على إيميلي يومياً من بنك جنوب أفريقيا وبأسماء متعددة وفحواها تقريباً واحد ، ألا وهو لدينا 10 مليون دولار في حساباتنا تعود ملكيتها لفلان الفلاني والله مدري وشسمه الذي توفى مع عائلته بسبب سقوط طائرته الخاصة ، ونريد أن نحوّل عليك هذا المبلغ حتى لايكشف من الحكومة الجنوب أفريقية ولإمكانية إستثماره في بلادك ، ومرسلين لي أرقام تلفوناتهم في جنوب افريقيا يابالفيت :). السؤال : وش السالفة ؟ وهل تصلكم رسائل من هذا النوع ؟ ولاّّ لأني مليونير ويحاولون في رقم حسابي ؟:) ملاحظة : تم ترجمة الرسائل عن طرق مواقع ترجمة <- ماله في الإنجليزي أي صلة :) رجاء : عد مشاركة الأخ شفق السريع أبو منصور ، لأسباب أمنية :) ودم تم / بخير |
اقتباس:
^ نفس الرساله وجاني مرتين :) وانا اقول وش عرفهم بي؟ لا وبغى يغويني ابليس واوافق, مار إستخرت وهونت << أبد ماذلّ من احد وش اخبار الحاير؟ أربه ممطور :) لاهنت يافيصل |
العلم سلامتك يابو عبدالله
انا وصلتني رسايل من هالنوع كثير / وسألت اكثر من شخص وقالو لي بالحرف الواحد ذولا ( سحره ) يبون يوصولون لرقم جوالك بأي وسيله واي واحد يحط في بروفايل الايميل رقم جواله يتصلون عليه على طول بدون ما يزعجونه بالرسايل عمومآ / اخذ الحذر يابو عبدالله لانك اكيد مستهدف :) |
ههههههههههههههههههههههههههههههه
والله مدري عنهم يابوعبدالله بس انت مستهدف وملايينك :) عطهم بلوك يعني حظر :) .. |
لاوالله ظلت تجيني يافيصل وانا كنت على نيتي وصداق
ومليت الفراغات وارسلتها مار الجوال اللي حطيته انفصل والحساب مالقوا فيه ولا وذره , حتته سوى والأسهم وهالحين مااقراها .. على طول ديليت غيمار |
والله يابو عبدالله .. ما عمرها جت لي .. :)
لكن الظاهر يعرفون الفقران .. ويشردون عنه خوف لايتسلف منهم ..:) .. |
ياكثر مارسلوا لي بس قد سمعت انهم نصابين ولذلك بلغت السكرتير ماعاد يجيب رسائلهم
فيصل علم سكرتيرك بس :) |
لالا يا بو عبدالله
هم صادزين :) بس ارسلهم <<< عانه يبا ينكبه :) انتبهو لهم والله يقولون خطيرين تقديري |
الله يستر من هالسحّره
عقب الاتصالات اللي تجي من نيجيريا اليوم صارت ايميلات وبطريقه اغراء اخرى سلمت يا بوريما ولاهنت :) |
والله يا بو عبدالله .. !
تجيني رسائل ما فكرت اترجمها لكن اتوقع من شكل الحروف انها حول الدعوى .. ! انا كل يومين يكلموني جوال .. ! يقول : انت مسحور وارسل لنا فلوس بسرعه قبل يتطور السحر .. ! وانا مستحي لا اكذبهم لكن مازلت اصرفهم .. ! شكراً ابا عبدالله |
ابو عبدالله
عليكم السلام ورحمة الله وبركاته ابشرك انها ماهيب فقط ايميل .. تطور الامر واصبحت رسائل جوال ايضا !! إشطبها واضرب بماوس ٍ من حديد :) خرابيط وكلام فاضي كرمت وسلمت ودمت ، .. |
نصب × نصب لا اقل ولا اكثر .. وسالفة استنزاف .. وغسيل أموال والعملية منظمة .. وضحك على الدقون ..!! لا هنت يا فيصل بس خليك مثل ما قال الدكتور ( اضربها بماوس من حديد ) :) |
اثر ماهوب انا لحالي :)
ابو عبدالله على قول سـداح إضرب بماوس من حديد teeth: طلال الجميلي : سبحان اللي ألهمك .. اجل عرفت من شكل الحروف ؟! |
| جميع الأوقات بتوقيت GMT +3. الساعة الآن 08:44 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية