صاحبي مع نجع عتبان .. شقير
 

السلام عليكم ورحمة الله وبركاته

قصيده للشاعر / شقير بن عقيّل الجذع


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صاحبي مع نجع عتبان شدو به جنوب=مطلع النجم اليماني تنصاه ضعنه
جرهم عساس بدو يسولف بالعشوب=قال من جاب الخبر قال انا جايك منه
عان خشم ذقان الادنى يكفه كف ثوب=لا ورا نجران ما فيه فتق ولا سنه
جرهم جروه للسجن في تهمة حبوب=جره اللي متهمه بالجريمة ومهنه
المباني طويت والدبش ذب الدروب=والدريول كل تاير على الجيك اوزنه
انتحوا به يافهد والهوى سم القلوب=ان كناه المبتلى بالهوى وانا اعلنه
ابتعد عني وانا صرت بالبعد مغصوب=ما جداي الا ابدع القاف واجر ألحنه
رحت انا في صوب ودقيق المثناه صوب=لعنبو يوم المفارق عليّه ملعنه
لعنبو يومٍ يفرق مواليف القلوب=يجرح العشاق ويحط فالقلب طعنه
ساعةٍ قلب الموله خطير إبها يذوب=والدقايق من زمنها تقدر عن سنه
ساعة الفرقى عقايب وذنب من الذنوب=يوم مالي حيله الا انشد الطرقي عنه
انشد الطراش واقول هبّي ياهبوب=وعلميني وين دارٍ هوى البال سكنه
هو رجع للمدن ولا مع البدو العزوب=يتبع الشول العفر ويتغذى بلبنه
في هوى سحج العشاير عريضات الجنوب=امتحنهم شايبٍ جعل ربي يمحنه
مرةٍ بأطراف عدفا ومرة بالهضوب=وكل يومٍ شدته بالميات مقننه
كل مصبح شب ناره وزودها شبوب=وان خلص من دلته قال طوي ياهنه
عجلي قدام يحتر بالشمس اللهوب=المعشى نبت برقه ومن دونه سنه
كل بيرٍ شاربٍ مرة منها شروب=ماسكن في دار واحد ولا عدّ قطنه
عذب المجمول واذهب مداويره ذهوب=اذهب الله عرق ابو جده اللي هو منه
[/poem]

مدير على عيني وراسي

بس مسأله انك تحوس اسمي غير مقبوله الله يحفظك

teeth:

ياسر العتيبي


اختيار ممتاز

صح لسان

شقير الجذع

لاهنت

ههههههه اللي هو منه!
وطوي ياهنه !

مجرم هالجذع :)


أحيي اختياراتك يابومروي ، ولاهنت ..

مير اعذر المدير ، أنا زد عذرته لأن تخصصه أوردو هههه

:)


سلام’ عليكم

وعليكم السلام ورحمة الله وبركاته
هلا اخوي ياسر
اختيار اكثر من رائع لقصيده جعلتني ابحث عن اخواتها
وصح لسان الشاعر شقير الجذع

الله الله الله على الاختيار والقصيده يا ابو مروي

بيض الله وجهك

واشهد ان الشايب عاقبه لكن ما خلاّ عليه شي الله يجزاه خير :)


تحيتي واحترامي

لا هنت على نقل قصيدة من قصائد الشاعر الكبير شقير الجذع

صح لسانه

تقبل مروري

ابو مروي لاهنت على نقل هالقصيده


بعدين المدير عطاك ثلاث نقاط وعقبال ثلاث نجوم


>> تفائلوا بالخير تجدوه


سلاميـ

ياسر العتيبي


اختيار ممتاز

صح لسان

شقير الجذع

لاهنت

ياسلام
ياسلام

لاهنت يا ياسر على النقل الجميل ..


وابيض وجه ..