مسا 3 شعبان
الله يجمّلنا معكم
و استلموها.. و ان ما جازت.. عندكم سلة المهملات :) [poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] هاضت قريحة شعري اللي من ثلاث شهور نـام=و اليوم يا يوم المشاعـر عبّـري و استنفـري هدّيت طير الشعر لين انّـه تعـلاّ بـي و حـام=و انا ادري اني فالقصيد و ما حواه اكبـر جـري سلام يا راسي و يا روحي و يـا قلبـي سـلام=سلام يا نبضي و يا دمّي و يـا العِـرْق الطـري وْلا باس يا ذاتي و لا يلحقك من صوتـي مـلام=لا باس و ان كان الزمن يبـراك بهمومـه بـري انته بذمّـة شاعـرك و الشعـر بيدينـه حسـام=لو كنت انا مانيب ابو الطيب و لانـي البحتـري لكن تدري بي و انا ابْن عاصي لاشتـد الزحـام=اكشف زواياها و اخليهـا مـن الملبـس عـري الطيب لاهل الطيب نكشف عن مَواطِنْـه الظـلام=و اليا حدانـي للـردا راعيـه؟ كنّـي مْبشّـري افتل على الحبلين ما يشتـد بـه سيـر النظـام=و ادرس قوانيـن الطبيعـه و اتقـدم و انبـري ياما و يامـا قـد بذلنـا فـي مواجيب الكـرام=وْياما و ياما ذيق منّـا طعـم علقوم و شـري لكنّ مالي فالكثير مْن الحكـي نصـف الجـرام=ودّي على باب الحَمَام اَوْقَف و اراقب و احتـري ودّي ادندنهـا و اغنيهـا علـى وَتْـرَ الـغـرام=و اطب في سوق المحبه بالمشاعـر و اشتـري البارحـه ثـلاث مـن شعبـان و العالـم نيـام=جتني على استحيا تسولف لي علـى ماسنجـري جتني تقهوى من قصيدي و المشاعـر بانسجـام=مع كل بيت يقابلـه مـن عندهـا بيـت ٍ ثـري تكتب على روس النخيل و يصدحه ورق الحمـام=شعر ٍ من حروف الغلا, و من الذهب ما هو صري لبّيه يا شِعْر ٍ نثرني به علـى اعلـى مـا يـرام=و لبّيه يا ذوقه و يا فكره علـى اعلـى منبـري هذا و انا ناصيك يا شعـري صبـاح بْـلا مـلام=بعض السوالف ودي اذكرهـا و لا هـي تنطـري فالبارحه ماهوب ليـل مـن الليالـي و السـلام=البارحه ريح ٍ مـن المسـك المعتّـق كِشمِـري و خْتامها ختمت باللـي ذكرهـا يجلـي الظـلام=اسم ٍ كما البدر يتوهّـج وسـط ليلـي الاغـدري وْقدّمت ما قدّمـت فـي راس القصيـده لاحتـرام=ذاتي و ذاتـي كنـز و النفـس الزكيـه تذكـري عشرين بيتٍ حكّمت ثم فصّلـت حسـب المـرام=و انا من اهل الشك و التشكيك مظلـوم و بـري [/poem] شـ. سـ. |
عشرين بيتٍ حكّمت ثم فصّلـت حسـب المـرام
و انا من اهل الشك و التشكيك مظلـوم و بـري عزالله قفلتها قفلت معلم بيض الله وجهك يبو مهنا واتمنى ان القريحه تنام بعد ثلاثه شهور وتجينا بمثل هذي لاهنت ولا هان راس يجيب هالبيوت |
لكن تدري بي و انا ابْن عاصي لاشتـد الزحـام
اكشف زواياها و اخليهـا مـن الملبـس عـري لله درك يالمظلوم :) أثرك طحت فالماسنجر يالأقشر هههه حبة خشم على هيك شعر :) |
مرحبا ومسهلا يابو مهنّا ..
الله يبارك في 3 شعبان والماسنجر اللي خلانا نصافح هـ الدرة .. صح لسانك ودمت كما تحب .. تحيّتي |
شفق
يا سلاااااااااام بارك الله فالبارح صح لسااانك مددددددد نص جميل وحضورك اجمل ولابالله فالقلوب هالنص . مودتي لك . |
حجز فااااخر
يابومهنا , |
:
صح لسانك ياشفق ابداع كـ عادة نصوصك اعجابي ومتابعتي ياغالي .. |
والله يبومهنا من القافيه للمفرده لقوة التركيب للتصوير البلاغي هذه القصيده يميزها عن سواها من القصايد
شاعر وربي وربك الله وهنا تفرد يمعنى الكلمه .. دمت في هذا الشموخ ياشفق و لاعاد ينام هاجسك دخيلك .... |
شفق السريع
شاعر مبدع ومتمكن وقصيدة وعي وادراك وجمال تقبل تحياتي |
كم الســرى يالربع :)
<< حاجز حاجز الله لا يعوق بشر ّ :) حجز ولو على رقبتي << عيّن خآر بس جايك يا بو مهنا :) |
شفق السريع
شاعر مبدع ومتمكن وسلّة المهملات ماهي لقصايدك ياشفق تقبل تحياتي |
ياسلام ياسلام
شفق السريّع قصايدك مثل العسل على التسبد لله درك |
اقتباس:
الغالي ابو عبدالله صح بدنك يا ابو عبدالله و يعلم الله انك واحد من الأسماء اللي كنت خايف انه يمر على القصيده... انت من الناس اللي ما يرحمون في الشعر.. و ناقد خطير . و اول ما شفت اسمك اول واحد في الردود.. اهتزت كراسي القلب لكن احمد الله اني تجاوزت المرحله الحرجه بنشوة الانتصار :) الف الف شكر على حضورك يا ابو عبدالله و يعلم الله اني آمنت بشاعريتي بحضورك اخوكم و مغليكم شـ. سـ. |
اقتباس:
هههههههههههههههههه هلا بالغلا كله .. مرحبا بالنور.. حياك الله يا ابو صالح.. يشهد الله اني مظلوم و انا اخوك :) و الماسنجر الامحق لي شهر و انا مسنتر ٍ فيه .. و كله من مشعان و السواط... حدوني عليه ... و توي صدقتهم انه ملهم للشعر... teeth: حضورك يا بعد راسي مكسب و لا هوب حيا الله مكسب الا مكسب ٍ باقي و ذخر ٍ دايم... الف الف شكر طال عمرك ... اخوكم و مغليكم شـ. سـ. |
اقتباس:
حضور اسمك مكسب و لاهوب عادي .. و الله يبارك فيك و يطول عمرك و انا اخوك و صح بدنك يا محمد اخوكم و مغليكم شـ. سـ. |
اقتباس:
صراحه اني شفت الايميل جايني يطحس شوي شوي و يتحادا على جنب... و يتغثـّع في مشيته.. عرفت ان العبايه عثرت به... teeth: ياخي هذي اسمها الحاسه السادسه يا ابو محارب... عاد انت اكثر واحد يتعامل بهالحاسـّه.. وش معنى جت علي انا الحين؟؟ teeth: كلامك وسام على الصدر فديتك.. و اشادتك دافع معنوياً لتقديم الأفضل... و شهادتك تاج ٍ على الراس ... عسى عيني ما تبكيك تحياتي يا معلـّم اخوكم و مغليكم شـ. سـ. |
اقتباس:
الله يبارك فيك يا عبدالرحمن و حضورك مكسب و شهادتك فخر لا عدمتك هذي وليدة موقف و عساها تجملنا معكم و انا اخوك تقبل صادق الشكر و التقدير على اعطائي من وقتك و من جهدك ما يغنيني و يعليني اخوكم و مغليكم شـ. سـ. |
اقتباس:
و يكفيني منك تسجيل اسمك لا عدمتك تحياتي يا عمي اخوكم و مغليكم شـ. سـ. |
اقتباس:
صح بدنك و انا اخوك و حضورك و متابعتك فخر لا عدمتك اخوكم و مغليكم شـ. سـ. |
اقتباس:
حضورك يا ابو عايض و الله ماهوب هيـّن و اسمك و الله انه يزلزل الشعر و الشعراء و اذا انا نجحت في نظرك فيعلم الله اني تجاوزت المخاطر و دخلت مرحلة النجاح لله درك و كفى يا ابو عايض و شهادتك و اشادتك محل فخري و اعتزازي اخوكم و مغليكم شـ. سـ. |
اقتباس:
انت حضرت؟؟ ياخي اسمك لوحده مكسب لأي شاعر... انت اضافه للشاعر و لقصيدته و الله يجزاك خير على حضورك اسمك لوحده مكسب و شرف و تشريف لي و اسمك شهادة نجاح و ختم جوده الف الف شكر على حضورك يا ابو محمد اخوكم و مغليكم شـ. سـ. |
اقتباس:
انت حجزت و خلصت و انا اكتفيت بإسمك و انا اخوك يعلم الله ان حضورك بحد ذاته انه عن رد كامل وش ابي غير الأسماء اللي تعطر المكان...... اسمك يغنيني عن اي حرف تبي تضيفه .. ما بعد اسمك اضافه يا بعد راسي الف الف الف شكر على حضورك و متابعتك اخوكم و مغليكم شـ. سـ. |
| جميع الأوقات بتوقيت GMT +3. الساعة الآن 06:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية