حمد العصيمي اقرب
يالعصيمي بالمواري وش تشوف وش تورا
الذياب تحوف والبارود محرمها عشاها شفت ميزان الحقايق مال عيا لايقرا والعرب نصفين احد من دونها واحدن وراها |
خمسه وعشرين فا المحميه وتسعين برى
ما رماها راعي البندق لكن الله رماها ما لمحنا عورة المجنون لين انه تعرى والبشر ما سترها غير الثياب اللي علاها |
الله الله ,,,
فتل ونقض %100 واصلوا متابع ,,, تقديري ... |
ارررررحب يبن وسااااااام ملايين ولا عليك زود يا الامير
|
الله الله
مشاري وحمد وثنائيه عالميه :) من متابعينها منذ مبطي والصف عصيمي لو إني مانيب عنصري لكن ماغير اللاله الليل |
ارررحب يا سلطان اررحب يا الامير ما تزيدنا الا شرف بحضورك
والعنصريه لا بد منها ههههههه |
الله الله
حضررررت صحت السنتكم |
ارررحب يا سلطان ا لعطاوي اررحب حضورك النور يا الامير
|
سنة البصره على النهج السليم ولاتحرى
شيعة الكوفه بعد صار البلى دجل علماها فتنة الدجال تال الوقت ماعنها مفرى فالاحاديث الصحاح اللي رواها من رواها |
سعد بن وسام
ارحب حياك الله متابعتك شرف |
سلطان بن حامد
هلا ومرحبا حياك الله ومتابعتك فخر يبا الله يجيب انا واحد عنصري هالحين وتصير واحد واحد |
سلطان العطاوي
حيااااااااااااااااااااااك الله حضورك مكسب |
البقا يا اثنين
قواكم الله وصحت السنتكم متآآآآآآآآآآآبع |
الله الله
ابك انا ماني على المتعه وجيزتها مضرا واية الله بنته اعرفها ولا اعرف خوياها صورة الدجال معروفه لو انه ما تمرى ما نغر الصورة اللي وجهها يشبه قفاها |
طيب طيب
ناقة الشاوي بعد هبت صبا عيت تدرى والخطام بخشمها والقيد مايطلق يداها القّرب قامت مع المسناه من بدري تفرا وانتثر ماها عسى ربي يعوض اللي قناها |
مشاري الكرشمي و حمد العصيمي
واصلو الله لا يهينكم متابعين للاستفاده |
سيف السبيعي
هلا ومرحبا متابعتك شرف |
الله الله
يا مشاري لو بغينا نفتش الظرف المغرا كان شفت الحاجه اللي مرها يغلب حلاها الرشا يدرج على المحال والمحال صرى والغروب اللي تجيب الما تناثر نص ماها |
ارررحب يا سيف اررحب يا الله حيه حضورك النور
|
طيب طيب
في العيون ام الرمد نبا نذر الكحل ذرا ان تشافت زين والا الكحل يكفلك عماها امس مروني ثلاثه مار تدري وش يطرا ماطرالك قد طرالي والمعاني في سراها |
هههههههه الله الله
بنغلاديش لو يقلب فا البضاعه ما تشرا مير يخربها على التاجر ويقفي ما شراها الثلاث حروف فيها حرف نصب وحرف جرا بعد حرف العله اللي ما قدرت القى دواها |
ابوتركي والله ان القاف معك انه فايده وعلم بحد ذاته
لله درك من شاعر صح لساااااااااااااااااااااااااانك وبيض الله وجهك ولنا لقاء اخر ان شاء الله |
| جميع الأوقات بتوقيت GMT +3. الساعة الآن 07:23 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية