( تراحيب البصيّص )
 

نص متواضع اتمنى له ربع الاعجاب



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصدر ضاق وغثربنْ المشاريب = وانا على هالحال طال انتظاري !

مانيب ضايق من فراق الرعابيب = عندي المزيّن مالهن اي طاري

لا والله الا شاذبين العراقيب = كلٍ على طاريْ بايع وشاري

وانا ماودي بالسواليف واجيب = ابقى العين الطيب رجل انتحاري

اذا انكساري في عيون العدو عيب = يبطي عدوّي مايشوف انكساري

من عادتي لاضقت انا اطوّح الجيب = واقطع ختاخيت الخلا والصحاري

ماني من اللي حده الحوش والسيب = ولاني بزر وادوج وسط الحواري

دايم مكاني مرتع الفطّر الشيب = ويحقْلي فيهن افاخر واماري

نياق ابوي اللي يحب المكاسيب = عودٍ على كسب المواجيب ضاري

رصيده بنك المرجله والمواجيب = ماهو رصيد الراجحي والتجاري

في شوفهن تزين الاحوال واطيب = هذي على يميني وهذي يساري

وجمعه وجمعتنا على العز والطيب = ماهوب جمع ( بليستيشن واتاري)

جمعة رجال وشعر منطق واساليب = نسمع شعر ( عجمي ) ومره( مطاري )

والشعر مهما زاد عكف الاشانيب = ( يبقى شعر ماهو صحيح البخاري )

ابرك من مقابل ردي المجاذيب = اللي يقطّع صاحبه بالشباري

هذا الزمن ماهو زمان الاصاحيب = واكبر دليل اللي على الحال جاري !

الذيب لامنه عوى مالقى ذيب = ( معاد باقي للذيابه مواري ) !!

لاكن عزايه متعبين الاصاعيب = وفي عالي القمه بسجّل قراري

في هالزمن مهما تدور الدواليب = اثبت ولايمكن اغيّر مساري !!

لو الحرار اللي بديها مخاليب = اشوفها قامت تهاب الحباري !!

ولو الحصيني فوق روس المراقيب = والذيب مايقطع طوال المساري !!

اخذت من دنياي درس وتجاريب = النور عمره مايصير امتواري ؟
( يبقى تراحيب البصيّص تراحيب ) = ( الاصلي اصلي والتجاري تجاري ) !![/poem]

الرائع

تركي الديحاني


لي عودة تليق
بعد اذنكـ



*********

تركي الديحاني

صح لسانك على هالرائعة

ونعم في من ذكرت ويستاهلون التمجيد

ومبدع كالعادة

تحيتي لك

صح لسانك ياتركي


جزل ومميز لاهنت



وارجوا منك اعاده النظر في صياغه هذا البيت ( إملائياً ) لأنني متأكد ان شاعر مثلك لايمكن ان يخل بالوزن :)



ماني متضايق مـن فـراق الرعابيـب
عنـدي المزيّـن مالهـن اي طــاري



وكذلك هذا الشطر


من عادتـي لاضقـت اطـوّح الجيـب




تقبل تحياتي

عادل العتيبي

اشكرك على الملاحظه وتم التعديل لازلنا في بدايات عالم النت :)

الاصلي آصلي والتجاري تجاري

كلام


صح لسانك يا تركي

صح لسانك .. ولاهنت

عبدالله بن علي

كل الشكر لمرورك الجميل

تركي

وانـا مـاودي بالسواليـف واجـيـب
ابقى العيـن الطيـب رجـل انتحـاري


كفوو
كفووو



اخـذت مـن دنيـاي درس وتجاريـب
النـور عمـره مايصيـر امتـواري ؟
( يبقى تراحيب البصيّـص تراحيـب )
( الاصلي اصلي والتجاري تجاري ) !!




تركي الديحاني


صح لسانك


وسلم بنانك

الغالي

محمد كل الود لمرورك

تركي

سلطان العوني

كل الود لمرورك


تركي

صح لسانك يا تركي ،، قصيده جميله وجزله



كل الشكر لك



تحياتي

والنعم فيك وفبوك


شاعر ياتركي لا نملك له إلا الإعجاب بأدبه

يا حبني لك يابو لفى .. :)

وابدعت بكل بيت وبكل شطر

صح لسانك

تركي العتيبي

كل الود لحضورك

تركي

( يبقى تراحيب البصيّـص تراحيـب )
( الاصلي اصلي والتجاري تجاري ) !!


ياسلام يابو احمد


صح لسانك


وكل سنه وانت طيّب



تقبل مروري ...