ضلع القهر *****
بسم الله الرحمن الرحيم اليكم هذه المتواضعه اللتي من خلالها اتمنى ان تلامس وجدان الشعر .. ياهاجسي والشعر حسب المعرفه سبعه بحور ... ومن لاعرف غوص البحور المظلمات ايهابها سبحتها وامواجها فوقك تلاطم دور دور ... وجبت الثمينه يوم مثلك بالنشامى جابها فضلن على المرقاب عبر للمشاهد والحضور ... وسلم سلام السنه اللي كلنا نبدا بها وهات البيوت اللي تلامس من عذوبتها الشعور ... وتنال من من يستمع فبياتها بعجابها جمل موسيقيه وكبليهات وانسام اوعطور ... لو سمعها بتهوفن افضل من عزف غنابها من شاعرن من خلقته مايوم فكر فالظهور ... ولاهمته بعض العلوم ولايحسب احسابها وان كان طالت غيبته مثله من الناس امعذور ... واليا حضر راس الطويله بالوفا عدابها وياهيه ياضلع القهر ياللي على الدنيا صبور ... ضلك يظل وقمتك صعبه محد يرقابها راسي وثابتتن ركونك من قديمات العصور ... اركونك اللي مارست سبع الاراض الا بها ساقتني الاقدار في دربي ومريتك مرور ... ووقفت اناظر فيك وابدت نفسي استغرابها فالموقف اللي فيه كل الاسئله قامت تدور ... والعبره اللي من عيوني وقفت باهدابها ذهول واستغراب والموقف تضيق ابه الصدور ... مانلام لو اني فقدت الذاكره بسبابها من عقب منته ماكرن مايكره غار الصقور ... هاك الصقور اللي يضوي صيدها مخلابها شقر الحرار اللي لهيبتها يهابن النسور ... ومن فعلها بالكف والمخلاب طاع اعقابها ومن عقب منت اب مدهلن مايدهله غير النمور ... وسحم السباع اللي يسل الموت روس انيابها اليوم مالمح في ركونك لا وكور اولا صقور ... الا طويراتن اليا هب النسيم اوما بها اصد مابغا شوفها من شان دمي لايفور ... وعشان مابدي لي علومن ماحسبت احسابها شعر / محمد مخلد الذيابي |
اليوم مالمح في ركونك لا وكور اولا صقور ... الا طويراتن اليا هب النسيم اوما بها اصد مابغا شوفها من شان دمي لايفور ... وعشان مابدي لي علومن ماحسبت احسابها صح لسانك نص جميل ومعاني رائعه لك فائق الاحترام والتقدير تحياتي |
محمد بن مخلد
صح لساانك مبدع وشامخ مودتي لك . |
|
وان كان طالت غيبته مثله من الناس امعذور ... واليا حضر راس الطويله بالوفا عدابها
كفو وصح الله لسانك ولا هنت بالتوفيق |
ساقتني الاقدار في دربي ومريتك مرور ... ووقفت اناظر فيك وابدت نفسي استغرابها
الف صح لسانك على هالباسقه الف تحيه |
محمد بن مخلد الذيابي
صح لسانك ولا هنت قصيده في غايت الروعه اتمنالك التوفيق اخوك عيد بن سعدون |
ماشاء الله تبارك الوهاب
من نوادر الشعر قصيدة لا يكتبها الا ( شاعر كبير ) صح لسانك يا محمد بن مخلد الذيابي والله يحييك في مرقابك وبين أخوانك في منتدى الجميع مع وافر الاعجاب بهذه الدرّه الرائعه ،، .. |
,
الصمت في حضرة جمال الحرف هو معنى الجمال :wardah: صــح لسآنك ,, مدد , على تلك الفاااااااااتنه , |
محمد مخلد الذيابي
وهات البيوت اللي تلامس من عذوبتها الشعور ... وتنال من من يستمع فبياتها بعجابها الله يحييك وصدقت وصح لسانك غيمار |
محمد
صح لسانك يا شاعر ابدعت واجزلت تقديري لك ،، |
[align=right]
صح لسانك ولا هنت [/align] |
الأخوة صحة ابدانكم والله لايهينكم شكرا على مشاعركم واتمنى ان تحظى نصوصي برضاكم دائما نلتقي على الجديد والمفيد ازجي لكم التحية محمد مخلد الذيابي |
الله يا محمد
جميييل ومبــدع قريت الابداع بالنص هذا صح لسانك ولا هنت تقبل تحيات اخوووك :؛؛,, |
ابو بدر
وينك يارجل وحشتنا صح لسانك مليوووون يابو بدر قصيدة كايفه عز الله لك فائق احترامي وتقديري ...!! |
ابو بدر راائع بحق
|
الشاعر والاعلامي محمد بن مخلد الذيابي
اهلااا بالشعر وراعيه والطيب ومنبعه فلا استغراب فانت ابن الشيخ مخلد الذيابي هلا بحضورك وشعرك والف صح لساااانك على هالقصيده الرائعه والمعنى العميق تقبل مروري |
شقر الحرار اللي لهيبتها يهابن النسور
ومن فعلها بالكف والمخلاب طاع اعقابها رائعة .. وجزلة صح لسانك مدد .. ولا هنت تحياتي .. |
محمد مخلد
صح لسانك مدد بس ياليتها بصوتك يا بوبدر رغم ان الابداع يصل بصوت او بدون ولكن القاءك يضيف للقصيده لوناً اخر تحياتي لك |
ابو مخلد
صح لسانك ولاهنت |
محمد بن مخلد
صح لساانك مبدع وشامخ مودتي لك . |
أبو بدر
المرقاب عامر, صدر المكان طال عمرك تحياتىىىىىى لك |
| جميع الأوقات بتوقيت GMT +3. الساعة الآن 01:59 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية