ثلاث قصايد
 

السلام عليكم






شرهة عقل
شعر/ سلطان ابن حامد

[poem=font="Simplified Arabic,5,black,bold,normal" bkcolor="transparent" bkimage="" border="solid,1,black" type=1 line=1 align=center use=sp num="0,black"]
ياللّي تجي فيصل وتدرك وصاله=عطه الكتاب وحامض العلم عطنيه
قلّه تراني ما أطلبه من حلاله=وعهدٍ عطانيّاه مانيب ناسيه
شهرين والثالث على أوّل هلاله=أنادي الروقي وكني ما أناديه
وأنا بفضل اللّي عزيزٍ جلاله=لا راجيٍ غيره ولانيب راجيه
لكنّ لا جيته عسى الخير فاله=قلّه ترى الموضوع كلّه وما فيه
شرهة عقل ماهيب شرهة جهاله=لأنّه على الطيّب تجوز المشاريه
ماجوبها الجيره وحق الزماله=وكلمة عتيبيٍ تميته وتحييه
فإمّا يقوم إبها ويكسب جماله=وألاّ يقدّم عذر والله يحييه
حنّا مع الطيّب على كل قاله=وخويّنا بالمخطيه ما نجازيه[/poem]


______________

بيت الجزاله
مردود الشاعر الكبير مرزوق المقاطي

[poem=font="Simplified Arabic,5,darkblue,bold,normal" bkcolor="transparent" bkimage="" border="solid,1,darkblue" type=1 line=1 align=center use=sp num="0,black"]
ياللي تجي سلطان قله لحاله=إنّي معه في كل طرقه مخاويه
كريم يابرق" سرى في خياله=إنقضّ سيله وإنحدر من علاويه
عز الله إنّي كنت سالي وداله=وهجوس شعري راتعه في محانيه
وجتني رساله مابعدها رساله=من واحدٍ قلبي يعزّه ويغليه
أشفق لشوفه كل ماجاء مجاله=وأطرب لشعره كل ما حلّ طاريه
شاقتني الحكمه وبيت الجزاله=وغنّيت طاروقه وحبيت أجاريه
كان العصيمي راهياتٍ حباله=يآرد على هدّاج تيما ويرويه
يترك هماج الماء ويشرب زلاله=وأنا عليّه بالملازيم لأرضيه
يالربع إبن حامد وش اللي طراله=يعاتب الروقي ويزعل بناخيه
يسأل وأنا بأجاوبه في سؤاله=وأبا أعتذر كان المعاذير تكفيه
من لا حمى من دون عمه وخاله=جعل الحليله يا أبيض الوجه تبكيه[/poem]

______________

شطّ الفرات
ومردود الشاعر الكبير نيّاف ابن نمّاس السميري

[poem=font="Simplified Arabic,5,darkred,bold,normal" bkcolor="transparent" bkimage="" border="solid,1,darkred" type=1 line=1 align=center use=sp num="0,black"]
يامرحبا باللّي يشّرف مقاله = ترحيبة اللي منتحيٍ عنه غاليه
عقب البطاء شافت عيونه خياله = لو تنهمه بالصوت ما عاد يوحيه
من روس ربع ومن علاوي سلاله = عوق الخصيم وطالب الحق تعطيه
والطيب مع جرد الفجوج تعناله = بالأحمرين وغالي الروح تشريه
والحق يا سلطان حكمه عداله = والكيل والمكيال من حظ موفيه
وطلبك من قال إلك صعبٍ مناله = ولا فيه شيٍ يا أبيض الوجه نخفيه
مالٍ يزول ومال عسرٍ زواله = وما دوّنت صفحات الأمجاد تبديه
والرجل لوّ يحسّب اللي غداله = حارب بني عمّه وحارب عوانيه
وقلّ للمقاطي ما وردنا ثماله = شطّ الفرات يسوق يمّه ضواميه
والحرّ ما تجرح يمينه شماله = وسود الليالي نازح الدار تدنيه
الله يطوّل ما بقى من لياله = الشاعر اللّي هيّضتني معانيه
وإقبل تحيّاتي نيابه وأصاله = مالاح برّاقٍ سرى في مناشيه[/poem]

وسلامتكم

كلها فاخره وشعار مبدعين

صحت السنتكم .. ولا هنتوا

تقديري

الله الله

كلكم شعراء و مبدعين.. ولا انتم بحاجة شهاده

صحت السنتكم .. ولا هنتوا

تقديري
:wardah:

الله الله الله

ثلاث عقود بديعه

صح لسانك يا سلطان ولسان مرزوق ولسان نياف

ولاهنتوا يا النشامى ،

..

تسجيل حضور

وعوده موكده بذن الله

الله الله الله

ثلاث درر ذهبيّه تستحق الثناء

صح السنت شعارها مدد ولاهانو

وتقبل تحياتي ومروري ومتابعتي

الشهاده مجروحه يابو حامد





وهنا فقط تجديد الاعجاب بما تكتب




ثلاث قصائد من الطراز الاول


صح لسانك وصح لسان مرزوق ولسان نياف




تقديري لك





.

سلطان ابن حامد


كل عام وانتم بخير


ثلاث قصايد

من ثلاثة شعراء

كبار ومميزين


بيض الله وجيهكم

والله يديم المعروف بين الناس

ياسلام على الابدااااع


صحت السنتكم


ولاهنتم على هالروااائع

احترااامي

و
ج
د

هذي ثلاث سبائك ذهب صافي


لله دركم

لله دركم

اعلام وفخر لقبيلتكم ...


اخوووكم ..

ابن مصوي

صح بدنك والله لايهينك

تقديري لك

يمكن أني اول من اطلع على القصيده الاولى

ومن ثم القصايد الاخرى


صح لسانك يا صديقي

وبيض الله وجهك
وصح لسان الربع

عبدالعزيز هليل

لاهنت

وصح بدنك

تقديري لك

[frame="4 80"]سلطان بن حامد

اسعد الله جميع اوقاتك بكل خير
وكل عام وانت طيب

ثلاث قصايد موفقات
جزاله وابداع

دمت مبدع
وصحت السنتكم جميعا[/frame]

مشعان

الله لايهينك على كل حال

وصح بدنك

مرورك يسعدني دايم

تقديري لك

ياشيخ لله دركم كلبوكم
وهالمتصفح للامانة ملئ بالشعر

تحياتي لك يابن حامد

صح لسانك يا سلطان ولسان مرزوق ولسان نياف ولا هنتوا

قصايد امتعتنا فيها يا ابو حامد الله لا يهينك

وفقك الله

صح لسانك ياسلطان


وصح لسان مرزوق ولسان نايف


ثلاث قصائد كايفة


تحياتي

صحت السنتكم كلكم مبدعين الله لا يعوقكم


تحيتي

كلها فاخره وشعار مبدعين

صحت السنتكم .. ولا هنتوا

تقديري