نوماس
السلام عليكم
مساكم الله بالخير بعد غياب نعود لكم بهذي القصيده عساها تنال اعجابكم [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] الطلع والله يافهد طلع نوماس=والصيد صيده والحباري حباريه الراكد الي من على الكف حباس=الوافي الي قل ريشه معريه المغتر الي مفرعه كنه الماس=حرن ليا تاوق تشوف العشم فيه تذكر طلوعه يوم بعظ العرب حاس=مفرعن طيره عسى الله لايعميه وطلع لها فالقايله دايخ الراس=طلعة صبي يبغي القظا من معاديه وتذكر طلوعه في صلافيح هباس=يوم يتحرى ماوصلنا حراويه ولاجا على الحروه على التكيه احتاس=كنه يبشر بس مااحدن وعا فيه هذاك عوق الي تخشش عن الناس=وعوق الخريش وكل ماطار يدميه هذاك قرناسن ماهوب اي قرناس=هذاك لاقيل لك خوي درب راعيه اظحك على علومه ليا صابه انعاس=وماالوم به عماش يومه يوعيه هذاك لامن ظقت صابه تعوماس=وكنه يحاكيني ليا قمت احاكيه وهذاك هده من مقيظه ولاباس=يلحق ولو متقلباتن ثناديه هذاك ياشلهوب له قلب واحساس=لوتنزره ماوالله يقول لبيه ولو تزهمه قام يتمسس تمساس=كنك عن الربدا الي فالجو تلهيه هذاك غله واتنومس تنوماس=لامن دبس ذاللي عريظن علابيه هذاك ما والله يعود بالافلاس=يوم كل راعي طير طرح يشلويه وهذاك ماطلعه قراطيس واكياس=هذاك لامن قيل طلعه يعشيه عزالله الياهد ماتحبس انفاس=ولاتشوف الخوف فعيون مغليه ياكم شرب بين الصقاقير من كاس=وياكم عين تصيب جمبه وتخطيه قفابه الي حط سعره بمقياس=وباعه الي مبعداتن هقاويه شيب عيني يوم اقفى ورى حمر الاطعاس=مستنكرن ياابو فهد صوت شاريه لكن تدري خل عنك التبهناس=قولو لابن علاق يحط اللي يبي فيه انا زبونه والحكى ذا على ساس=كان النعيمي سامحن منه ابشريه وكانه قنص به صب مايقعد الراس=واخذ الكلام الي عقب ذا اببديه ماعاد لي بين الصقاقير مجلاس=وطيرن عقب نوماس والله مااخاويه حلفت مااشل حر من عقب نوماس=وان شفت حباره اقرب قناص بدعيه [/poem] وسلامتكم |
الله يحييك ياخالد
وعز الله يستاهل كل هذا الود من هذه حلاياه صح لسانك يالصقار غيمار |
ماعـاد لـي بيـن الصقاقيـر مجـلاس
وطيرن عقـب نومـاس والله مااخاويـه حلفت مااشل حر مـن عقـب نومـاس وان شفت حباره اقرب قنـاص بدعيـه صح لسانك ولا هنت يا راعي الصقور تحياتي .. |
صح لساااانك ياخالد معوض خير
تحيتي ,,, |
وعليكم السلام ورحمة الله وبركاته
يا مرحبا ومسهلا بالرجل العزيز والشاعر والصقار خالد السويكت ومنوّر مرقابك لاعدمناك صح لسانك مدد ،، .. |
الله الله صح لسانك ابيات جميله وجزله مبدع لك فائق الاحترام والتقدير تحياتي |
صح لسانك
صح لسانك صح لسانك ياخالد ولاعاد تبطي علينا :) سلام |
الصقر نوماس
وارعيه راعي نوماس وشعر ينومس السويكت لله درك ..11 |
يامرحبا يانايف المقاطي
ولاهنت على مرورك |
اقتباس:
تسلم صح لسانك اخي خالد |
ماعـاد لـي بيـن الصقاقيـر مجـلاس
وطيرن عقـب نومـاس والله مااخاويـه حلفت مااشل حر مـن عقـب نومـاس وان شفت حباره اقرب قنـاص بدعيـه صح لسانك ولا هنت يا راعي الصقور تحياتي .. |
اقتباس:
محمد بلال يارمحبابك ولاهنت على مرورك |
| جميع الأوقات بتوقيت GMT +3. الساعة الآن 01:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية