كذا : قوانين وايل هي قوانيني ..
 

تحية مهداة لآل المرقاب كلهم ..

[poem=font="Simplified Arabic,5,darkblue,bold,normal" bkcolor="white" bkimage="backgrounds/8.gif" border="solid,4,darkblue" type=1 line=0 align=center use=ex num="0,black"]

من عادتي لا قسى وقتـي تساهلتـه=ربي على الصبر بالشدات معطينـي

ومن عادتي لو يزود الحمل بي شلته=صابر ولا تشكـي الاثقـال متنينـي

الا مـن الثقـل ثقـل مـا تحملتـه=الحاجة الـي علـى مثلـك تودينـي

النذل لـو ان جـدي جـد عايلتـه=عن حاجتي له رفيع العرش مغنينـي

برق على ديرة الانـذال مـا خلتـه=لو يثمر ورود واعشاب ورياحينـي

العـز طبعـي ولا عمـري تمثلتـه=من ورث جدي بكاس الطيب مسقيني

ادرس على يديه واجاوب على اسئلته=كذا قوانيـن وايـل هـي قوانينـي

واذا غدر بي رفيقي قلت : مشكلتـه=والضربة الـي ماتذبحنـي تقوينـي

ما اعامله لا تـردى بـي معاملتـه=لاني لفعل الردى مـا تقـدر يدينـي

كـذا اعرفـه دون اقنعـة مجملته=الاولـه فيـه وامـا الثانيـة فينـي

وان قال بي شين فيه الشين ما قلتـه=ذنبـه يكفيـه وذنـوبـي تكفيـنـي

اخذت طبع النخل لو مـا تطاولتـه=بالطوب يرمى وينزل تمره الزينـي

[/poem]

الله الله يا خلف

كفو ولا هي غريبة على شرواك

صح لسانك وعلا شانك

وافي ومن ناس وافين



لك التحية

صح لسانك ملايين يا بو خالد...

لا هنت على هذا الجمال وهذا الإبداع...

قصيدة متميزة يالغالي..

لا هنت...لكن لا تقاطعنا..

محبتي لك..

الله الله



ياخلف


صح لسانك


تحياتي

الله يا خلف

كفو كفو يا عيال وايل

صور شعريه جميله وقصيده محبوكه

صح لسانك ولاهنت ياغالي

تحيتي ومتابعتي

اخوك

شكرا لمجرد الحضور ..

تحياتي اخوي هلال ..

وما عليك زود اخوي محمد ..

صح بدنك وتشرفت بمرورك لا هنت ..

تحياتي وودي..

وما عليك زود اخوي طلال ولا هنت على حضورك الجميل ..

صح بدنك ملايين وطال عمرك ..


تحياتي ..

صح بدنك اخوي العزيز نادر ..

ويكتمل التميز بحضور الطيبين امثالك ..

تحياتي وودي لك والمرقاب ما اقدر انقطع عنه ..

شكرا لك..

صح بدنك اخوي بندر وطال عمرك ..

شكرا لتشريفي ..

صح لسااااانك مليووون مبدع الله لا يعوقك

تحيتي

العـز طبعـي ولا عمـري تمثلتـه
من ورث جدي بكاس الطيب مسقيني
ادرس على يديه واجاوب على اسئلته
كذا قوانيـن وايـل هـي قوانينـي
واذا غدر بي رفيقي قلت : مشكلتـه
والضربة الـي ماتذبحنـي تقوينـي
ما اعاملـه لا تـردى بـي معاملتـه
لاني لفعل الردى مـا تقـدر يدينـي
كـذا اعرفـه دون اقنعـة مجملتـه
الاولـه فيـه وامـا الثانيـة فينـي
وان قال بي شين فيه الشين ما قلتـه
ذنبـه يكفيـه وذنـوبـي تكفيـنـي
اخذت طبع النخل لـو مـا تطاولتـه
بالطوب يرمى وينزل تمـره الزينـي


الله الله الله الله الله

كفووووو والله

ابداااااع ورقي

صح لسانك لين ترضا

حضور وافي وجزل

لاهنت

احترااامي

و
ج
د

إبداع .. إبداع .. إبداع


والله انها من أجمل ما قرأت

لله درك يا خلف

وكفو ثم كفو

صح لسانك مع وافر الاعجاب ،

..

العـز طبعـي ولا عمـري تمثلتـه
من ورث جدي بكاس الطيب مسقيني
ادرس على يديه واجاوب على اسئلته
كذا قوانيـن وايـل هـي قوانينـي

كفو كفو

ونعلم مليون يالغريب

وصح لسانك

اخي محمد السميري..

تشرفت بمرورك الجميل لا هنت وبيض الله وجهك ..


ودي وتقديري..

هلا بك اخوي عبداللطيف ..

ما عليك زود يا بعدي ولا هان راسك ..

صح بدنك وتشرفت بمرورك الجميل ايها الجميل ..

ودي وتقديري..

الكريم محمد بلال ..

صح بدنك وطال عمرك ..

الف شكر لك وتقبل تحيتي ..