مـن الـقـائـل ...؟
المرقابيون الأحبة ؛ صباحكم مثل أرواحكم بياض ونقاء
سنفتح هذا المتصفح بحول الله وقوته لهدف محدد الهدف : كل قصيدة أو بيت من قصيدة أو عدة أبيات لا نعرف كاتبها نطرحها هنا ونسأل أحبتنا هنا : من القائل ؟ ومن يمتلك الجواب : ينسخ النص بشكل اقتباس ويضعه في المقتبس وهذا هو أول الأسئلة : من القائل ؟ سلمولي على الغالي... سلام كثير واخبروه اني اسهر.. لين يبدى الصباح دمعة العين عقبه بالمحاجر... تحير ما تجيبه اعيوني.. كود عند.. المراح ليت لي يا هوى بالي... جناحٍ واطير البلا اني عليك اكفخ بليا جناح حارب.. النوم عيني.. مايطب النظير من سبايب غرامك جوهر العقل.. راح شالك الزين عني يوم مالك... خشير والله اللي بلاني بك.. بليا صلاح كن وجهك قمر خمسة عشر مستنير ليت منهو... بلغ بك غايته واستراح صد عني ترى عينك.. سهمها خطير ما خبرت أحدٍ قبلك عيونه.. رماح مثل ما كنت باقدامك تدوس.. الحرير انت يا زين بأقدامك.. تدوس الملاح |
هذي يا محمد و انا اخوك ان ما خاب ظني انها للأمير خالد الفيصل...
اعتقد و الله اعلم انها له... مع تحياتي لك و تقديري اخووكم ش. س. |
^
^ ^ ولاعلى كلام العود زود :) ولاهنت يامحمد |
يعطيك العافية يا أخ محمد وفكرة حلووة وبالنسبة للقصيدة اللي ذكرتها فهي للأمير الشاعر/ سعود بن محمد الكبير وهي معروفة موجودة على موقعه الالكتروني |
شكرا يا شفق
وشكرا يا فراج وشكرا يا بداح الأن لم تتفقوا أحد قال أنها للأمير خالد الفيصل وأحد قال أنها للأمير سعود بن محمد |
محمد السالم
شكلها للامير سعود بن محمد والله اعلم تقبل مروري المتواضع وصادق تحياتي اخوك |
لا هنت وموضوعك طيب والله
وهي يا للأمير الشاعر/ سعود بن محمد الكبير أو انها للأمير خالد الفيصل والله أعلم :) |
^
^ لا خلاص حلتها مخايل... :) هي لواحد ٍ منهم اكيد.. و حنا افترقنا عند اسم راعيها.. حاولي ترسين على بر عشان محمد السالم اقل شئ :) |
^
^ أخي شفق :- خلاص أنا أحلها ولا يهمّك .. ؛ هي حدا الثنتين يا لـ الأمير الشاعر خالد الفيصل أو لـ الأمير الشاعر سعود بن محمد الكبير<-- تتغشمرين إنتي ووجهـتس teeth: القصيدة والله لـ الأمير الشاعر : سعود بن محمّد الكبير شكرا ً محمّد السالمـ ؛ |
من فيكم يعرف كاتب هذه القصيدة ؟
-------------------------- مابيك تستغرب إذا قلت مابيك قلبي من اللي صار غيّر كلامه.. تدري وش اللي حدني يوم اناديك بودعك واقوووول مع السلااااامه.. بودعك وانسى زمانك وماضيك وداع من ذاق الجفا والملاااامه.. لكنّ , ودي أسألك قبل اخليك وابيك تعطي للسؤال اهتمامه.. في ذمتك وشلون غيرتني فيك ؟ وخليتني انسى غلاك ونظامه.. وانا عشانك كل ماتطلب يجيك رفعتلك هامه و نزلت هامه.. ما عاد لك في داخلي حيّ يبكيك صدري قبر كل الحوااااس بعظامه.. اغليك ؟ صح اشهد إن كنت انا اغليك والحين راس المال منك.. السلامه.. لا تقول ليه..وكيف..وشلون..وشفيك ماضيك يعطيني لبكره علامه.. ما ودي اضيّع حياتي بأياديك دام إن من عزك تنزل مقامه.. غلاك \ ماعلمك تكسر تغليك ؟ وغلاي \ اثبتلي الوفا والشهامه.. كاااافي نضيع وقتنا في بلاويك ما يرجع اللي راح كثر الندامه.. وإن ضاقت الدنيا بزحمة طواريك !! الليل الأسود , مايطول ظلامه.. والحين تعرف ليه انا قلت مابيك ؟ و قلب يحبك ليه غير كلامه ؟ ودعتك الله لاتجيني ولا اجيك ولاعاد تسأل خاطري وش علامه؟ ولا تنصدم في بسمتي يوم احاكيك أحيان تلقى بالجريح ابتسامه!!! |
بالنسبه للقصيده الأولى ......... الظاهر انها لشاعر / سعد السهلي ... وقام بغنائها الفنان الشعبي / بدر الغريب
|
اقتباس:
مرحبا يا سنجار شاكر لك على المعلومات أما القصيدة الأخيرة التي طرحتها للسؤال ؛ فقد عرفت كاتبها هو الشاعر (محمد الصواغ ) |
| جميع الأوقات بتوقيت GMT +3. الساعة الآن 07:06 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية