ميعاد .. وعيد ميـــلاد
 

السلام عليكم

مشاركة عسى ان تنال اعجابكم

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يارب ثبتّني نهار الفراقي = في ساعة(ن) تاتي على غير ميعاد
لاألتّف ساقي وأنثنى فوق ساقي = وبردة أعضاي ووقفن دم الأوراد
وخلّت بقايا الروح جسما دقاقي = لو جمّعوا له نخبة الطب مافاد
اليا بلغت روحي عظام التراقي = وشخصت عيوني للسما والنفس هاد
وقال الذي حولي ألا من 00راقي؟ = يامن يداوي..(عــيــد).. لكن وش عاد؟!
يومئذ لله ربي مساقي =والروح تنّزع من جسدها وتنقاد
ثم أغسلوني وأكفنوني بـ00واقي = وصلوا عليّ أهلي وربعي والأجواد
الموت حق ولو يطول التلاقي = فآخر حيات العبد يدفن فالالحاد
والمشكله ماهيب موت وفراقي = المشكله فالقبر لاصار مرقاد
امّا لقيت الخير بالفعل باقي = والا لقيت اللي يبشّر بالانكاد
يارب من نارك نريد العتاقي = وفي جنتك مع صفوة الخلق مقعاد
نويت أصوغ القاف حسب أشتياقي = أكمّله وأصرف عنه كل نقّاد
جتني هجوسه كنّها في سباقي = آخذ وأخلّي والحق الماد000 بالماد
اقصد ليا جا للمعاني مذاقي = واسكت ليا شفت اكثر الشعر ينعاد
واسمع من الطيب وهرجه شفاقي = ولااخذ من الجاهل سواليف وأسناد
جربّت بالدنيا وبجت الطراقي = وشربت من فنجالها هيل وقناد
يالمسلمين احوالنا ما تطاقي = شيا تراه العين ويسمّ الاكباد
بدوا تجاكر فالغنم والنياقي = ولاهمّهم كود التعصب للاجداد
وحضراا تجخ ومستوى العيش راقي= غرّتهم الدنيا وصاروا لها عباد
وناس تنكّس فالعقل والطواقي = وتشعب مع العربان سرداد مرداد
وناس غلت واخذة عسير المراقي = وجابت لدين الله مفاهيم(ن) اجداد
وناس رضت بالذلّ والاختناقي = ماكن للاسلام رجعه ومعواد
وناس تخطط بالحيل والنفاقي = وتسعى لتغيير المناهج والاسياد
يقلون حنا في جهل وأنغلاقي = ماعندنا فلّه ولا عيد ميعاد
يالله لاتجعل لذولا بواقي = ويارب ما يكثر نماهم ويزداد
ولا اقول ما فالناس للطيب لاقي = لاشك ابه درويش ومحصّن فواد
يالمسلمين الا متى الادّراقي = والا متى نرضى على ضلم الالحاد؟
ومتى على الله يحصل الاتفاقي ؟= وترجع فلسطين الاسيره وبغداد؟
تداولوها بين عاق وعاقي = وطغوا فاهلها واكثروا فيها الافساد
وشلون تلقح من نكاحا سحاقي = كذبه وصدقها عربنا بالأوكاد
فيها لنا اخواننا بها الغرب باقي = تهتك معاورهم ويسبون الالواد
وفيها لنا اخواننا بها الفقر ضاقي =لاتاجد المسكن ولا تاكل الزاد
وحنا العرب يبقى جسدنا معاقي = اما نقص من نصرة الدين مازاد!
نشجب ونستنكر بصوت حماقي = واعداءنا تقتل جماعات وافراد
وبكره يجينا الدور عقب العراقي = وتكشف سرايرنا على روس الاشهاد
يانخبة شعوب العرب ويش باقي ؟؟= غير التحاقر؟00 والتجاهل؟00 والافساد؟
خافوا من الله واجعلوا له تواقي = اللي هزم من قبلكم هود مع عاد
تكاتفوا وامشوا سوا باتفاقي = وتمسكوا بالدين وسلوم الاجداد
وصفّوا نواياكم وشّدوا الوثاقي = وتغانموا وقت(ن) للايام عداد
العمر يفنى والليالي بواقي = يفرح بها رواد ويضيق رواد
والمستفيد اللي للاسلام تاقي = وفـ ارضى الالاه مجاهد(ن) نفسه اجهاد
ملا رصيده بالأجر والتواقي = وأفلس من دروب الخطا والتنقّاد

[/poem]

ماشاء الله تبارك الوهاب


عليكم السلام ورحمة الله وبركاته
يامرحبا ومسهلا يا عيد

باقة قصائد في قصيدة واحده ..
فيها من التذكير بالموت الحق وفيها كشف لحال الامه في هذا الزمان
وفيها ندب للعوده لله بقلوب صافيه

وكلها بإتقان مبدع

صح لسانك عدد حروفها
مع صادق الاعجاب ،،

..

البقا فيك يا سداح

إطرآك وسم على صدري ورايك يهمني

صح بدنك ويشرفني مرورك وإعجابك

ياسلام عليك


صح لسانك



تقب مروري ...

والمشكلـه ماهيـب مـوت وفـراقـي
المشكلـه فالقبـر لاصــار مـرقـاد
امّـا لقيـت الخيـر بالفـعـل بـاقـي
والا لقيـت اللـي يبـشّـر بالانـكـاد
يـارب مـن نـارك نريـد العتـاقـي
وفي جنتك مع صفـوة الخلـق مقعـاد


آمين...آمين


صح لسانك ياعيد..ولا فض فوك....هنا صدق الشعر والمشاعر


بـدوا تجـاكـر فالغـنـم والنيـاقـي
ولاهمّهـم كـود التعصـب لـلاجـداد

مشاكل خلها على الله ياعيد


بيض الله وجهك