( نور مصباح )
[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابوي أشوف الشيب في عارضك لاح=والشيب نور ٍفي الوجيـه المفاليـح الشيب في وجهك كما نور مصبـاح=من نور وجهك شعّ نور المصابيـح لكن حَزَنّي يـوم شفـت العمـر راح=والوقت يجري والليالي مراويح ليت الشباب يعود من عقب مـرواح=وتاخذ على عمر الثلاثيـن تصريـح ليت الشباب يبـاع ونسوق الارواح=ويرجع شبابك والسنيـن المواضيـح يابوي ذكـرك بالمشاريـف وضـاح=غنـي عنـي مايبـي زود توضيـح قرم ٍالـى جـات المواجيـب نطـاح=في سفرته تلقـى كْبـار المفاطيـح شيخ ٍ يحـط البـن والهيـل لا فـاح=يقعد خََوى روس الرجال الطحاطيـح راعي الهموم الى نصا ابوي يرتـاح=يلقى الفرج والعز مع هبـة الريـح شيخ ٍ على الزلات صابـر وسمـاح=رجل ٍمن ارجـال ٍقـروم ٍ زحازيـح ابوي مايستاهل الشيـب يـا صـاح=تفـداه روحـي والوجيـه المكاليـح كم شيخ قوم ٍمن عنا الشيب قـد طـاح=وقااار..لكن من بدأ فيه بيطيـح يلحق على الاعمار مسرى ومسـراح=إشعار بقـْـفاي العمر دون تجريح والا الردي حتيش لو جـا ولـو راح=شبابـه وشيبـه سـوى يالمفاليـح مولاي غفرانـك عليـك الخفـا بـاح=ما على غيرك نشكي السـد ونبيـح نرجيك حسن الخاتمه خيـر الاربـاح=وارضاك والجنـة مـراد المصاليـح[/poem] |
حجز
ولي عوده |
الله اكبر
شاعرة نجد انشهد انك شاعره يابنت الرجال سلمتي سلمتي والف مليووون صح لساااانك |
الله الله الله
شاعره واصيله وباره بوالدك الله يمد في عمره بصحة تامه رسائلك السامية لذلك الشايب العزيز أقف لها احتراما صح لسانك يا شاعرة نجد وسلمتي ، |
شاعرة نجد
ياسلام عليك نسأل الله ان يمده بالصحة والعافية ويبطيبه حي وان يرفع عنه البأس مشاعر فطريه ترجمت بهذا النص الرائع لك فائق احترامي وتقديري ..!! |
الله عليك
ياشاعرة نجد فعلا رائعه ومعبره صح لسانك ولك تحياتي اخوك محمدابوشهاب |
شكرااااااا لهذا الوفااااااااااااا لوالدك وهذا الشعر الاصيل
مشااعر طيبه صح لسانك |
صح الله لسانش ولا هنتي ابيات ما عليها كلام واستحقت القراءة
ومثل ما قال مشعان البيت اللي قبل الاخير شطره الثاني يحتاج لإعادة مولاي غفرانك عليـك الخفـا بـاح (( ما على غيرك نشكي السـد ونبيـح )) بستر الله وحفظه |
اقتباس:
شاعرة نجد لله درك لله درك |
الله يخليه لك يا شاعرة نجد
شعر يقعد خوى الراس صح لسانك حتى ترضين |
جزله والله وصح لسانك ولا هنتي
والله يطول بعمر الشايب أمين |
ماشالله تبارك الله
صح لسانك مليووووووون |
يا سلااااااااااااام
الله يطول عمر والدك ويمده بـــ الصحه والعافيه . صح لسانك مدد تقديري |
ياسلام ياسلام ياسلام
على الشعروالشعور النبيل صح لسانك الله يرزقنا بر والدينا |
والا الردي حتيش لو جـا ولـو راح
شبابـه وشيبـه سـوى يالمفاليـح الله يمد بعمر والدك على العز والطااااعه صح لسانك ياشاعرة نجد وقصيده فوق التعليق تحيتي لك |
ابوي مايستاهل الشيـب يـا صـاح
تفداه روحـي والوجيـه المكاليـح كم شيخ قوم ٍمن عنا الشيب قد طاح وقااار..لكن من بـدأ فيـه بيطيـح الله الله شاعرة نجد متمكنه بكل المعاني .. وفي جميع الجوانب لله درك .. وصح لسانك .. والله يطول عمر شايبك تحياااااااااتي |
شاعرة نجد
جميل هذا الوفاء وهذا البر الذي نسأل الله ان لا يحرمك أجره صح الله لسانك |
راعي الهموم الى نصا ابوي يرتـاح
يلقى الفرج والعز مع هبـة الريـح انا لانصيته باقلو عندك بنت غير البنات جعل من جابش الجنه وصح والله لسانش مليون وعسى عمر الشايب طويل ومدير وسعيد قولي امين يالله ياللي قدرتك..فوووق وتْفوق جهد الْعْباد اللي ضعيـفٍ جَهَدْهـا تشفي مريضٍ حالته..تسْهر الموق فيه الخبيث..اللي بكبـده لَهَدْهـا كدّر حياته واحْرمه صافي الـروق ينـام ليـل وعشـرةٍ مارقَـدْهـا حاله برى..لاعـاد لـذّه ولاذوق وبنته جداها دْموعها..وش ابْيَدْها منذو فتره وارى الاحزان تصارعش عساها تروح باقرب وقت يارب العالمين لله دررررررررررررررررررررررررررش حظر هنا سالم اليامي |
والا الردي حتيش لو جـا ولـو راح
شبابـه وشيبـه سـوى يالمفاليـح شاعرة نجد .. الله يخلي لك ابوك .. والله انك خطيره . واحمدن ربكن مايلحقكن الشيب .. صح لسانك |
الله يخليه لك ويمد في عمره
وصح لسانك .. وفكرك |
شاعره نجد
بكل امااانه هذا اول نص اقراااه لك ولكن جعلني الفكر في البحث عن جميع نصوصك الشعريه بعد الرد على هذه الرائعه بكل صراحه انني غير متابع للشعر النسائي سوا في هذاالمنتدى او غيره ولكن انا اقف احتراااماااا امااام هذا النص الشامخ |
الشيب لايعيب الرجل
بل يزده وقارا فكل شاب لابد ان يشيب صح السانك مدد وشكرا على مشاعرك النبيلة تجاه والدك مروري |
| جميع الأوقات بتوقيت GMT +3. الساعة الآن 06:46 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية