(صوتيه) سيف الموت .مرثية في روح رئيس مركز البجاديه الشيخ / محمد أبن زايد رحمه الله
 

..........





..






[poem=font="simplified arabic,6,white,normal,normal" bkcolor="black" bkimage="" border="ridge,6,white" type=2 line=0 align=center use=ex num="0,black"]

شعور شاعر دمع عينه محابير = يقنب سوات الذيب لاجر بعواه
مما ارتمى في حظن حزني محادير = غنت جروح القلب في داخله آآه
بعض القصص فيها العبر والمحاذير = حاضرك والماضي يزيدك معاناه
فيها كما المجهم وفيها مغاتير = ترزم على عدن من أيام مضماه
ودام الليالي مدبرات (ن) مناحير = هاذي قناعاته ولوجاه ماجاه
نهار ثالث والخواطر مكاسير =من ماجراله يردف الأه ويلاه
وشلون خان الظهر .. طهر التعابير = يوم الأحد شعبان أقفت مطاياه
وحقي عليكم يالوجيه المسافير=لا من كشفتوا راسه أعلـوا محيّـاه
قام يتراكم نصب الأحزان ويثير = وضاق الفضاء من فقد مثله وشراوه
وأهتز من حكم القدر شامخ النير= صم الصخر جاوب صداها وعزاه
من مدلهمة هم هلت مباكير = وواد الرشاء بالدمع يكتض مجراه
أستوعبي ياديرة .. السر والبير = ماينكتب للعبد لابد يرضــــــاه
فرقاء وهزتنا جموع وطوابير =و ليت التمني ينفع اللي تمنـاه
لباست الجوخ الحمر والمناعير= وكلا وله يومه ولابد ياطاه
وابوفهد عز السيوف البواتير = هامه لوجه ..العز ساسه ومبناه
وحنا بدنيانا ضيوف ٍ مسايير = والموت حق وساعة العبد تخفاه
أقسى خبر يطعن خفوقي بتعزير = جزه من اليمنى لياحد يسراه
الموت يبطش بالسيوف الشواطير= جرح دماء في داخل الجوف وأبكاه
والموقف اللي فاق كل التصاوير = موقف عظيم (ن) يدفن الرأس ماأنساه
تاطن ياغبر الليالي المعاسير =ولايفقد إلاّ طيب الصيت والجـــاه
والعمر رحله والليالي مشاوير = وأخر مسافات السفر وين دنياه
الله وأكبر يالحظوظ المعاثير=الوقت يطعن ..بالقفاء كف شلفاه
خلف المصيرالغيب يكتب مقادير= درب ٍ على كف القدرنجهل أتلاه
مثل السؤال اللي بليا تفاسير = ولا الغرير اللي جهل داه ودواه
البارحه وأفراح الأحزان بي غير= صابر وباح الصبر وأصبر صبراه
يالصابرين الله وعدكم تباشير = ومايخلف الميعاد رب ٍ عبدناه
أبشرك ياصابر ٍ بالقسى خير = يامن لياضاقت على الله نجــواه
مقسوم ياحظ الشقاء والتعاسير = وإن ضاع مفتاح الفرج عنده القاه
وأكبر مصيبه لاتقافن مدابير = وأخذن عزيز القوم ماهوب حياه
أبوفهد ستر العذارى الغنادير = واللي ستر يستر ولا يقصر رداه
يالله طلبتك ياولي التدابير = بيدينك أبن آدم مماته ومحياه
أجبر عزانا في زبون المخاسير =أجبر مصيبتنا بفرقاه يالله
يارازق الداب العمى في فمه طير =أمانتك مولاي رحماك ربااه
ويارب عبدك وإن حصل منه تقصير =يارب بالحسنات طهر خطاياه
ياعالم عن خافيات الأسارير = يوم الحشر تجعل كتابه بيمناه
يامنشيء بأمرك صدوق المزابير =غر المزون اللي على دار مرباه
تسقي ثرى قبره من عصير لعصير = وياعل روض القبر ماينقطع ماه
وعل الحياء من فوق قبره مزاهير= لاداعب النساس نبت (ن) تمثناه
مامات من عقب فهد وانت ياامير = عقب حرار ٍ هي عزانا بفرقاه
ياأمير بوجوك تهون وتياسير = ياورث عود ٍ ماتعدد مزاياه
أمير وأبن أمير ماجت مناصير = راع الشداد من أول الوقت لتلاه
يفدى مواطيك الثرى نافخ الكير = ياأمير مثلك عل الأنذال تفداه
من منصبك سقت التواضع بتقدير = يكيفك تجني ياعسى الخير يجزاه
قلته وأنا يابومحمد بتاثير =مما طرالي ..كثر طار ٍ نسيناه
[/poem]

ياهلا بك يابو مرزق

والله يرحم الفقيد


وصح بدنك ولاعدمتك من شموخ

أحتراامي

،


الله يرحم الفقيد ويسكنه الجنه وكل مسلم

وانت صح الله لسانك ولا هنت على ذا القصيد الجزله


وفقك الله


.

الرائع / محمد بلال


ياهلابك وقبل الله منك دعوتك

وصح بدنك ولاهان رأسك


أحترامي

وحنـا بدنيانـا ضيـوف ٍ مساييـر
والموت حق وساعـة العبـد تخفـاه
أقسى خبر يطعن خفوقـي بتعزيـر
جزه مـن اليمنـى لياحـد يسـراه

صح لسانك جزله تشكر عليها وغفر الله لمن مات وجمعنا والمسلمين في جنان الخلد

أرحب يابوناصر

أمين يارب العالمين ....


وصح بدنك ولاهان رأسك ..


أحتراامي

رحم الله الشيخ القدير محمد النخيش

وبيض الله وجهك على هذا الوفاء الغير مستغرب

وصح لسانك ،،

.... أرحب ياسلطان العطاوي

................... وصح بدنك لاهنت


أحتراامي

من منصبك سقت التواضـع بتقديـر
يكيفك تجني ياعسى الخيـر يجـزاه


عسى الله يرحمه برحمته مع جميع المسلمين


صح لسانك


وافي


،)

رحم الله أبو فهد رحمة واسعة
وجمعنا به ووالدينا في جنان الخلد
سعد
صح لسانك وسلم بنانك
وفاء غير مستغرب من أهل الوفاء
جزاك الله خير جزاك الله خير
تحياتي لك


محمد

القدير : رامي العتيبي
ياهلابك ملاايين

وصح لسانك

وجزاك الله خير الجزاء

أحترامي