يدينك نادن النخل المكابر .. والليالي بور
 

[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
حبيبي : ما سرى حبك معاك ولا ذبحه النور=غدا شمسي , وبدري, والنهار, وليلة قمره
صباحك. يا صباحك يا صباح المسك والكافور=تنسم لك سحابة من سحاب الحب منهمرة
تخيلتك وانا بوهم الحقيقة غايبٍ بحضور=معك ما احلا الحضور , ولمة السمار , والسمرة
عرفت بطلتك معنى التواضع للهوى المغرور=وعرفت بغيبتك معنى الغياب بنكهة الجمرة
يا أول عشق في سلم حياة العاشق المأسور=يا نبضة قلب جاهـِل ما درى عنها ولي أمره
يا عنق الريم . يا عين المهاة . ويا شبيه الحور=يا قلبٍ جال بضلوعي.. يانورِه , يا بعد عمره
غدا صدره ـ بعد جرب غلاك ولا كفاه ـ صدور=مضيفه بينها , ومن الحنان الغامر تغمره
وانا الغصن اليباس اللي فرح في مقدم العصفور=سرت به خضرة افراح الحياة وفارق الحمرة
عسى الله يلبسك ثوب الحياة الضافي المزرور=وعسى عمرك طويل وبالسعادة والهنا تعمره
الا ليتك تحس ولو ثواني لوعة المقهور=تحس بروح صب من الفراق اطلال مندمرة
ترا ما عاد في دنيا المهازل للبطولة دور=على كثر المشاهد شف بطلها مضيع النمرة
يدينك نادن النخل المكابر والليالي بور=وتدلى عذق حبي في يدينك يا بخت تمره
تدلل, آمر, احكم, خذ, تواضع, حب, واصل, زور=تأمر, والفؤاد من الغلا لك مذعنٍ أمره
وانا لو كنت مالك من هوايه فيك ربع الشور=لاصد ولا علي من الهوى بيضه ولا سمره
ولكن لك محبة دونها الشريان باني سور=حصانة عن مراسيل العذول وباقي الزمرة
ترا .. ما عاد نروى من عطشنا وكاسنا مكسور=امانة معك : لا تكسر هوانا وينسكب خمره [/poem]

عرفت بطلتـك معنـى التواضـع للهوى المغـرور
وعرفت بغيبتك معنـى الغيـاب بنكهـة الجمـرة
يا أول عشق في سلـم حيـاة العاشـق المأسـور
يا نبضة قلب جاهِل مـا درى عنهـا ولـي أمـره



خلف الغريب ابداع فيها قليله

سجل اعجابي على الابيات عامه وعلى وقفة العجز خاصه

الله يا خلللف


صح لسانك مدد

لاهنت

ماشالله ياخلف
لله درك
وصح لسانك
ولاهنت
وابيض وجه

حظر هنا

سالم اليامي

خلف

مرحبا ومسهلا

صح بدنك
ولاهنت
وابيض وجه

حظر هنا


سالم اليامي

مرحبا بحضورك وشعرك الرائع وصح الله لسانك

يا أول عشق في سلـم حيـاة العاشـق المأسـور
يا نبضة قلب جاهِل مـا درى عنهـا ولـي أمـره
يا عنق الريم . يا عين المهـاة . ويـا شبيـه الحـور
يا قلبٍ جال بضلوعي.. يانورِه , يـا بعـد عمـره
غدا صدره ـبعد جرب غلاك ولا كفاه ـصـدور
مضيفـه بينهـا , ومـن الحنـان الغامـر تغمـره
وانا الغصن اليباس اللي فرح في مقـدم العصفـور
سرت به خضرة افـراح الحيـاة وفـارق الحمـرة




ياسلام ياخلف


صح لسانك ابدعت واجزلت


لاهنت

خلف صح لسانك

وعتلا شانك

وسلمت ودمت

صح لسانك يا خلف

رائعه بكل ما تحمله الكلمه من معنى

سجل إعجابي و تقبل تحياتي

الله الله الله

خلف الغريب

صح الله السانك عدد حروفها

عذوبه وحسيّه غير

لله درّك

وسلامي عليكـ

شكرا لمجرد القراءة ..

تحياتي ..

شكرا لعاطر مرورك الجميل ..

تحياتي لك..

صح بدنك سلطان ولا هنت..

تحياتي وودي..

خلف الغريب,,

صح لسانك على هذا الإبداع...

شاعر متميز,,سلم فكرك يالغالي...

محبتي..

صح لساااانك طاغيه في العذوبه


تحيتي

شكرا لنير مرورك اخي سالم وصح بدنك..

وجهك ابيض وتقبل تحياتي ..

ومرحبا بمرورك ولا هنت وصح بدنك ..

تحياتي...

صح بدنك اخوي تركي ولا هنت على حضورك ..
تقبل تحياتي وودي..

تشرفت بمرورك الجميل اخي فالح ..

لا هنت يا طويل العمر ..

صح بدنك اخوي علي ..

تحياتي لك ..