الــــزفـــــــره !!
 

[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ايه ياصدري تهون الزفره المشحونه=باكر الدنيا تدور وينكشف مافيها
اثقل الله لايهينك خنجرك مسنونه=تفري الظلع المتين وطعنتك مابيها
لو بطيعك ركبت الجمره على غليونه=والصدور القشر فاحت وذكرت ماضيها
خلها جوف الحنايا بالحشى مدفونه=علةٍ يبطي المداوي ماعرف خافيها
لو..نواها الظايع اللي هجرع آبحنحونه=آو..نواها اللي يكض الغيض من طاريها
يبتلش في طرقها لو هيّضته للحونه=كنه اللي جاء يكحلها وهو يعميها
راعي الصوره يبّن ضحكته بسنونه=يحسبنه كاسب الدنيا وماتحويها
هب يالوجه الودّر والكحل بين آعيونه=رقصتّك اللي على متنك ثنت رجليها
كل مادّن الحجل قلبك يزيد آجنونه=تشعل الدنيا حريقه بس ماتطفيها
ساقتك سوق المطيه بالعصا الملعونه=ون حرّنت آمن العصاء وحده ولاتثنيها
انت مثلك عايشٍ من شان يقبض شونه=مقفين والله يعينك وأستلم تالها
ذوقها من كف من كفه تمد العونه=ماقصرها لاحظر ماجوبها يصخيها
يوم كف اللأش ماتملا سوى ماعونه=مثل شروى لحيةٍ ماهي على راعيها
شيلها دلعونتك وآرقص على دلعونه=وحتسبها من مقامك والعرب توحيها
وإلا أنا يامن بلاني وأحتوى مضمونه=عنك آنا ابعد من نجوم الكون لو تحصيها
لكن أقمح والقوافي وصلتك مقرونه=قبل تقراها توسلها وحب ايديها
[/poem]

ماعين خير

بندر كل عام وانت بخير

والمسامح كريم وانا اخوك

صح لسانك وتقبل تحيتي

،


وعليكم السلام ورحمة الله وبركاته
وكل عام وانت بصحه وسلامه وانت من العايدين والفايزين ان شاء الله

انت مثلك عايشٍ من شان يقبض شونـه
مقفيـن والله يعينـك وأستلـم تالـيهـا

الله يعينه :)

صح الله لسانك ولا هنت يا بندر

بالتوفيق


.

المسـامح كريـم


صح لسانك يالطـَيب



ولاخـلآ ولا عـدم

ساقتك سوق المطيه بالعصـا الملعونـه
ون حرّنت آمن العصاء وحده ولاتثنيهـا
انت مثلك عايشٍ من شان يقبض شونـه
مقفيـن والله يعينـك وأستلـم تالـهـا
ذوقها من كف مـن كفـه تمـد العونـه
ماقصرها لاحظـر ماجوبهـا يصخيهـا
يوم كف اللأش ماتملا سـوى ماعونـه
مثل شروى لحيةٍ ماهـي علـى راعيهـا


بندر بن منصور

شاعر يقدم شعر راقي ومميز

صح لسانك

وكل عام وانت بخير

ابو منصور



ساقتك سوق المطيه بالعصـا الملعونـه
ون حرّنت آمن العصاء وحده ولاتثنيهـا
انت مثلك عايشٍ من شان يقبض شونـه
مقفيـن والله يعينـك وأستلـم تالـهـا
ذوقها من كف مـن كفـه تمـد العونـه
ماقصرها لاحظـر ماجوبهـا يصخيهـا
يوم كف اللأش ماتملا سـوى ماعونـه
مثل شروى لحيةٍ ماهـي علـى راعيهـا



عز الله كلام عليه الكلام



صح لسانك مليوووووون يامبدع ..



لك فائق احترامي وتقديري ....!!

يا سلام يا بندر ،


لله درك

الأخ القدير .. بندر بن منصور

عليكم السلام ورحمة الله وبركاته

وكل عام وانت بخير

سلمت وصح لسانك مدد..
والحقيقه لبدعك روح حيّه ومذاق خاص

سلام الله عليك ،،

..

اطربتني والله يا بدر


قافك حلو لله درك وصح لساانك