[ أصعب سؤال ]
 

قصيدة رائعة في مدح الرسول الكريم عليه الصلاة والسلام
اضاءت صفحات الذاكرة الشعبية في صحيفة عكاظ ..!

وهي من قصائد شاعرنا المرقابي المبدع /

محمد بن مصوّي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يشهر بي الهاجس سماء وأوقف على حد الخيال=أوقف على حد الخيـال وحالتـي يرثـى لهـا
لأن القصيدة حملها ما يقـدره حتـى الجمـال =ولا لي على نظم القصيـده حيلـة واحتالهـا
جتكم (على ما الله كتب) وانا تعبت من الثقال =اذا وقفـت احطهـا واذا مشـيـت اشتالـهـا
دام القصيده فالنبي رمز الطهر وافي الخصـال =ليت القصيده تستحي لا قيل مـن هـو قالهـا
وشلون أبمدح من كمـل وصفـه ولله الكمـال =الوصف يقصر والقصيـده لـو تطـول طالهـا
الله تكفل في مديحـه فـي كتابـه ذو الجـلال =وقول الله اصدق بالمديح من البشـر واقوالهـا
يا سيدي احمد خجلت مـن القصيـده والمقـال =يخجل اذا جت سيرتك وانت الفصاحـه حالهـا
يا اشجع نبي وافصح نبي واكرم نبي جاله مجال=بين الامم سيرتـه عطـره والشـرف يبرالهـا
بتوراة موسى ذاكرك ربـي بوصـف لا يـزال =حتى بعثـت وخابـت ظنـون اليهـود بآلهـا
وفي مدحك الله ضارب بأنجيل عيسى اروع مثال=يا معجزة كـل البشـر يـا نورهـا وظلالهـا
يا نعمة واجب علينا شكرهـا فـي كـل حـال =يا متمـم اخـلاق البشـر واقوالهـا وافعالهـا
من مولدك طفل يتيـم وعايـش بيـن الجبـال =الله وهبـك المعجـزات ادقاقـهـا واجلالـهـا
تسجد لك اشجار وغمام الخير يتبعـك بظـلال=وصار القمر نصفين والنظره سبـب لأهوالهـا
يـا مغيـر تاريـخ امـه عايشـه ذل وضـلال =يا ناصر الامـه بعـد ذلـت بسـوء اعمالهـا
الذل والفتنه وشـرك الله واشيـاء مـا تقـال =من قبل تبعث والعـرب يـا سيـدي ذا حالهـا
حتى بعثك الله وبينـت الحـرام مـن الحـلال =والعُرب سادت من يمين الارض ليـن شمالهـا
الله يجمعنا معك يـوم الحشـر يـوم الهـوال =فـي ساعـة تنسـى الاوادم مالهـا وعيالهـا
شفاعتك يا سيدي اكبر منـى واشـرف منـال =شفاعتك يا سيدي ما خـاب مـن هـو نالهـا
جتكم على ما الله كتب وانا عودت لاصعب سؤال =ليت القصيده تستحي لا قيل.. من هو قالهـا؟ [/poem]


صح لسانه .. وتمناياتنا له بالتوفيق المستمر
والشكر لجريدة عكاظ على تلك اللفتة



..


المصدر

اللهم صلّي وسلّم وبارك على رسول الله

بيض الله وجه ابو طيف على هذه القصيدة الساميه في اطهر بشر
ويستحق التقديم في كل محفل

وبيض الله وجهك يا بوليان على جهودك الكبيره في ارجاء هذا الصرح الحبيب

وعسى الله يوفق الجميع ،

..

في النبي الأكرم تستحي القصيده لا قيل من هو قالها... عين العقل يا ابو طيف...

صح لسانك و انا اخوك

و مشكور يا ابو ليان

قصيده من الساجد العابد و عبدالله محمد في مقام النبي الأكرم ابن عبدالله محمد ..


اخوكم/


شفق السريّع

اللهم صل على محمد وعلى آله وصحبه أجمعين


صح لسان محمد

وكل الشكر يا محمد على الايراد

اللهم صلي وسلم عليه
وصح اللسان محمد ، وجزاه الله خير



ولاهنت يابن بلال على الايراد ،

لا هنت يا ابو ليان

شكراً لكل من مر من هنا

تقبلو ودي وتقديري .

ابو طيف شاعر جزل و محبوب ..
وقصيدته هذي تستحق النشر كيف لا وهي في الرسول عليه افضل الصلاة واجل التسليم




صح لسانه على كل حرف



وشكرآ جزيلآ لـ صحيفة عكاظ ولك يا محمد




.