صورة الحب لـ ( عصام عباس)
 

السلام عليكم ورحمة الله وبركاته

اسعد الله اوقاتكم بكل خير

قصيده للشاعر عصام بن عباس المرشدي اتمنى ان تروق لكم .


[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]


ياللي تحسب الحب ضحكات ومزوح=اسمح لي ارسم لك عن الحب صوره

يبدا بنظره ويتمكن من الروح=وتصبح بيوته في الضمير معموره

وانظر بحالي يا بعد كل مملوح=وتشوف في حالي عذابه وجوره

إن قلت لي مجروح بالحيل مجروح=إلا وحالي من هواك مخطوره

بنيت لك قصر الغلا برج وصروح=وباب جويد وحام القصر سوره

سوره من الكتمان ما يقبل البوح=من خوف من يركض بكذبه وزوره

وليا لقى غره بقى الأمر مفضوح=كبرت وزودها وزادت شروره

وأنت انتبه لي يا حسين البها و أوح=واللي يحبك خذ كلامه وشوره

ما لك من الهجران والصد مصلوح=يا صاحبٍ قلبي غرق في بحوره

هواك موج وفيه أنا قاضب لوح=احاول اعبر مير صعب عبوره

يا عين حر جيب للشيخ مطروح=خطو أشقر شدَو برجله سيوره

عريان ريش وزين مخلاب وجنوح=يدعيه صقَاره ويعطيه دوره

ولك أشقر حوَل على المتن مسفوح=زافين والمسك اليماني عطوره

حوَل وفي وسطه طلع للقمر ضوح=وسطه قمر خمسة عشر بان نوره

وخصرين واللي بينهن تقل ممسوح=يا هايم الخصرين ليه الضروره

احلف بمن ساعد ونجَى النبي نوح=وفرعون بالطوفان هدَم قصوره

إن لك صدري يا ريش العين مشروح=ونفسي عليك من الخلايق غيوره

ولو هو بكيفي كان أجي لك ولا اروح=وما فاتني من عام ما احسب شهوره

والحب باب للمخلايق مفتوح=ما احد ذكر به عيب وإلا معوره

قلبين فيهن حامي الشوق مقدوح=وخطر على المشتاق يفقد شعوره

يقضي هزيع الليل الأتلى مع النوح=وعينه ولو تسهر يقال معذوره

وإلا أنت منتب في تغليك مسموح=يا منتهى كل الغرام وحضوره[/poem]

لكم فائق احترامي وتقديري ...!!

عليكم السلام ورحمة الله وبركاته

هلا بك وبما جبت

صورة حب وقصيدة جميله

صح لسان الشاعر عصام المرشدي

وشكرا لك يا راكان

وكل عام وانت بخير ،،

..

دكتورنا

يامرحبا ومسهلا


حضورك يسعد اخوك


شاكر لك مرورك

وانت بالف خير وينعاد عليك اعوام عديده

لك فائق احترام وتقدير اخوك ....!!

مرحبا يابو محارب

وانت سالم


شاكر لك مرورك


لك فائق احترام وتقدير اخوك ...!!

لاهنت

اخوي راكان على إراد هذا النص الرائع للشاعر عصام

فاهو شاعر غني عن التعريف يمتاز بسلاسه المعنى وجزالة الفض

تقبل سلامي

مخايل


مرحبا ومسهلا

شاكر لك مرورك


لك فائق احترامي وتقديري ...!!

ماقصرت يابو جميل وابيض وجه
وعصام بن عباس المرشدي فوق الكلام هو وقصيده كله

تحياتي وتقديري

الله الله

ما يحتاج .. اختيار ولا اجمل يا راكان

صح لسان المرشدي ولاهنت على النقل يا غالي