إرشيفيـه .. فقط لداعي التواصل
وإستمرار المحبـة


,


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


سميت بسم الله بعد صار ماصار=أستغفره وأتوب له وأستخيره
سبحان علام الخفايا والأسرار=اللي شمل علمه على علم غيره
أرجيه لامن عرضوا جسمي النار=لطفه وعطفه من عذاب السعيره
في ماقفٍ ماينفعك كثر الأعــذار=غير إطلب الله رحمته وأستجيره
يارب تهديني على عرف الأخيار=اللي يجاذبهم على الدين غيره
واللي مجالسهم بها خير الأذكار=أعدهم وقت الشدايد ذخيره
دايم على نهج الصحابه والأبرار=طوال اللحى ..أهل الثياب القصيره
واحدهم إن جالك على الحق بيطار=الحق لو دونه جموع ٍ غفيره
بيّاع دنيا والعوض دار في دار=يِجمع بها العبّاد من كل ديره
ويارب خيرني من الخير.. وأختار= بر ٍ لشيباني وبر العشيره
لن الرجل دايم معرض للأخطار=والسيف يِضربه..ويِرجَع جفيره
ويارب تجعلي معزه ومقدار=فقلوب بيضان الوجيه السفيره
ومن حبني بك جعل يسلم من العار=وأنا بدوري..أعتني به وآشيره
لن الشعور أغلا هدية وتذكار=بين البشر..جسر ٍ يجمل مسيره
وإلا الهنوف اللي لها بالوفا كار=أحبها ما جبت للخلق سيره
مرباعها بين الحنايا والأنظار=ترتع بريضان الجروح الغزيره
علمي بها في يوم 20/آذار=يوم إستمالت للعذاب وهجيره
جتني تبرر للمفارق..بالأقدار=وليت القدر ماكان لي زمهريره
شنت علي حربٍ مصاريعها كثار=عيني..وقلبي..والحشا به مريره
وكبدي تفوح بغلها تطلب الثار=وأنا الفقير اللي عشق له أميره
ذكرت ميقاف ٍ لنا بين الأشجار=وذكرت لحظات الوداع الأخيره
وعرفت معنى الذل بعيون الأحرار=وعرفت بإن العذل قد طار طيره
ف يارب,, أنا عبدك ..ولد عبدك البار=أستغفرك كبر الخطا مع صغيره
[/poem]




,