يا فوز واللي صبّح الروح بالخير & إني على جدار البهاذيل مركوز
 

[poem=font="Simplified Arabic,6,gray,normal,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black""]
يغسل نعاس الحي ضوء وعصافير=ويتنفس الشباك من صوت فيروز

كن بضجيج النور تصحى الأزاهير=وتتساقط الفيّه تحت شجرة اللوز

يا فوز واللي صبّح الروح بالخير=إني على جدار البهاذيل مركوز

مخنوق ومبلل هموم وتفاكير=حزين متهالك من الضيق يا فوز

الحال جيّد، وأشكر الله ما غير=كثر الفراغ وقلة الحيل والعوز

يا ضيق ما تستر لي الدمع وتطير=مليت أشوفك بين الأضلاع محجوز

أخبّي عيوني ليا جيت با سير=فالشارع المكتظ بعيون وجنوز

أخاف ترهقها وجيه التحاذير=مكروه، منهي عنه، ممنوع، ما يجوز

الدمع ماله لا سقط اي تفسير=إلا أن شيء بداخل الروح مهزوز

بكّير يا راسي على الشيب بكّير=باقي وراك اهموم، وش فيك مفزوز

يا كم بازت من وعود وتباشير=وبشراي هذي كلها شوي وتبوز

ولو داعب الشباك ضوء وعصافير=يغسل نعاس القلب من صوت فيروز
[/poem]

ابو فهد


ياسلالالالام عليك اختيار جميل .



صح لسان شاعرها




لاهنت يابداح


لك فائق احترامي وتقديري ...!!

يازينها ,

أشهد أنها تشدك من أول بيت ,

يغسل نعاس الحي ضوء وعصافيـر
ويتنفس الشباك من صـوت فيـروز

لاهنت يابداح ,

اعجبتني كثيرا


صح لسان شاعرها وتسلم يمينك يالسبيعي


لك كل الشكر


:)

صح لساان الشااعر ,,,


ودااامت اناملك يابو فهد


مبدع في كل حالاتك



,,؛,, تحيات أخــوووك ,,؛,,