ياللي تبون من القصائد جوايز .!
 

السلام عليكم

وكل عام وأنتم بخير

مشاركتي في مسابقة المرقاب سلامة سلطان .
كان لأحد أعضاء اللجنه بعض الملاحظات عليها وفي المقابل أشاد بها العضوين الآخرين
ولهم جميعاً التقدير والإحترام .

وهنا . يسعدني أن اقرأ ملاحظاتكم وتعليقاتكم . ولكم تحيتي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لو كل حي قال ويش أنت عايز=قلت أتمنى شوف سيدي معافا

الحمد للمعبود محي الجنايز=على شفاء سلطان غيث الضعافا

عضيد من فعله للأمجاد حايز=بشهادة العالم بكل إعترافا

ماقلت قولٍ قيل ماهو بجايز=من غير هيبة خالقه مايخافا

حكامنا مارازهم كل رايز=من حاول الميراد صدّر عيافا

ما أحدٍ شكى في عهدهم من عوائز=هم ظل شعب المملكه واللحافا

فرايض الإسلام فيهم غرايز=تقبل الله سعيهم والطوافا

عز الوطن بأهل النفوس العزايز=أعمالهم عبر الوسائل تشافا

ياللي تبون من القصائد جوايز=ترى الجوائز شوف سيدي مشافا

شوفة ولي العهد سالم وفايز=هي جائزه كل القلوب النظافا

للشعب كله من شيوخ وعجايز=وكل الشباب ولابسات الغدافا

للملكه ركن من آقوى الركايز=حصنٍ على كل المنيفات نافا

عن قاصده ماحط دونه حرايز=بينه وبين أهل التعفف إيلافا

وهايبه من فيض جوده غزايز=مثل الخيال اللي سحابه تقافا

بنى صروح الخير وأنجز نجايز=عساه من رضوان ربه مكافا[/poem]

الله الله الله الله

تراحيب بن سويلم , قصيده وشاعر اكبر من الاطراء والتقييم

لاهنت
لاهنت

وصح لساااانك,, قافيه وشعر

اصدق التحايا

تراحيب ابن سويلم


اسم اكبر من الاشادات وشاعر كبير وخطير


صح لسانك ملالالالايين

وبيض الله وجهك


لك فائق احترامي وتقديري ...!!

تراحيب


صح لسانك وبيض الله وجهك

قصيدك كلنا نمدحه

وهو يستحق المدح لاشك

لانك شاعر كبير

كبير يا ابن سويلم

وشعرك وتاريخك ورجولتك اكبر من مجرد تقييم

صح لسانك مدد

مانقول الاّ



صح الله لسانك


شاعر كبير ونفرح بجديده

ابو ناصر


لست بحاجه لتقييمي




ولكن تبقى استاذي في الشعر والمرجله



سلامي واحترامي وتقديري

تراحيب ابن سويلم

صح لسانك مليون

والله انك من ضمن الشعراء اللي

قضائدهم ماتحتاج تقييم ولا لجان

لكن تجري الرياح والباقي كمله

واقول بيض الله وجهك وجمل الله حالك

وانا والله مدري وين الملاحظات على هالشامخة

ياابو ناصر كل مافيها جميل

تقبل تحياتي

العم ابو ناصر :

من وجهت نظري ان جميع طاقم البرنامج بما فيهم اللجنه

يستفيدون من قصايدك وتعتبر بالنسبه لهم مدرسه ..

لكن تبقى المشكلة العضمى في جميع المسابقات ان التقييم يكون حسب الذائقه وليس حسب الرؤيه الادبيه

كنت ولا زلت مدرسه شعريه ...... وستظل

مشاعرك ليست غريبه والله يرد ولي العهد معافا .

تقبل تقديري واحترامي

ابناخيك واصغر تلاميذك .


....

صح لسانك ابو ناصر

استاذي في كل شي


لاجديد سوى الابداع

الله يابن سويلم الله الله
ان كان ماهيب اطيب القصايد فالمسابقة
والا فهي الطيبة من غير منافس

في نظرنا سليمة من جميع الشوايب
ماعلينا من اللي ماتدلّه عيونه

صح لسانك يا استاذهم كلهم

شاعرنا الكبير

واستاذنا القدير / تراحيب بن سويلم

يا مرحبا ومسهلا يا بوناصر

وكل عام وانت بخير وفي احسن حال ان شاء الله

تبقى مدرسة للشعر بعيدا عن المسابقات واجوائها المختلفه

ومزاملتك هنا فخر نماري به

صح لسانك مدد والله يحفظك ،،

..