الحمد لله .. قام بـ خير سلطان .. ( مسابقة سلطان ) ..
 

السلام عليكم ورحمة الله وبركاته


مساء / صباح .. الجميع بـ خير
لـ الأمانة انا كنت اول المتابعين لـ الأعلان عن مسابقة " سلامة سلطان "
ولـ الأسف .. كنت اول من أرسل .. بعد ما اقفل التسجيل ..
حتى تفاجأت بـ الرد .. من المسؤلين .. يقول .. المسابقة اقفلت من يومين وغدا ً النتائج ..

على العموم .. هنا الحرف .. علّه يليق بـ سموه .. وبكم ..





[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المملكـة خيـر دار.. ودرة اوطــان=
مهد الرسـالات.. والبـدر وطلوعـه

صافح قساها معـزي.. عالـي الشـان=
ولانت وفاء.. تنحني لأمـره وطوعـه


بخدودهـا.. دمنـا مسـك ٍ وريحـان
=وبقلوبنـا حبهـا.. تثمـر فـروعـه

فينا الولاء.. مالفـت عينـه بالاثمـان=
وكيد العدو.. ذلته .. لو حـب كوعـه


نتشارك افراحنـا.. فحـوى وعنـوان=
وبالحزن .. وحدة جسد.. شكله ونوعه

وافراحنا اليوم.. قـام بخيـر سلطـان=
وقمنا نغني.. علـى حـروة رجوعـه


لا باس .. يامن يرجـح كـل ميـزان=
فنجالـه العفـو.. والرحمـه قدوعـه


دافع مسير الوطن.. فـي كـل ميـدان=داعم نهوضه.. وشهره فـي سبوعـه


نبض القلوب.. اعظمه.. سلطان الانسان=
قلب الوفاء.. تحـوي النـدر ضلوعـه


يسند طموح الوطن.. في شتى الاركان=
ولراحه الشعب.. حرصه من طبوعـه


كم فعل يمناه.. ما ينطـق بـه لسـان=
وكم ينطق.. وباشر الفعـل بجموعـه


كف العطاء للضعيف.. ونبض الاخوان=ملاذ طفلـن .. مسـح كفـه دموعـه


كم من عطاه اكتفى.. مشحون حرمـان=
وكم من يتيمن نسف يتمـه.. وروعـه


وكم من كهل.. كان قوته مدة احسـان=
مد اله يمنى.. وبيت .. وسـد جوعـه


وكم من شبابن فقـد بالغربـه اعـوان=
بزيارته.. يآخـذ الفرحـه.. قطوعـه

وغنى من بعيـد قـام بخيـر سلطـان=
وقمنا نغني .. على حروة رجوعـه
[/poem]




وسلامتكم جميييييع ..
تقديري .. اخوكم ابو نايف

خيرها بغيرها يا بو نايف
كسبنا قراءة هذه الشامخة
وافية من شاعر وافي في أمير الوفاء
تقبل تحياااات
أخووووك


محمد

وعليكم السلام
ارحب
يا شامخ الشامخ
عز الله انك تجيب الثمين
ويستاهل سلطان الخير
صح لسانك ولا هنت
تقبل تحياتي
اخوك حسين الدوسرى

وافراحنا اليوم.. قـام بخيـر سلطـان

وقمنا نغنـي.. علـى حـروة رجوعـه


الله يرجعه سالم وبأتم صحه وعافيه ، مشاعر نبيله وقصيده شامخه يا شامخ /

صح لسانك ولاهنت



تحياتي

الأخ الشاعر

شامخ الشامخ

مشاعر شامخه بشموخ قايلها

أخي شامخ

المسابقات لها آليه سريه لايعلمها إلا المقربين

خيرها في غيرها

وصح لسانك

تحياتي

يا سلام يابو نايف

مبدع وحساس

صحيح ان الوقت ما اسعفك للمشاركة

لكنه اسعفك لقراءة اشادتنا بشاعريتك

صح لسانك الف يا شامح

كف العطاء للضعيف.. ونبض الاخـوان
ملاذ طفلـن .. مسـح كفـه دموعـه


كم من عطاه اكتفى.. مشحون حرمـان

وكم من يتيمن نسف يتمـه.. وروعـه



ابو نايف

الحمدلله على سلامة سموّه


صح لسانك
صح لسانك
صح لسانك

:



كم من عطاه اكتفى.. مشحون حرمـان

وكم من يتيمن نسف يتمـه.. وروعـه




ياسلام
ياسلام



صح الله لسانك
صح الله لسانك

أبيات في سلطان الخير ! وسلطان العطى ..
نسأل الله ان يرده الى أرض المملكة بخير ومعافى

الله لايهينك يابو نايف
تقبل مروري

يستاهل سلطان الخير ..


والهدف أسمى من المسابقات


صح لسانك مدد .. ولا هنت يالشامخ



تقديري

وطن وشعر


صح لسانك يا ابو نايف والحمد لله على سلامة ابو خالد

لاعدمناك

صح لسااااانك يا شامخ ويستاهل لامير سلطان

تحيتي ,,