ابن وسام + الشيخي .. جديد 2010 !
 

السلام عليكم ..

في شهر رمضان المبارك ارسل ابراهيم الشيخي .. لـ / خالي : سلطان بن وسام قصيده..

ورد عليه سلطان والأبداع متواجد :




قال الشيخي :


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا لي سنه ماشفت سلطان ابن وسام = وحول السنه بيني وبين إتصالاته

ماغير اخذ اخباره من الناس والأعلام = واقول الله الله كل ماغنوا ابياته

عرفته صديق وراس مال وذرا واحزام = وشاعر يشوش الراس من طيب وقفاته

والانسان ماتغنيه شهره وطرد اوهام = عن الجود في يمناه والطيب في ذاته

وعز الله ان الهاجري شاعرً مقدام = وتطرف على مسلوبة المجد راياته

على نهج ابوه ونهج جده سعد قدام = ورث من حياة العود حتى حركاته

ماهو خاملً ماينحسب لن قعد وان قام = هذا شاعرً تثر على الشعر غيباته

ذكرته وهو في موقعً غربي الدمام = وانا في بحر جده وراسلت موجاته

بعد شفت من يفتل وينقض بدون انظام = والا موجده فالساحه الا علاقاته

ياسلطان كم نبني وكم يهدم الهدام = وشعر العقل فالكون ضاقت مساحاته

يعيفك في بعض المحافل ضعيف عظام = هزيلً تخاسر فيه سكين تذكاته

سكوتي عن الجاهل يطول حياتي عام = والا اخسر حياتي كلها في مجاراته

وعز الله انك يوم جنبت ماتنلام = غيابً يطول ولا حضورً بعثراته !
[/poem]




وقال سلطان :



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تهيضت يابراهيم والمسلمين اصيام = وضحك المصلي وانشغل عن صلاواته

عذوبة قصيدك حطمت مجمل الارقام = إلى درجة كلً يبي يسوي سواته

رقم مايشوف الفن في تالي الايام = ورقم مازحم سوقه وضيق مساراته

ومهما تغنى فيه حتى لحون اريام = ورقم كل مالا فيه وده ولا هاته

إذا ان انت يابراهيم تاج وفخر ووسام = على الشعر واسم الشعر في كل حالاته

وردت وشربت وفيه غيرك رجال احيام = من اعذب موارد دجلة الشعر وفراته

ولكن اباوصيك ف أمرً مهم وهام = يقولون من وصاك يلزمك بـ وصاته

ليا جيت (مستور العصيمي) فـ قول اشمام = يبلغك ابن وسام خالص تحياته

ومر (الزلامي) في (سديره) يصلي اقيام = عسى الله يمهله ويقبل حساناته

و(ملفي) و(ابن ريفه) و(زيد) وسلام اسلام = و(حبيب) و(ابن عياد) يفتل شناباته

وشاعر جهينه راعي الغتره البسام = وسبحه تمرد من يدينه لـ مخباته

وعرج على قبرً نزل في ثراه العام = عزيزً خذاه الموت والخلق مواته

لحضات الوداع مكفنينه بقطعة خام = وقفيت عنه وخاطري فالتلافاته

وقبل لـ ختم الطاروق ويجفً الاقلام = وقبل كل شاعر يحتسيني بـ شرهاته

إذا الأعمده ماتنهض البيت للأمام = مايبريه جاهل مايعرف اتجاهاته

وتم الكلام ومابقى غير مسك ختام = من الورد والريحان عطره ولفحاته

اسلم عليكم كلبوكم سلامً عام = وعلي السلام ورحمته وبركاته !
[/poem]



:)






اخوكمـ : سعد بن وسام

سعد بن وسام



حياك الله ونقل مميز لشاعرين غنيين عن الكلام



صح السنتهم وبيض الله وجيهم

وزودنا بجديد خالك ياسعد تراه من الشعار اللي والله نطرب لبدعهم

لك فائق احترامي وتقديري ...!!

يا سلام والله الابداع كله موجود


ابراهيم وبن وسام عنوان الابداع كله



تسلم والله لا يهينك على النقل


وتسلم يا حامد على الصوتيه بعد :)

ربي وربهم الله


مشاءالله تبارك الرحمن


صوت وصدى ولا اروع


مشكور ياسعد ولاهنت

وصح السنت شعرانا سلطان وابراهيم

الله الله

ابداع شعر واخلاق

لا هنت يا سعد .

ياسلام ياسلام ياسلام

عز الله من اجمل المساجلات اللي مرت عليّ

كايفه ومليانه من الطرفين

صح لسان الرائع ابراهيم الشيخي
وصح لسان العلم سلطان الهاجري

ولاهنت يا سعد ،

الله الله على هذا الإبداع,,

شعراء وقصائد قمه,,

يعطيك العافية يا سعد على النقل الجميل..

تحياتي,,

الله لايهينك واشعراء مافي الحكي فايده

بعد شفت من يفتل وينقض بدون انظام
والا موجـده فالساحـه الا علاقاتـه



روعه




الشيحي نجم صاعد ..




الاخ سعد اخر شطر لابن وسام يحتاج تدقيق لانه مكسور وبالتاكيد هو خطا مطبعي



داهم