!!! ( شيخ المعاني ) !!!
 

السلام عليكم ورحمة الله وبركاته
مشاركة متواضعة تصافح ذوقكم الراقي

[poem=font="Simplified Arabic,6,darkred,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]
تنحنح القاف في صدري وهز الضلوع = المنتبه دق جنب الغافل بمرفقه
تقول هذا لحد ما هوب يوم الربوع = عادة هجوسه ليال الإربعاء تغرقه
القلب ينبض شعر.والعين بركة دموع = يا يسبق القاف دمع العين يا يسبقه
والفكر لا صاد قلب القاف ما هوب قنوع = ما يقتنع لين آخر عرق به ينتقه
قدام قدام.ما يطري عليه الرجوع = لين إن شيخ المعاني دمعته تخنقه
تجاربه في طريق العمر مثل الشموع = لو كان بعض الشموع بنارها تحرقه
لولا القنا والخناجر ويش قدر الدروع = ولولا طموح الرجل.ما كان طاح اعرقه
ولولا الرجا والفزع ما كان شفت الركوع = الكون يسجد ويركع شكر للي اخلقه
ولولا ثبات الجذور تموت كل الفروع= ولا ينفع الفرع لامن حت منه أورقه
ولولا الطمع والجشع ما كان فالكون جوع = ولاكان كنز القناعه فيه من يسرقه
وراسٍ تساوى النزول بنظرته والطلوع = أحسن هديه بليلة عرسه المشنقه
أحترت ما بين تيار الزمن والطبوع = مرٍ أقدم قدم رجلي ومر أفهقه
تحكمني أشياء(ن) ثلاثه رغم كره الخضوع = والعاقل اللي بفكره يقنع ومنطقه
ضميري وديني وسلمٍ بنوه الربوع = ولولا القناعات كان الطيب ما نحرقه
[/poem]

وسلامتكم
عبدالله بن عايض بن رده الفهري

تنحنح القاف في صدري وهـز الضلـوع
المنتبـه دق جنـب الغـافـل بمرفـقـه

الله الله


تصوير ولا اروع يا عبدالله عز الله ابدعت الله لا يلجمك
ابيات ما عليها كلام سرني قراءتها والاستمتاع بها
صح الله لسانك ولا هنت

بانتظار الجديد

الشاعر المبدع عبدالله الفهري

هذه ليست متواضعه من درر الحكمه


صح لسانك مليون ومرحبا بك في مرقابك ،،

..

ياسلام

ياعبدالله



صح لسانك



مدد


ولاهنت

دمت بخير

صح بدنك يا بن مصوّي وبيض الله وجهك

قمة الوفاء مرورك وكلماتك المشرفه

لك فائق التقدير

ولولا الرجا والفزع ما كان شفت الركـوع
الكون يسجد ويركع شكـر للـي اخلقـه
ولولا ثبات الجذور تمـوت كـل الفـروع
ولا ينفع الفرع لامن حـت منـه أورقـه
ولولا الطمع والجشع ما كان فالكون جوع
ولاكان كنز القناعـه فيـه مـن يسرقـه



لله درك يابو عايض


هذي مختلفه مختلفه



صح لسانك وفكرك وسجل اعجابي القوه بما ذكر أعلااااه



وكل سنه وانت طيب ياطيب



تحيتي

ياسلاااااام

صح لسانك يابو عايض

قصيدة تستحق الإشاده
سبك وحبك وألفاظ ومعاني وأفكار جزله من شاعر جزل

مع إن شهادتي فيك مجروحه ولكن الحق يقال

تقبل مرور أخوك ومحبك



ودمت

محمد بن بلال

صح بدنك وبيض الله وجهك

تشرفت بمرورك وكلماتك

لك خالص التقدير

عبدالله الفهري

هلا ومسهلا وصح لسانك

بدر العجمي

صح بدنك وبيض الله وجهك

تشرفت بمرورك وكلماتك الرائعه يا رائع

لك خالص التقدير

القلب ينبض شعر.والعيـن بركـة دمـوع
يا يسبق القاف دمع العيـن يـا يسبقـه

قصيده جميله ياعبدالله الفهري لاهنت