زفره وشهقتين
 

السلام عليكم ورحمة الله وبركاته:::

أسعد الله مساكم جميعاً ... وكل عام وانتم بخير بعد الزحمة.

هذه مجرد خاطره إذا ما قورنت بما يجول في داخلي بعد فراق خالي العزيز / محمد بن مرزوق بن هريس .. الذي وافته المنيّة مساء يوم عرفه ودفن رحمه الله في أول أيام العيد من هذا العام..

أقول:


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
القلب يغشاه الحزن ، والعين تحرقها الدموع=والصدر به زفره تفوح وشهقتينٍ تغرقه
هايم ولا كنّي من الحيين في ذيك الجموع=نهار عيد وكنّ ماللقلب شيٍ يعشقه
معاد لك يالعيد فرحه في مداهيل الضلوع=ولا يشعّ النور في المحزون شمسٍ مشرقه
إن كان ما للهم كمّ ، أكيد له يالعيد نوع = الحزن بعيون الحزين أكبر من انك تسرقه
ماهوب ضاحكلك على همّه ومشعلّك شموع= مرّ وتعده كن ما ربي على الارض خلقه
لا تحسب أنه سالي إن شفته على مركى وكوع= خطرٍ عليه من العباير في مكانه تشنقه
ماجيت يالعيد الفضيل بخير للقلب الجزوع = ألا بفرقا واحدٍ رمح المقادير زرقه
سافر على متن أول أيامك ولا حوله رجوع=الله يبيحه من بطون أقدامه إليا مفرقه
خالي وله عندي من التقدير من بد الربوع = ومن المحبه شيٍ يخليني أجزع وألحقه
لو يتبع الفرقاء لقاء .. حصّلت بالفرقا قنوع=ولا أرخص دموع الفراق اللي على الخد أهرقه
تبكي عليه الشمس من وقت المغيب إلى الطلوع=ويبكيه من غرّ المزون أم الثعول المغدقة
ويبكيه ساعه كان يحييها وخلق الله هجوع=ياقف على باب الكريم بما هداه ويطرقه
عليه ما مالت مع الآنسام غضّات الفروع = رحمه ... وما طاحت من الاشجار في القاع ورقه
ياربي انك تؤنسه وتأآمنه من كل روع=وإنك تعديه العذاب ومن جهنّم تعتقه
[/poem]


وسلامتكم

مشكور على هالرائعه

تقبل مروري وتحيتي

كل الود...

وعليكم السلام ورحمة الله وبركاته

يامرحبا ومسهلا يا صالح بن هريس
والله يحييك

كم هي مؤثره وصادقه هذه المرثيه

عليه ما مالت مـع الآنسـام غضّـات الفـروع
رحمه ... وما طاحت من الاشجار في القاع ورقه

ياربي انـك تؤنسـه وتأآمنـه مـن كـل روع
وإنـك تعديـه العـذاب ومـن جهنّـم تعتـقـه


اللهم آمين
اللهم آمين
اللهم آمين

رحم الله فقيدك الغالي واسكنه جنان النعيم

وصح لسانك مدد وانا اخوك ،

..

اللهم آمين
اللهم آمين

رحم الله فقيدك الغالي واسكنه " الجنه "

وصح لسانك

وعليكم السلام ورحمة الله وبركاته

ياربي انـك تؤنسـه وتأآمنـه مـن كـل روع
وإنـك تعديـه العـذاب ومـن جهنّـم تعتـقـه

اللهم امين

عظم الله اجرك والله يرحمه ويسكنه الجنه وكل مسلم
صح الله لسانك ولا هنت على ذا المرثيه الجزله

جعلها اخر الاحزان وبالتوفيق


.

جعل ربي يرحمه ويرحمنا جميع برحمته

أمين


صالح صح لسانك تراك هيـّضتنا



لاهنت

سلطان الضيط

لاهنت على مرورك يالغالي

تحياتي لك

سداح

الله يبقيك ياغالي

والله يقبل دعاك ...وصح الله يدنك

لاهنت على كريم مرورك ياستاذ

تحياتي

ياربي انـك تؤنسـه وتأآمنـه مـن كـل روع
وإنـك تعديـه العـذاب ومـن جهنّـم تعتـقـه


اللهم آمين



والله يجبر عزاكم


وصح لسانك


دمت بخير

مطر العضياني

الله يقبل منك .. ياغالي

وصح الله بدنك .. ولاهنت على كريم مرورك

تحياتي

بدر ناصر العجمي

الله يجزاك خير .. ويقبل دعاك يالغالي ولا يريك مكروه أنت وكل أخواننا المسلمين.

صح الله بدنك .. ولاهنت

تحياتي وتقديري

نايف المقاطي

الله يجزاك خير .. ويقبل دعاك

ولاهنت على كريم مرورك واطلاعك ياغالي

تحياتي

صالح..رغم انها مرثيه ..الا انها عملاقه بكل صورها

الف شكر لتواصلك

والله يرحم ميتكم ويتجاوز عنه خطاياه

احسن الله عزاك وانا اخوك

متابعتي لك يالغالي

محمد بلال

الله يقبل دعاك ياغالي .. ويجزاك خير

وصح الله بدنك .. ولاهنت انت على كريم متابعتك

تحياتي وتقديري

مخايل

الله يقبل دعاك .. ويجزاك خير

لاهنتي

عبدالله بن ماجد

مرحبابك .. والله يتقبل دعاك ويجزاك خير

لاهنت على كريم مرورك ياغالي