كل يوم مبشرٍ قلبي بفرقا غالي.!
[align=center]السلآم عليكم ورحمة الله وبركاته
نصّ متواضع يتمنّى القبول [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] كل يوم مبشّرٍ قلبي بفرقا غالي=والله أكبر ياالزمان اللي هذا موّاله كلّ ماأقول الزمن يصفى رفض يصفى لي=ولو يتوب القلب عن ولْف القلوب أشوا له مايجامل وقتنا فاالحلّ والترحالي=يبعد الرجّال حتى عن هله وعياله آه ياهمّي وياوجدي وياعزّالي=كلّ ماأنشد عن رفيقٍ قيل شدّ رحاله إنشغلنا فاالحياه إقفايةٍ وإقبالي=لين كلٍ راح في عوج السنين لحاله والظروف ليا ومرها الله على الرجالي=تشغله حتى لايازن غترته وعقاله وصارت الأخبار تاصلنا على الإرسالي=لو ماشفنا الرجل لكن ننشد (إ)عن أحواله وكلّ يوم أمسح رقم من ذاكرة جوّالي=مات راعيه وترك عندي رقم جوّاله وإن قريت إسمه ورجّعت الشريط البالي=دمع عيني فوق خدّي مايغيض خياله وعارفين إنّ الليالي ماعليها تالي=مار طبع الآدمي يطمع بدفْع آجاله والنهايه كلّ يوم مفارقٍ لي غالي=والله أكبر ياالزمان اللي هذا موّاله[/poem] تحيآتي نايف بن صنهات[/align] |
حـجــز لهذا المارد الشعري الذي سعدت برؤيته هنااااااا
. . . |
صح الله لسانك وعلا شانك
|
صح لسانك
يانايف وسلمت |
وعليكم السلام ورحمة الله وبركاته
يامرحبا يا نايف و حياك الله في المرقاب صح لسانك على هالجزله وبيض الله وجهك حضور أول يستحق الإعجاب احترامي |
مرحبا يالسمي في مرقاب الجميع
وصح لسانك وسلمت غيمار |
ابو صنهات
مرحبابك ملايييييييين تسجيل حضور وترحيب ولي عوده |
نايف بن صنهات
لله درّك لله درّك الى مالا نهايه ........... |
مرحباً ألف ابيات جزله والشاهد الله تستحق القراءة صح الله لسانك ولا هنت ننتظر القادم |
عوده لهذا النص الرائع
نايف بن صنهات الدلبحي صح لساااااااانك مدددددد تعرف رايي فيك يا مبدع انت شاعر مبدع وجزل مودتي لك . |
الله الله
مرحبا مرحبا صح لسانك يا ابو صنهات ما يبي لك شهاده |
عبدالرحمن السمين
يامرحباً بك وبحضورك الأول والثاني وصحّ بدنك طال عمرك تحيااااتي |
عيسى الرشيدي
صحّ بدنك ولاهنت على تشريفك |
والظروف ليا ومرها الله على الرجالـي
تشغله حتـى لايـازن غترتـه وعقالـه وصارت الأخبار تاصلنا على الإرسالـي لو ماشفنا الرجل لكن ننشد (إ)عن أحواله نايف مبدع .. صح لسانك مدد ولا هنت تحياااااااااتي .,. |
ياهلا ومرحبا يانايف
اسعدني تواجدك هنا كثيراً فكم تمنيت ذلك والأن تحققت الأمنيه ولله الحمد :) ورايي فيك وفي شعرك تعرفه من مبطي :) صح لسانك وتقبل تحياتي |
سعود غنّام
صحّ بدنك لاهنت |
نايف بن صنهات
وعليكم السلام ورحمة الله وبركاته وصح لسانك قصيدة جزله من جزل واختيار وبدايه موفقه وحياك الله معنا في مرقابنا وياهلا ويامرحبا تقبل اعجابي وتقديري واحترامي اخوك خالد الشويّب |
عمر الدغيلبي
البقااا طال عمرك وصحّ بدنك لاهنت |
السمي نايف
سلم رآسك وصحّ بدنك |
سلطان بن حامد
البقاااا طال عمرك وحضورك شرف للنص وصاحبه وحجزك مؤكّد |
اقتباس:
ابو صنهات صح لسانك لين ترضى قصيده فاقت الوصف تقديري لك ،، |
النقي
هادي اليامي سلم رآسك على هاالحضور المشرّف |
| جميع الأوقات بتوقيت GMT +3. الساعة الآن 01:10 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية