وشهو شهر رمضان؟؟!!
 

قبل أمس عندي عمال يشتغلون في البيت ومقابلهم ،، وحولي بعض ورعانا يلعبون ،، وبعض الأحيان يرتفع إزعاجهم ونصيح عليهم ويركدون شوي ،، وفي هذه الاثناء ،، إذا بواحد منهم يطرى عليه طاري ،، ويلتفت يمي ( عمره حول 10 سنوات )،، وقال: صح رمضان باقي له يومين؟

قلت: ايه صح

وجاء رد فعل أحد الورعان الآخرين ( عبودي عمره 5 سنوات): ااالله وناسه رمضان بعد يومين.

ومن باب المداعبة سألته،، ليش أنت تعرف وشنهو يعني رمضان؟ قال: ايه

قلت: علمني وش رمضان؟


رد وبراءة الأطفال في عينيه ،، رمضان هذاك اللي فيه مسلسلات جديده ..... :11:


حقيقه ،، ما كنت متوقع هالاجابه :maho-me9a

كان ممكن اتوقع انه يقول ،، اللي فيه لقيمات وفيمتو ،، لأني اعرفه بطيني ،،،،، بس مسلسلات!!!! ،، حقيقه جديــــده :)


ولكم التعليق







تحياتي/ حامد

هذا الواقع اللي فرضه الاعلام

فلاتستغرب منه هالرد وخصوصا ان لنا شهرين وهم شغالين اعلانات الله يشغلهم


لاهنت ياحامد

حامد المطيري

البدايه كل عام وأنت بخير وكل رمضان أنت طيب

هذي مشكله ياحامد سببها الأعلام ( قاتله الله ) أنظر الى أعلانات التلفزيونات ؟؟؟

شيء لايصدّق !!!

ويقال بإن ماينتج لشهر رمضان من مسلسلات وبرامج يفوق ماينتج لبقية العام كماً وكيفاً !!!

وهذه حرب ( ماديه ) وراس / ماليه غير محسوبة العواقب

حسبي الله عليهم ونعم الوكيل

التعليق نقول :

إذا كان رب البيت للدف ضاربا ... فشيمة أهل البيت كلهمُ الرقصُ !


هذه نتيجة تربيتنا ونتيجة ماتعج به بيوتنا من المخالفات والتوافه ،

وإهمال الجانب الأهم وتقديم الدنيا على الدين :(


وكان من هذي وجاي بصيطه ، أنا أرى أنه بالإمكان تدارك الأمور قبل وقوع ماهو أعظم !


حامد ،
كل عام وأنت بخير :)


سلام’ عليكم

حامد كل عام وانت بخير

خل الوراعين على جنب

اليوم عويد / شيبان بالدوام يسولفون عن مسلسل ويوصون بعض واحد يقول لا يطوفك والثاني يقول عسى عندهم مسلسلات حلوه هالسنه !!!

هيّا عاد دبّرها !

انت توحيني .... مرطسه وبس

..

كل عام وانتم بخير
وجعلنا الله وإياكم من صوّامه وقوّامه
وتقبل الله من ومنكم صالح الأعمال
:)






الا على طاري رمضان
بكم شريتوا مقاضيه
teeth:

إذا كان رب البيت للدف ضاربا ... فشيمة أهل البيت كلهمُ الرقصُ !



صدقت يا عبدربه ...


والوضع مؤلم ....
جدا" ...

لانفرض منعا" للتلفاز ...لكن هنالك قنوات واجب أن لاتعرض ..خلال هذا الشهر خصوصا"

والتخلف الحاصل في الحملات الضخمة للمسلسلات كبير جدا" ...

أسأل الله لنا ولكم الثبات وكل عام والجميع بخير

حامد

اصبح شهر رمضان يسيل لعاب المنتجين حتى اصبحت المحطات تتزاحم بالمسلسلات ذات السيناريوهات المكرره (الخليجية ) تغيرت المفاهيم واكدت الاحصاءات ان اكثر الاشهر متابعة للقنوات هو رمضان اصبح اصحاب المعلن ينتظره ليزج بإعلاناته ولاننسى برامج المسابقات .

بالمختصر كارثه ان تتغير المفاهيم وتنحصر في هالامر

الحقيقه الاسره هي مسؤولة عن الاجابات البريئة التي يصدرها عبود وامثاله وللاسف هم كثر ويشكلون شريحة كبيرة من هذه الفئة العمريه.


لك فائق احترامي وتقديري

هههههههههههههههههه

اما عاد اللي فيه مسلسلات جديده

الورع هذا يا حامد تلقاه مشرم مسلسلات فجر السعيد ...

اعتقد ان النقاش بهذه النقطة استهلكت كثيرا يا حامد ..

الله يرحمنا برحمته

هلا فيك يا ياسر

ايه باديين مبكر هالسنه مدري ليه :)


اسعدتنا طلتك




تحياتي/ حامد

وانت بخير يا مطر


وانا معك إن الكيله زايده هالسنوات الاخيره


شرفنا مرورك ياعزيزي




تحياتي/ حامد

ما تخلي لغفاتك يا عشيري :)


بس فعلا انا معك ،، شي اهون من شي


كل عام وانتم بخير ياعبدربي :)





تحياتي/ حامد

كل عام وأنت بخير

والله يعبد في كل وقت ورب رمضان رب الشهور الباقية

والله يصلح لكم البطيني ويجعله من علماء المسلمين :)

والاعلام قذر بشكل مايوصف مير موسمهم رمضان وش يسوون فرصة ويبي يستغلونها :)

وياعنك ياحامد ان محمد مشوط صادق بكم شريتوا مقاضي رمضان ههههههههه

الله يصلحه ويصلح اللي عندي,,
الصغآر مآينلآمون حنّآ منوّل إذآ سمعنآ طآري رمضآن اول شي يطري علينآ "بآبآ فرحآن":)
مع ان زمآن مآكآن فيه هالمُبآلغة ,, وخآصة بالسنوآت الأخيرة صآرت القنوآت تحشدّ جهودهآ بس في رمضآن
مسلسلآت / وفوآزير / ومسآبقآت .. وكأن النآس مآيعرفون :التلفزيون" غير بهـ"الشهر الفضيل"
مآنقول غير الله لآيشغلنآ الآ بطآعته!
لآهنت!

هلا وغلا ياحامد ,

شلونك وكل عام وانت بخير ,

اعتقد بأنها ردة فعل طبيعيه جدا .. لسبب بسيط جدا .. لكميّة الزخم الاعلامي المصاحب لهذا الشهر الفضيل ,

الجمله وان بدت بأنها عفويه الاّ اني اعتقد انها ومع مرور الوقت ستتأصل في نفوس الكثيرين .. مالم نتدارك انفسنا ,

وان كانت بمثابة الشرارة الان الا انها ستصبح غدا نارا ً تسري في الهشيم ,

وللامانه مثل هذه التراكمات هي السبب الرئيسي في فقداننا لهوية المسلم الحقّه ,

واقسم بالله اننا جميعا مقصرون في كثير من الجوانب .. ومثلما نلوم الاعلام يجب ان نلوم انفسنا قبل ذلك ,

سلامي عليكـ ,

هلابك يا عيسى

وكل عام وانت بخير


تحياتي/ حامد

ياهلا اخت شذى

وحياج




تحياتي/ حامد