دانة ابو الطيب المتنبي !
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الغريب اللي نوى الرحلة وخانته السفينة= والسفينة وافية والبحر علمها الخيانه
رحلته رحلة عمر من مكة لصوب المدينة= لا فرار ولا انكسار ولا خضوع ولا استكانة

كبر في عين الحياة وصغرت الدنيا بعينه=شانها قل بنظره وفي نظرها زاد شانه
كن ابو الطيب بقى طيب وطالت به سنينه= لين ودع قصر سيف الدولة وغادر زمانه
معه قرطاس وقلم والسيف في قبضة يمينه= وتعرفه الخيل والليل وقفار ارض الكنانة
خلى الاطرش يستمع شعره والاعمى يستبينه=قوم الدنيا وقعدها بكلمة من لسانة

لين قابلني وحصلت الشبه بيني وبينه= فا الطموح وفا الظروف وفا الحروف وفي بيانه

ثم ودعني بعد ما لمست يديني يدينه=وارتجل عن صهوة حصانه وسلمني حصانه
قلت أمانة؟ قال أمانة قلت ويديني أمينة= قال أمينة؟ قلت أمينة والله الله با الامانة

ايه أنا ذاك الغريب اللي شرى داره ودينه= يوم غيره باع داره مثل ما باع الديانه

كل ما جيت البحر ضاحك عقد لي حاجبينه= كني اللي سارق ٍ لوله وكاسر عنفوانه

ايه يا بحر الغرام اركد وتغشاك السكينه= كان لك ثار اطلبه والشاطي المطلوب عانه
واما انا ادور على الحوت وعلى الدانة الثمينه= دانة في بطن حوت وبطن حوت يضم دانة

ان تركها الحوت قلت الله يرحم والدينه=وان منعني دونها والله لاوريه اللعانه
في نظام البحر يحرم تؤخذ الدانة رهينه= وادري ان الحوت في شرع البحر عنده حصانة

مير انا مغرم وعاشقها وزدت البل طينة= ثم زدت الطين بلة والهوى ماله ضمانه
الملاك اللي شفايفها كرز والخد تينه= وان تثنت خصرها الين من عصاة الخيزرانه
كنها املى نحيفه في وصوف انحف متينه= جيدها جيد المهاة ومشيها مشي السمانة
جيت ابخطفها وخانتني وخانتها السفينة= والسفينة وافية والبحر علمها الخيانة


[/poem]

1


يا دكتور

ايه أنا ذاك الغريب اللـي شـرى داره ودينـه
يوم غيره بـاع داره مثـل مـا بـاع الديانـه

كل ما جيت البحر ضاحك عقد لـي حاجبينـه
كني اللـي سـارق ٍ لولـه وكاسـر عنفوانـه


صباح الشعر يادكتور حمد
فنجال قهوه يقعد الراس
صح لسانك وكل عام وانت بخير

حسبي الله عليك ،

إتقِ الله فينا ياحمد ، وقف شعر راسي من هول الإبداع وضخامته .

أدام الله إبداعك يامتنبي الشعر الشعبي


دم تا / بخير

ماشاء الله لا قوة إلا بالله ,

كآملة يالدكتور , والكمال لله ,

هكذا القصيدة و إلا فـ لا !

أشهد أنها , الدانة الثمينـه ,

صح لسانك يالدكتور صح ص ح مدد ,

حمد العصيمي

صح لسانك قصيده رائعه وتستحق القراءه

لاهنت

ايه أنا ذاك الغريب اللـي شـرى داره ودينـه
يوم غيره بـاع داره مثـل مـا بـاع الديانـه

كل ما جيت البحر ضاحك عقد لـي حاجبينـه
كني اللـي سـارق ٍ لولـه وكاسـر عنفوانـه

الله اكبر

صح لساااانك يا حمد


ودي

حجزك مؤكد يبو حامد

لله درك يادكتور على هالدانه

أحييك على الفلسفه المتقنه

صح لسانك لين ترضى

الله الله الله يا حمد ،،



للامانه انت شاعر فكر ،،، صح لسانك على هـ الدانه ولاهنت




تحياتي .

الغالي سعود الدهيمي مرورك فخر يا الامير

ووسام على صدري لا خلا ولا عدم حضورك الدايم

ودي

الله الله الله الله الله الله
الله الله الله الله الله الله

والله انك لحالك يا دكتور الابداع الكبير

لله درك يا بوتركي على هالدانه فعلا

وصح لسانك ملايين زادك الله من فضله ،،

..

الغالي فيصل السواط مرورك بحد ذاته وسام فخر لا خلا ولا عدم يبو ريما ولا عليك زوود

كن ابو الطيب بقى طيب وطالـت بـه سنينـه
لين ودع قصر سيف الدولـة وغـادر زمانـه
معه قرطاس وقلم والسيف في قبضـة يمينـه
وتعرفه الخيل والليـل وقفـار ارض الكنانـة
خلى الاطرش يستمع شعره والاعمى يستبينـه
قـوم الدنيـا وقعدهـا بكلمـة مـن لسـانـة

لين قابلنـي وحصلـت الشبـه بينـي وبينـه
فا الطموح وفا الظروف وفا الحروف وفي بيانه


الله الله الله يا دكتور

يعجز الكلام ويبقى الاعجاب السرمدي

صح لسانك عدد حروفها ياغالي

محبتي واحترامي

اخوك