( عنق الزجاجه )
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا صاحبي ( ليه ) قلت الوقت وش فيه??=الوقت ماهـوب ضدّك بإنتـهاجه..
لو اقـدر آجاوبِك ما قلت لك ( ليه )..=لأنـّنـا معْـه لابـدّ انتـواجه.. يرسم لنا درب مضطرين نمشيه..=وأيامـنا بين ضيـقه وانفراجه.. لو هي بتنفع معه بعض المشاريه..=كان استقام البَخَت بعد اعْـوجاجه.. رغـيفـنا ناكله لو مـا ندانيه..=دام القـدر نار والأيام صـاجه.. كم من مريضٍ ركضنا به نداويه..=نبـي علاجه ولا نلقى عـلاجه.. وكم غاليٍ ما توقـعنا نخـليه..=تحت التـراب ولنا ويّـاه حاجه.. وكم جرحْ بقلوبنا في صمت نبكيه..=ما نعـلنه خوف يتعكّـر مزاجه.. لذلك إيّـاك دور العقـل تلـغيه..=جرّبـْه لا ضاقت الـدنيا وناجه.. وهبْه لك خالِقِـك ياخـذْك بيديه..=لأنّـك بكـل لحـظه بإحتياجه.. هواك كانك تبي تتبع خطاويه..=بيورّدِك بيرهْ وْ تَروى هـماجه.. وان باعك الصبْر رحْ له لأجل تشريه..=حتى يطلّـعك من عنـق الزجاجه.. إسأل مجـرّب همومه ما تعدّيه..=ما مرّ روضٍ حـزين إلا وداجه.. القلب بعض المواقف ما تداريه..=لكن ذكـائك يحـدّ امْن انزعاجه.. واحياناً الشعْر متنفّس من اتْجيه..=يستقبل آهاتك بضحكة حجاجه.. وخل التفائل دليل بوادي التيه..=تشبث بخيط نورٍ من سراجه.. يا صاحبي لاتقول الوقت وش فيه..=الوقت ماهوب ضـدك بإنتهاجه..[/poem] |
ثاني الدهمشي
أسم مرتبط بالأبداع صح الله السانك وسلامي عليك : اخوكــ . |
رغيفنـا ناكلـه لـو مــا ندانـيـه..
دام القـدر نـار والأيــام صـاجـه.. ياسلام كم من مريضٍ ركضنـا بـه نداويـه.. نبـي علاجـه ولا نلقـى عـلاجـه.. وكـم غالـيٍ مـا توقعنـا نخلـيـه.. تحـت التـراب ولنـا ويّـاه حاجـه.. وكم جرحْ بقلوبنا في صمـت نبكيـه.. مـا نعلنـه خـوف يتعكّـر مزاجـه.. مزاااجه إسـأل مجـرّب همومـه مـا تعدّيـه.. مـا مـرّ روضٍ حزيـن إلا وداجـه.. الله الله صح لسانك الف حضور رائع وقصيده مليئه بالجمال والحكمه لاهنت احترااامي و ج د |
ثاني الدهمشي
صح لساانك مددددددد مذهل ومدهش ورائع سلامي عليك . مودتي لك . |
كم من مريضٍ ركضنـا بـه نداويـه..
نبـي علاجـه ولا نلقـى عـلاجـه.. صح لسانك .. ولا هنت تحياتي .. |
الله الله
الغالي ثاني الدهمشي مرحبا بك ومسهلا من اجمل ما قرأت لك ولا يهون غيرها وكـم غالـيٍ مـا توقعـنـا نخلـيـه.. تحـت التـراب ولنـا ويّـاه حـاجـه.. وكم جرحْ بقلوبنا فـي صمـت نبكيـه.. مـا نعلنـه خـوف يتعكّـر مـزاجـه صح لسانك مدد بلا عدد |
الله الله
شاعر راقي وحساس وصاحب مشاعر راقية,, صح لسانك ياثاني على هذا الإبداع الجميل,, محبتي,, |
ثاني الدهمشي
ياسلالالالام عليك يامبدع صح لسانك مليووووون .. لك فائق احترامي وتقديري ...!! |
نمبر ايت
اي ول كم |
اقتباس:
تأكد يا مبدع انك احد اجمل الاسماء التي احرص على متابعتها لا لشئ سوى لانك تكتب الشعر له محبتي وتحيتي ومتابعتي اخوك |
محمد بن صويان
فديت خشمك يا راقي .. حضورك شرف ... |
| جميع الأوقات بتوقيت GMT +3. الساعة الآن 03:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية