لون الحليب .. لـ .. (( بندر الغنّامي )) ..!!
 

قصيدة لشاعر من كبار شعراء عتيبه واعيانهم
لشاعر ظلمه الاعلام وانصفته الذوايق
للشاعر الكبير / بندر الغنامي


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ساعة ركبنا فوقهنه مقفين =جاني بطرق الثوب ناسن عباته

قال السلام ومد لي كفة الزين =ويدس عني ماحلا من صفاته

الوجه كنه والنحر والذراعين =لون الحليب إليا أنعزل عن رغاته

وجدى لون الوجد ماله براهين =لن ما تهيت للبنادم مناته

وجود راعي هجمةٍ حالها شين =حدنة الاشوار دون شهواته

يبي الربيع ولازمينة هل الضين=الين ذودة شان والوسم فاته

على عشيرن خابره باول الحين =ويمدي مقاسمية من الله جاته

اما رمنه في قصور وبساتين =ولا علية الوقت دور رحاته

طرشتله وارد ثمان وثمانين =سواة من سواه وأحسن سواته

البهبهانى مأشتغل غير تمرين=اللي حدود المملكة مانعاته

فوقة من العتبان من يقضى الدين=غمراٍ تسدك فزعته عن وصاته

إليا كفخله كن صوت القزوزين =هدير هرشن في مراح امهاته

منصاه ما ينعاق ناسٍ مسمين =فراج وألا عند مقحم مباته

رجالهم كالظلع بالعسر واللين =ماسال عن فقره ولا عن غناته

تحر مردود الرسالات يومين=والثالث أخذ العلم منهم وهاته

وإن ماحصل مردود عن داعج العين=راحوا محابيس الهوا مع قضاته[/poem]



...

ابو محمد

ياسلام عليك وعلى اختيارك


بيض الله وجه ابو نايف

من كبار الشعراء سمعني الصديق تركي بن ماطر العديد من قصائده اللي تخلي الواحد يعاف العديد من قصائد الشعراء وبالنسبه لظلم الاعلام هو اللي مبتعد عن الاعلام وحسب المعلومات لو تنشده عن بيت ٍ له ماعلمك لو تموت وماتشوف الشبول ماسكت عادة الاسد << مايقصد احد Icon27



إليا كفخله كن صـوت القزوزيـن
هدير هرشن فـي مـراح امهاتـه

صح لسانه ملالالالالالايين وطول الله في عمره وختم له بالعمل الصالح


وتكفى يابو محمد لاتحرمنا من ايراد قصاااايده


لك فائق احترام وتقدير اخوك ...!!

يا سلام يا سلام
وصح الله اللسان بندر الغنامي
وطوّل الله عمره على طاعته ، شاعر جزل
ويطرب المتذوقين للشعر ..




ولاهنت يا عفاس
على ذوقك ، واختيارك الموفق بحق
:)



راكان أجل تبخص الرجال
:)

منصاه ما ينعـاق نـاسٍ مسميـن
فـراج وألا عنـد مقحـم مبـاتـه
رجالهم كالظلـع بالعسـر والليـن
ماسال عن فقره ولا عـن غناتـه



ياسلام
ياسلام


ابداع ابداع ابداع ابدع

اختيار موفق ياعفاس

تسلم ولاهنت

لاهنت ياعفاس .. عز الله انه مبدع ,,,

جبل وولده جبل .. وانت جبل بعد ,,


تقديري ,,,

راحوا محابيس الهوى مع قضاته

الله الله الله الله

صح لسانه وعسى الله يطول بعمره

وتكفون ان كان فيه احد يعرف له شي غير هذي الدرّه يجيبه خلونا نقرأ شعر
<<< (متأكد ان فيه ) :)

اختيار ولا اروع يا ابو محمد بيض الله وجهك


تحيتي واحترامي