الحليفي اقرب
يالحليفي من زلال العد ميح الدلو ميحه
واشربو جمً زلال وعلموبه كل ضامي والله نا مانبا مترديه والا نطيحه والدروب طوال سوق شعيل مردوم السنامي |
نعرف اللي يروي الاكباد ويهيض القريحه
ياكريم اتمد في عمر العصيمي والزلامي يامشاري خبلكم وش فيه سواله فضيحه ماعرف قدر الخوال ولا عرف قدر العمامي |
الله الله
والله انا مالقانا ادواك يالكبد الجريحه ماذبحك الا تلفت نوب شرق ونوب شامي المراجل ياوسيع العرف في زند وقديحه ماعلى العاقل ملام ولاعلى الجاهل ملامي |
يابن غازي جاك منا كلمةٍ صدق وصريحه
المذاري فالقصور العامره كب الخيامي اخر الايام كلٍ طامع ابديس المنيحه وانت خلك من تحت سيف الشريعه والنظامي |
طيب طيب
هاك كلمة ياعميل الخير والدين النصيحه من زنادك لاترجا الناس في شرب وطعامي تجري الايام ويدور الفلك والنور ضيحه والعداله يالحليفي تقطع يدين الحرامي |
الله الله الله الله
الله الله الله الله الله الله الكرشمي....الحليفي الله لاضركم على الايداااع متتابع متتابع متاابع يسلام طاروووق كااااااااااايف وفي صفكم انتم يالثنين ووالله اني احترت بينكم مبدعين متابع متابع متابع |
مبارك الفعم
ارحب مليار الابداع حضورك واعتزت الصفوف بمثلك وشرواك |
انت من كثر الحسد قلبك تبين لي نضيحه
مار ماتصبر لحر القيض ياروس النوامي اسمع ابليس الكبير اللي مع المغرب فحيحه يرسل اعياله توسوس للمؤذن والامامي |
اقتباس:
عز الله انكم شعرا تستااهلون المتتابعه متتابع والله وياكم :) << درينا انك متااابع قايلها ميتين مره |
مبارك
اررررحب ملايين وجودك شرف لنا لاهنت |
ماحسدك غير في حاجه بعد صارت صحيحه
ان قلبك دوب تشتاله ضلوعك والسلامي انت عظمك ماتقوى غير من سمن ولتيحه مدته عمتك واعطتك الرصاصه والحزامي |
الله يسلمك يامبارك والله ان متابعتك شرف طال عمرك
انت من الاساتذه اللي نتعلم منهم |
انت شاعر مار لو اصيح له ماسرع مطيحه
ينفجع لاقرقع الما في حناجير الضوامي ابشروا بالخير ماني راعي اليمنى الشحيحه سرع ماحطيت في راسك مصاريع وخطامي |
ابوفهد بيض الله وجهك استاذ ولافيك حيله
صح لسانك ولنا لقاء اخر ان شاء الله نشكر كل من تابعنا وخاصه اخونا مبارك الفعم |
وصح بدنك يابو غازي
ولاعلاك زود انت مجرررررم كبيرر |
الله الله الله
بيض الله وجيهكم ياشعااار وصحت السنتكم |
قشطتوها بدري ،،،،
طيب طيب ياكباتن ! لوجيت كان الصف كرشمي ولاقصورٍ فبوعابد :) يحايحا |
فيصل الدوسري
ارحب حياك الله ووجهك ابيض |
عبدربه
ياهلا ويامرحبا ايه حامي حامي عساك والله ياسالم ياعبدربه وحضورك فخر |
لله در الابداع من مصادر الابداع ابو غازي وابو فهد لله دررركم من شعار
|
من اقوى الطواريق اللي شاهدناها مؤخرا
الكرشمي والحليفي ..... ابداع × ابداع صحت السانكم |
الله الله
واصلوا |
| جميع الأوقات بتوقيت GMT +3. الساعة الآن 02:16 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية