زايد الرويس
يا زايد : مرّن الـــ خمس وثلاثين .. وطريقك طال ولا تدري وش اللي خذت من خمس وثلاثينك ؟ يا زايد : ليه تبكي ؟ وش يطيّح دمعة الرجّال ؟ سنينك هي سنينك ! وش تغيّر ؟ هذي سنينك يا زايد : بيني وبينك .. ولاني قايل إنه قال !! علام سنينك المتوحشة !! تتعمد تهينك ؟؟ يا زايد : علّق جروحك على شمّاعة الآمال ولا تترك من أحزانك دليلٍ !! بكره يدينك ! يا زايد : وأجمل أيامك هي اللي عشتها رحـّال حكاية غربتك : تنهيدتك ما بينك وبينك يا زايد : وإن بقى في دفتر الأيام طولة بال تحمّل ! وأنت قبل تطيح .. شف كثرت سكاكينك يا زايد : وأنت شفت إن الفرح لو تتبعه دجـّال أخاف تضيع بكره منك ! ما تلقى عناوينك يا زايد : عمرك اللي سال .. ما هو عمرك اللي سال !! ولكنه بعضك اللي عجز لا يكتشف وينك ! يا زايد : وش بقى لك منك ؟ والعمر بــ جروحه مال وحيدٍ ما معك غير السهر متشبث بــ عينك يا زايد : وأنت لو لك حيلةٍ تحتالها .. تحتال ولكن قسوة قلوب البشر ما همها لينك ! يا زايد : نصف عمرك راح وحمولك عليك ثقال يجوز حمولك تعينك .. ولا هـــ العالم تعينك يا زايد : وإن عزفت الحزن في تنهيدتك موّال ترى ما غيرك بيفهم .. يحس ! بنبض تلحينك يا زايد : كثر ما تعطي ! بتعطي !! ما عليها جدال ولو خمنت تاخذ ما عطيت .. يموت تخمينك يا زايد : لا تكون حكايةٍ تضرب بها الأمثال تخيل هــ الحزن تين .. وتعوّد تقطفه تينك يا زايد : ليه تكذب كل ما أحدٍ قال كيف الحال تخاف تبوح وأنت الجمر ما يحرق سوى يدينك يا زايد : وش بقى غير إنك فـــ لحظة تعب تغتال وجودك وأنت حزنك منخلق منّك .. ومن طينك يا زايد : مرت الخمس وثلاثين وطريقك طال تخيّل عاد مرّت ما درت ! خمس وثلاثينك !! |
زايد الرويس
هنا محاكة للنفس وجلد الذات بالواقع المر صح لسانك على كل ما اهديتنا عن نفسك تقبل ودي . |
عقبال 100 عام وانت بخير وسلامه
صح لسانك تقبل مروري ... |
المبدع الرحال / زايد الرويس
لأول مرة أقف أمام الكيبورد مذهول لاأعرف بماذا أرد على هذه الفاتنة المؤلمة زايد :أقسم لك أني عشت تنفست حرفك حرف حرف كيف خاطبت زايد أو بالأحرى واسيت زايد بهذا الأسلوب؟!! زايد : تحدثت بلساني لكن الفارق أني أكثر من الـ 35 زايد : لك شكري قبل ردي . |
8
8 شرحك سرا :) صح الله لسانك ولا هنت يا زايد |
قصيده تحمل مضامين ذاتيه مؤلمه بلا شك
صح لسانك يا ابو عايض اتعبتنا بهذه القصيده و كأنها تعنينا جميعاً... بعد قراءتي لهذه الرائعه شردت بي الذاكره الى أغنية ( اربعين من العمر ) و التي اجادها الفنان طلال مداح رحمه الله ... حقيقةً لا أعلم اسم شاعرها.. لكن كلماتها كانت من القصائد المؤثره.. الا انها غزليه... اذكر منها: أربعين من العمر ما من جديد وش بقى بعمري قل لي وش بقي مبدع يا زايد .. و حضورك كان مختلف جداً.. تمنياتي لك بالتوفيق و بالعمر الطويل الهاني السعيد.. اخوكم ش. س. |
الله الله
يا زايد امد الله في عمرك وسلمت على هذا الحوار الذاتي الجميل صح لسانك ، .. |
الله الله يا زايد
حوار جميل ومخاطبه لذات والله يمدك بالعمر على طاعة الله تحياتي لك |
وعسى عمرك طويل يا يااخي زايد
وعقبال مية سنه افرح ومسرات صح لسانك قصيده مليئه بالاحساس والجمال لاهنت احترااامي و ج د |
يا زايد : ليه تكذب كل ما أحدٍ قال كيف الحال
تخاف تبوح وأنت الجمر ما يحرق سوى يدينك زايد أمتعتنا بهذا البوح والله يطول عمرك على طاعته صح لسانك مدد .. ولا هنت تحياتي .. |
يا زايد : علّق جروحك على شمّاعة الآمال
ولا تترك من أحزانك دليلٍ !! بكره يدينك ! يا زايد : وأجمل أيامك هي اللي عشتها رحـّال حكاية غربتك : تنهيدتك ما بينك وبينك الله الله قصيده تحمل الكثير من العذوبه والاحساس ابدعت ، صح لسانك ملايين و دمت بخير ، |
ابو محمد
يشهد الله علي ان قصيدك يطربني قصيده كايفه يا زايد صح لسانك مليووووون يامبدع .. لك فائق احترامي وتقديري ...!! |
اقتباس:
وألف شكر لك وصح بدنك وانا اخوك |
ياسلام يازايد
الله يطول عمرك على طاعته وصح لسانك |
زايد الرويس اسم شعري رائع صح لسانك ولاهنت على هذا الابداع الغير مستغرب منك |
الله عليك يا زايد
. . صح لسانك وبيانك . مبدع ورائع نص محاكاه وتأمل فيما قد يكون مستقبلا . . . مودتي لك . |
يا زايد : مرّن الـــ خمس وثلاثين .. وطريقك طال
تحمّل ! وأنت قبل تطيح .. شف كثرت سكاكينك تحياتي ابو عايض |
يا زايد : عمرك اللي سال .. ما هو عمرك اللي سال !!
ولكنه بعضك اللي عجز لا يكتشف وينك ! الله يعطيك العافيه الف صح لسانك والف تحيه |
زايد الرويس اسم شعري رائع
صح لسانك ولاهنت على هذا الابداع الغير مستغرب منك والله يطول عمرك على الطاعه والتقى تقبل تقديري |
يا زايد : وأجمل أيامك هي اللي عشتها رحـّال
حكاية غربتك : تنهيدتك ما بينك وبينك يا زايد : وإن بقى في دفتر الأيام طولة بال تحمّل ! وأنت قبل تطيح .. شف كثرت سكاكينك زايد الرويس لله درك من شاعر للأمانه قصيده جميله للغايه وأنت مبدع وأنا من معجبينك دمت بخير |
يازايد مااجمل النص صح لسانك كل التقدير |
اقتباس:
وصح بدنك وانا اخوك |
| جميع الأوقات بتوقيت GMT +3. الساعة الآن 04:41 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية