معاناة.. سجين محكوم بالقصاص
 

الغالين بمنتدى المرقاب
هذه القصيده كتبتها على لسان سجين محكوم عليه بالقصاص...وقد ذهب بها والد القتيل الى صاحب السمو الملكي الامير/ ممدوح بن عبد العزيز....وذلك لما تعودناه منه بالسعي في عمل الخير...........
ونحن في هذه الايام الفضيله... أسأل الله ان يفرج كربته وكربة كل مسلم....

ليس الا مشاعر كتبتها واسأل الله لها القبول...اتمنى ان تجد مساحه في قلوبكم








معاناة سجين محكوم بالقصاص

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
ياالله عليك المشتكى وانت الامل.. وانت المراد=ياغافر الزلات مالك لامثيل.. ولا شبيه

ياخالق السبع البحور وخالق السبع.. الشداد=يافارج الكربات ماغيرك اله ".. نرتجيه

تفرج لعبد" من عنا الدنيا جروحه.. بازدياد=الموت قدامه وسياف المنيه.. يحتريه

الهم.. مثل الضل.. والضيقه تمادت لين ..ساد=الحزن في جسمه ونيرانن بصدره.. تكتويه

مكسور خاطر.. ينتظر متى يجيه ..الاعتماد=يطلق سراحه.. ويتحرر من مكانن ..حل فيه

لكن على الله فالفرج.. والله ليامن جاد.. جاد=مافيه واحد.. يجتهدله بالدعاء ..الا.. لقيه

واليوم بعد الله ..شديت المطيه.. بالشداد=ونصيتها أمير".. على الفزعات كل".. ينتخيه

نصيتها اللي ذاع..صيته بالوفاء في كل ..واد=زبن الدخيل.. اللي ليا اعطى قول.. قوله يحتميه

ممدوح بن عبدالعزيز!! اللي على الطالات ..زاد=طلق الحجاج.. اللي بوقفاته ومداته.. نزيه

من عهد ابوه وجده اللي عم ذكره ..فالبلاد=اهل المكارم.. كاسبين المدح.. بيضان ..الوجيه

ماينثني عزمه.. ولو طول بها ماد" ..وماد=المرجله مايشتريها.. هي تجيه ..وتشتريه

ياأمير.. انا طمعان.. في وقفتك يالشهم.. الجواد=تاقف.. وانا خابرك شهم" كل صعب".. تهتويه

أنا أسير السجن.. وعيوني محرمها.. الرقاد= واللي مقيد بالسلاسل.. كيف نومه ..يهتنيه

زله ..وغلطه.. كبلتني بالسلاسل ..والقياد=وحطيت نفسي.. في مكانن مايسلي.. من يجيه

شيطان.. والشيطان.. يزرع شر مابين.. العباد=واللي حصل مكتوب.. ومقدر.. وانا.. نادم عليه

في قلبي الدنيا( شقا) وبعيني الدنيا.. (سواد)=والكون.. كله ضاق في عيني.. ولاصرت.. اهتويه

تكفا.. وتكفا.. ثم تكفا..مالها غيرك.. وكاد=انك تحل المشكله.. والامر كله ..تحتويه

لازال باقي لي أمل.. وانت الامل.. وانت ..المراد=وليا وقفت من عندكم.. من غيركم.. نلجأ اليه

ابوي.. وأمي.. ماتهنوا بالشراب ..ولا بزاد=كيف يتهنأ واحد".. فاقد ..لاصابع راحتيه

وانا أسير.. الهم.. وعيوني تطاولها.. السهاد=ماله أمل.. ولا رجاء.. الأ ..مقابل والديه

أمي علاج لحيرتي وابوي لجروحي.. ضماد=وانته ومثلك درع" لمنهو.. قصيراتن يديه

يالله عساها في موازينك لياحان.. الحصاد= واللي يقدم خير فالدنيا وكاد ..انه يجيه
[/poem][/poem]

اخواني الزملاء والمشرفين

آمل تنسيق القصيدة.. الله يعطيكم العافية

تحياتي وتقديري للجميع

الله يفرج عن كل مسلم


مقبل الحربي

صح لسانك

وعلى شانك

رائعه جدا

تحيتي لك

مقبل

بيض الله وجهك

وجزاك الله بالخير


لاهنت

محمد بلال

وجهك ابيض يالغالي

ولاهنت على المرور العذب

تحياتي وتقديري... وكل عام وانت ومن تحب بخير

مقبل الحربي

بيض الله وجهك وصح السانك

والله يفرج كربه ويفك قيده ويكتب لك الاجر

لاهنت

محمد مرزوق

صح بدنك يالغالي

ولاهنت على المرور

تحياتي وتقديري

عبدالله المرشدي

صح بدنك وفكرك

لاهنت على المرور

تحياتي وتقديري

الله يفرج عنّه .. وعن كل مسلم

وجزاك الله خير


صح لسانك ولا هنت


وكل عام وأنت بخير

مطر العضياني

صح بدنك

وجهك ابيض طال عمرك

تحياتي وتقديري

عبدالرحمن السمين

صح بدنك يالغالي

شرفتني بمرورك العطر

تحياتي وتقديري

زاحم النومسي

صح بدنك

شاكر لك المرور العطر

تحياتي وتقديري

حمد نشمي

صح بدنك يالغالي

شاكر مرورك

تحياتي وتقديري

مشعان البراق

شرفتني بحضورك لاهنت يالقرم

الله يعطيك الصحه والعافية

تحياتي وتقديري