رساله من سجين محكوم بالقصاص الى الشيخ / بندر نايف بن حميد
 

[align=center]الشيخ بندر نايف بن حميد......... حفظه الله من كل مكروه [/align]

[align=justify]السلام عليكم ورحمة الله وبركاته:[/align][align=justify]
إن ماكُتب على العبد لا بد ان يجري ولكن بذل الاسباب والدعاء قد يكتب الله بها قدراً افضل مما قُدر للعبد فبيده كل شيء وهو القادر على كل شيء جل جلاله , وايماني بالله سبحانه ودعائي له مازال مستمراً لآخر لحظات حياتي ان شاء الله , ومن الاسباب ان الوذ بعد الله بهامة من هامات الجزيره العربيه مثل الشيخ بندر نايف بن حميد الذي ورث المجد من الماضي التليد واسس له مجداً معاصراً يعجز كثير من الرجال تأسيسه في عصرنا الحالي فأنا أدخل الله ثم عليك بالتكرم عليّ بجاهك بعد جاه الله الى ابناء عمومتي التي دخل الشيطان بيننا ويعلم الله لم انوي ولا اريد ماكتب له بسببي ولكن قدر الله وماشاء فعل .ويعلم الله ان الشيخ راشد مرزوق بن رشيد الثوري السبيعي رجلاً يقدر الرجال ويقدرهم واهلاً للعفو ولا يستغرب الطيب والعفو منه اذا حصل لانه هو وابناءه وابناء عمومته ورثوا هذا المجد كابراً عن كابر واصبح من عوائدهم وصفة يتصفون بها ... [/align]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام ياشيخ الشيوخ المطانيخ = شيخ(ن)كلا اسماء العالم اللي وجدها
بندر ولد نايف سليل المشاييخ =حر(ن)يناظر للطوال وصعدها
جدك محمد له شهاده وتاريخ = سيفه عماليق الجماجم جلدها
شجرة وفاء ماهي مجمع طبابيخ =فرسان من فرسان وعيال اسدها
خوالك اللي يذبحون المجاويخ = شمر سلاطين الشيوخ تهبدها
اهل العفو ماهي حلوق(ن)منافيخ= احضوضهم بالطيب ذعذع سعدها
شمخت من روس الحرار الشواميخ=مواقفك في الجود ماحصي عددها
رجل(ن) له كبارالمراجل مصاويخ=عقّل شواردها وحلل عقدها
سعد السجين اللي همومه مناويخ=اللي ليالي سجنته مارقدها
يندبك من كفخ من الوقت تكفيخ=حكمه قصاص وراحته قد فقدها
قلبه على شواية(ن)داخله صيخ=يذوق من قاس الحراره كبدها
مابين غارات وهجوم وصواريخ=وسيوف هند(ن)فالمعارك جردها
وانا دخيل اللي فعوله صلاميخ=من صفوة الشيخان ماجا بعدها
بندر اليا كشت وجيه الدواليخ = ياخذ إصبي عيونها من بردها
هذا كلامي يازعيم المطانيخ =شيخ(ن)كلا اسماء العالم اللي وجدها[/poem]
[align=center]
والسلام عليكم ورحمة الله وبركاته

http://www.up3rb.com/upfiles/Nww57556.jpg

اخوك السجين/عبدالله عبيد بن شداد الثوري السبيعي[/align]


كُتب هذا المضوع بطلب منه في هذا المنتدى خاصه لعلها تصل رسالته الى الشيخ
بندر نايف بن حميد نسأل الله العلي القدير ان يفرج عنه سجنه ويعتق رقبته من
القصاص وان يكتب لأهل الدم الفوز بالأخر

اخوكم

مسعود الحويزي

،


عليكم السلام وحرمة الله وبركاته .,

ونسأل الله العظيم رب العرش العظيم ان يفرج همه .. ويهدي ذوي الحق .!
وبن حميد فعوله طيبه .. والله يقدره على العلم الغانم وهو سباق ٍ عليها

الله يصلح الشان ويزيل العوائق ويعتق رقبة هذا المسلم

نسال الله له ولجميع المسلمين الفرج ،

لاهنت يا مسعود ،

..

الله يفك عوقه وكل مسلم ولا هنت وجزاك الله كل خير

الله يفرج كربته