السواليف الكبار !!
كل عام وانتم بخير ،،
واتمنى تمريرها بأي طريقه يا اخوان تراني ليا هالحين احاول الله الله من عادتي مانيب أحب اهل السواليف الكبار ولا اعترض في سالفة تخفى علي اسبابها اسمع واميّز واتنقى فالطوال وفالقصار حاجة تجوز وحاجةٍ ترجع على اللي جابها واصمت ولا انشد ويش صار وكيف صار وليش صار مالي دخل وش صار فالاصحاب بين اصحابها اللي تجي خلف الستار تروح من خلف الستار تروح عني ما التفت فيها واقفّل بابها قررّتها من نظرتي واصبت في صنع القرار قرار عاقل يكرم اللحية وروس اشنابها هذه شريحة من شرايح مجتمعنا باختصار كلٍ يزّهب بندقه لا زان له مضرابها اعوذ بالله من لسانٍ شغلته يقدح شرار وناسٍ على الفتنة تحد ضروسها وانيابها ناسٍ لعل الله يحمانا تزيد النار نار والنار تبغى واحدٍ ينفخ على مشهابها استغفر الله واشكره في سر والا في جهار والوذ به في ساعة كلٍ يحسب حسابها ماودي اسهب واخذ العبرة برد الاعتبار من قصةٍ فيها العجب للي يبا يقرى بها والمعذرة يا قابلين العذر حان الاعتذار العذر طيّب من رياجيلٍ عريب انسابها صحيح لي وجهة نظر كانت تعيش الانتظار واليوم قامت واستقامت واعتدل هندابها سيرة طويلة والمسيرة دوب سارت فالمسار حسب النظام وحسب تقدير العرب واعجابها لاهب نسناس الهوى من وجهته ثم استدار يبا يشيل الخيمة ام اطناب هي واطنابها والمزنه اللي مع مذر الشمس قدام النهار همالها في ديرةٍ قامت تسيل اشعابها حظ اللقية والهدية والمنيحة والحوار وحظ الجمال اللي مع الطرقة تعوج ارقابها والطايرة طارت وطاحت فوق رادار المطار سرعة جنونية وشرهتها على ركابها في داخل الصندوق الأسود خشم ذيب وخشم فار يا هجرةٍ تشابهت فيرانها وذيابها حزب اليمين يصرّح انها من قبل حزب اليسار وحزب اليسار ارخى على العورة طويل اثيابها دبرة وخبرة واستشارة وارده للمستشار عاش الحياة الجارية واقبل بها واقفى بها أفكار حصرية تطبّق في نطاق الاحتكار سيناريو يمضي كما جنبيّته ونصابها الضحك واجد و البلا فالحنجرة مثل الزرار والكارثة فالعين مير العين وين أهدابها ؟ أكل عليها الوقت وانهارت من آثار الغبار ما باقي ألا شكلها وعروقها وأعصابها والقنبلة باقي عليها ضغط ويصير انفجار ريموتها في حجرةٍ نسمع نعيق غرابها ازرى بها حمزة وفرده عادته لا ثار ثار يا اما على جنحانها والا على مخلابها الكل يدري وش حصل هاك السنة في قندهار والمقبلة سود الليال الغايبه تسعى بها حضر التجول يتفق مع شكل تشديد الحصار لو التجول كلمةٍ كلٍ يعرف إعرابها اللي مع قوة وله قدرة وله قدر ووقار لا عاد يا من جيرة العقرب وجيرة دابها الشك فالاسم الحقيقي قبل الاسم المستعار بعض الاسامي تنعرف بسطورها وكتابها على العموم آسف على التطويل يا طوال العمار والعذر طيّب من رياجيلٍ عريب انسابها |
1
ولي عودهـ |
اعوذ بالله من لسانٍ شغلته يقدح شرار
وناسٍ على الفتنة تحد ضروسها وانيابها ناسٍ لعل الله يحمانا تزيد النار نار والنار تبغى واحدٍ ينفخ على مشهابها الله يكفينا شرهم. وبلاهم صح لساننك |
سعود النفيعي ,,
انت طيب وقصيدك طيب ولايختلف عليك ثنين يالغالي .. صح لسانك .. ودمت بهذا التألق ... اخوك ومغليك .. |
يا سلام عليك يا سعود
قصيده عالميه وشاعر من الشعراء الكبار :) صح لسانك ولاهنت تقديري لك ،، |
سعود النفيعي
صح لسااانك وبيض الله وجهك قصيده تفوح حكمه ورشد . وشاعر كبير يا سعود .... حاول حاول محاولاتك يا زينها ...... مودتي لك . |
،
الله الله الله الله سلام الله عليييييك يا سعود ، عزالله أنك أبدعت ولا هو غريب الإبداع من أهله صح السانـك مدد يالشيخ ، |
الله الله
معاني قويه ورمزيه مقفله من جميع الجوانب سعود صح لسانك ابداع حد الأشباع تقبل سلامي واحترامي.. |
الله يكفينا شرهم يابو فهد
ويحمانا وانت بيض الله وجهك وصح لسانك ولاهنت ياكحيلان |
استغفر الله واشكره في سر والا في جهار
والوذ به في ساعة كلٍ يحسب حسابها ابو فهد صح لسانك وبما انك صديقي لابد ان ابدي رايي بكل صراحه بعد البيت اعلاه اعتقد انك ضعت وضيعتنا معك وهذا رايي الشخصي ودمت يابطل |
وااافيه يا سعود
صح لسانك مدد تقديري |
فارس بن مرداس
صح بدنك وشاكر لك حضورك وتواجدك تحياتي وتقديري |
غلاب بن عايض
طبت وطاب فالك ولاعدمتك يابو عبدالله تحياتي وتقديري ؛؛ |
سلطان بن حامد
صح بدنك والعالمي هو حضورك وتشريفك تحياتي وتقديري ؛؛؛ |
عبدالرحمن السمين
شاكر لك حضورك الفخم يا افخم واحد تحياتي وتقديري ؛؛ |
طلال السحياني
سلمت وجعلك تحيا وابرك ساعة يابو عطا الله تحياتي وتقديري ؛؛ |
علي بن ذروة
شرفتني يعلم الله بحضورك الجمّ تحياتي وتقديري ؛؛ |
الله الله
نص فــــــــــاخر بمعنى الكلمه صح لسانكـ ياسعود |
ضيف الله الغنامي
ووجهك ابيض يابو سعود طوّل الله عمرك تحياتي وتقديري ؛؛ |
ماجد النصيف
صح بدنك وانت ضايع اصلاً ولا ني مكلوف بك تحياتي وتقديري |
عيسى الشاطري
وافي يالذيب جعلك سالم وصح بدنك تحياتي وتقديري ؛؛ |
حاكم الغنامي
الفاخر حضورك مرحبا بك ومسهلا تحياتي وتقديري ؛؛ |
| جميع الأوقات بتوقيت GMT +3. الساعة الآن 12:17 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية