بين حياتين ... !!!
 

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ابااكتب دام انا حي .. ومعي فكر .. وقلم .. وكتاب = قبل مااروح .. واسافر عن الدنيا واخليها

بن آدم مقتفيه القبر والحشر وبعده حساب = وحياة عقبها مدري ياحسره وين نقضيها

حدا ثنتين .. يا جنة نعيم ومن سكنها طاب = يبشر بالخلود وبالكرامه من سكن فيها

أو النيران .. ياربي دخيلك وانته التواب = تجير اللي لجالك وارتجف من خوف صاليها

نخاف اللي لهبها لو لمس جلد البنادم ذاب = اجل وشلون لو يصبح ويمسي في بلاويها

ألا يالله تفتح لي من احسانك وجودك باب = إلهي تغفر ذنوبي بعفوك وانت محصيها

بيوم ٍ فيه ما ينفع قريب .. ولا يفيد اصحاب = إليا صاب النفوس الخوف وانكشفت خوافيها

واذا خاب الرجا بالخلق .. بالخالق حشا ماخاب= كريم العفو ، والدنيا خلقها الله ويفنيها

بدينا الرحله الأولى من تراب .. ونجي فـي تراب = وعسى الله ما يخسرنا بأولها وتاليها
[/poem]

ضيف الله

صح لسانك وبيض الله وجهك



لاهنت

صح لساااانك يا ضيف الله مبدع الله لا يعوقك


تحيتي

الشاعر مطر العضياني

صح بدنك

وألف شكر على المرور

وبيض الله وجهك

تحياتي

,,

صح لسانك

والله يكتب لك اجرها

ودي وتقديري

محمد الأيدا

صح بدنك

وبيض الله وجهك

واذا خاب الرجا بالخلق .. بالخالق حشا ماخـاب
كريـم العفـو ، والدنيـا خلقهـا الله ويفنيـهـا

بدينا الرحله الأولى من تراب .. ونجي في تـراب
وعسـى الله مـا يخسرنـا بأولـهـا وتاليـهـا


امين

صح لسانك


يابو حمدان

مدد
وجعل عمرك طويل

وعطر الله قبر من جابك

دمت بخير

أحمد رده الحارثي

صح بدنك

وجزاك الله خير

شرفني مرورك يالغالي ...

اللهم آمين

الله لايخيب رجانا ويغفر لنا ولك ويتوب علينا وعليك يـ الشاعر

وصح الله لسانك هلى هـ الهادفه

تقديري لك طال عمرك’,,

شاعرة نجد

صح بدنك

ألف شكر على مرورك العطر ....

سلطان العطاوي


صح بدنك


وماعليك زود الله يعطيك العافيه ..

لا هنت على مرورك

تحياتي ..

صح الله لسانك ياضيف الله والقصيده هذي أكثر ماجملها هدفها


عسانا وياك من اهل الخير والمرضي عنهم


تحيتي لك

فالح الشلوي


صح بدنك

ولا هنت على مرورك

تحياتي ..

نايف المقاطي

صح بدنك

ومشكور على مرورك

تحياتي