ابريــــــل ... !
السلام عليكم ورحمةالله
مشاركه بسيطه ولانها نهجت منهج اختها التي تكبرها .. بالاضافه الى توقيتها العجيب :) توجب عليها التشرف بالمثول امامكم هنا استلامكم [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ابريل شهر من السّنه ودّي امحيه = للي تحرّى منه يصدق عقوبه لو تصدق ايامه تكذّب لياليه = لين امتلك رمز الحياه الكذوبه صادفت فيه الوجد واصبحت واليه = يوم الولاه المارقين اجردوبه يمرني دايم من اول خطاويه = ويزيد منسوب العنا والصعوبه اخفيت تقويمي ...على انّي بعديه = من غير ما يطري الخفوق محبوبه واثر السوالف كلّها تنتهي فيه = ويمرّ في بالي ولو ما حكوا به ان سولفوا باسمه بدالي من التيه = وان هوّنو من سالفه ما غدوبه ترفٍ مسك لبّ المشاعر باياديه = وروس السنين الممحلات معصوبه رسى ولكن ما رسى في موانيه = وسكان ساحل مقلتيه اشتقوبه طلبته يمدد بعمري ثوانيه = قال الثواني يالحبيب محسوبه له في عيوني دمعتين المشاريه = ولي في عيونه نظرتين محجوبه اتذكّره يومه يعدّ لتماديه = فالبعد ويقول الليالي لعوبه ما جا على بالي جفاه وتخليه = الا بعد ما لبّس الحلم ثوبه نشدت قلبي لا متى وانت مغليه = ونشدت عيني وين تالي دروبه لا عيني تشوفه ولا القلب ساليه = يا كثر في عيني وقلبي ذنوبه ليت الهجوس اللي تجيبه توديه = وليت المحبه من جفاه مغلوبه وليت الاصابع توصل الجرح وامحيه = من قلبي اللي مرّه الوجد دوبه[/poem] |
حجز اول
:) |
ياسلام فاخره ولاهي غريبه صح الساانك
|
مرحبا يا بو راكان ، وانت تسعدني بمجرد تواجدك فما بالك بـ ( ابداعك ) ..! حجز ولي عوده |
عبداللطيف الغامدي
قلبك والله قد بلاه. طيب حنا وش ذنب قلوبنا بالله؟ ياخي قطعت قلبي بهذا النص ماقول غير لله درك , نص موجع بكل ماتعني الكلمه من معنى غيمار |
اقتباس:
عز الله ما فيك حيله يا ابو راكان : ذهب .. ذهب .. ذهب .. ابداع .. وامتاع بالاجماع . صح لسااانك ملالالايين ولا هنت تقديري يا مبدع .. والله يبارك في شهر ابريل ! |
ليت الهجوس اللي تجيبـه توديـه
وليت المحبه مـن جفـاه مغلوبـه وليت الاصابع توصل الجرح وامحيه من قلبي اللي مرّه الوجـد دوبـه / \ قصيـده تستحق القرآءه مره ومرتين وثلآث وصح الله لسآنك عدد كل حرف فيهآ ولآهنت طآل عمرك ! |
له في عيوني دمعتيـن المشاريـه
ولي في عيونه نظرتين محجوبـه اتذكّـره يومـه يـعـدّ لتمـاديـه فالبعـد ويقـول الليالـي لعوبـه ما جا على بالـي جفـاه وتخليـه الا بعـد مـا لبّـس الحلـم ثوبـه نشدت قلبي لا متى وانـت مغليـه ونشدت عيني وين تالـي دروبـه لا عيني تشوفه ولا القلب ساليـه يا كثر في عينـي وقلبـي ذنوبـه ليت الهجوس اللي تجيبـه توديـه وليت المحبه مـن جفـاه مغلوبـه وليت الاصابع توصل الجرح وامحيه عبداللطيف الغامدي بيض الله وجهك على العذوبه والجماليه قصيده تبض بالصدق لك تحياتي |
الله الله ليت الهجوس اللي تجيبـه توديـه وليت المحبه مـن جفـاه مغلوبـه وليت الاصابع توصل الجرح وامحيه من قلبي اللي مـرّه الوجـد دوبـه صح لسانك ياعبداللطيف مبدع دائما في قصيدك نص جميل ومعاني عذبه وجزله من شاعر جزل ابداع ابداع لك فائق الاحترام والتقدير تحياتي |
صح لسانك ولا هنت
|
.
. لا عيني تشوفه ولا القلب ساليـه يا كثر في عينـي وقلبـي ذنوبـه عبداللطيف انا مامون عليك واجد :) مير عزالله ان ضيّمت علينا وبس . . |
الرمز .. عبداللطيف الغامدي
عليكم السلام ورحمة الله وبركاته يا مرحبا يا بو راكان لا اعلم ما سبب وجود هذه الماسية هنا مع تقديري للمواهب وكل ما يعرض به كذلك لا اجد ما يليق بها والله العظيم من اجمل ما قرأت من الشعر ابو راكان .. الاستهلال هو مفتاح القصيدة كما تقول الشعراء واستهلالك دائما مغاير تحمل ( الماستر كي ) فلا يعلم من يقرأ اول الابيات اي باب ستفتح من ابواب الشعر وهذا سرّ تميز المبدعين بحق ترفٍ مسك لبّ المشاعـر باياديـه وروس السنين الممحلات معصوبه رسى ولكن ما رسى فـي موانيـه وسكان ساحـل مقلتيـه اشتقوبـه طلبتـه يمـدد بعمـري ثوانـيـه قال الثوانـي يالحبيـب محسوبـه له في عيوني دمعتيـن المشاريـه ولي في عيونه نظرتين محجوبـه اتذكّـره يومـه يـعـدّ لتمـاديـه فالبعـد ويقـول الليالـي لعوبـه ما جا على بالـي جفـاه وتخليـه الا بعـد مـا لبّـس الحلـم ثوبـه نشدت قلبي لا متى وانـت مغليـه ونشدت عيني وين تالـي دروبـه لا عيني تشوفه ولا القلب ساليـه يا كثر في عينـي وقلبـي ذنوبـه ليت الهجوس اللي تجيبـه توديـه وليت المحبه مـن جفـاه مغلوبـه وليت الاصابع توصل الجرح وامحيه من قلبي اللي مرّه الوجـد دوبـه عسى الوجد يمر كل يومين مرّه ما ودي يشغلك بالمرور اليومي يا بوراكان والله انها من روائع الشعر ،، صح لسانك مليون مع صافي الاعجاب يا كبير ،، .. |
الله الله الله صح لسااااااانك من اول لا خر حرف قصيده في قمة الجمال كما تعودنا منك الله لايضرك ابدعت وامتعت |
،
وعليكم السلام ورحمة الله وبركاته مرحباً مليون والله يا عبداللطيف ، شاعر والشاهد الله نشفق على قصيدك وعلومك الغانمه استاذ الله لا يلجمك ولا يخلينا منك ولا من جزل القصيد اللي تجيبه هنا وهناك ليت الهجوس اللي تجيبـه توديـه وليت المحبه مـن جفـاه مغلوبـه وليت الاصابع توصل الجرح وامحيه من قلبي اللي مرّه الوجـد دوبـه ذهب خالص الله لا يعوقك يا شيخ / صح الله لسانك ولا هنت وفقك الله . |
الله يا بو راكان ، حضور الشعر معك دائماً ، كـ عادتك في قصايدك العاطفيه ، ( تغربل ) القلب الهواوي ..! لله درك على هذا الشعر يا بو راكان ، لا عاد تبطي الله يرحم والدينك :) |
عبداللطيف الغامدي
اسم رائع فالمرقاب صح لسااااااااااانك اللين ترضى ولاهنت إعجابي المستمر |
نشدت قلبي لا متى وانـت مغليـه ونشدت عيني وين تالـي دروبـه لا عيني تشوفه ولا القلب ساليـه يا كثر في عينـي وقلبـي ذنوبـه : تسلم عينك .. ويدوم نبض قلبك أرثعت بـ القلوب الخضر ياعبداللطيف نص مليء بـ الابداع .. والجزاله صح لسانك , ولله درك ؛ |
اخوي / عبداللطيف ..
صح لسااانك .. وبيض الله وجهك جدد الاعجاب |
وليت الاصابع توصل الجرح وامحيه
من قلبي اللي مـرّه الوجـد دوبـه يحتاجلك طبيب جراح ،، ياصل لقلبك وينفذ طلابتك في المسح والمحي والازاله :) بس عاد تصدق ،، ياخي مختار شهر ماهو حق حب نهائي ،، كله طوز وغبار وبداية الحر ،، اكتوبر ونوفمبر احسن ياخي :) تبقى من اجمل واجزل الشعراء ياعبداللطيف ،، اذا ماهو في الساحه الشعريه كلها ،، في عيوني على الاقل (iii- صح السانك ملايين يالغالي :) تحياتي / حامد |
الله يا عبداللطيف
وشايل جروحك بروحك ، لكن محد يلومك الحب يعمل عمايله :) صح اللسانك يا عبداللطيف ، ومهما قلنا في قصيدك ، وقدرك مانوصل للمستوى :) دمت كما تحب ، |
إبداع
الغامدي صح لسانك والله يجبر خاطرك أزكى تحيه يالذيب :) |
الله الله يابو راكان
حاولت اني انسخ بيت ولا قدرت من عذوبة النص كامل صح لسانك يا مبدع تقديري |
| جميع الأوقات بتوقيت GMT +3. الساعة الآن 10:22 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية