؛؛ مساء الخير على الجميع
وكل عام وانتم بخير
وفي امن وامان ورخاااء

عذراً متقلداً الخجل
من غيابي عن هذا المتنفس الفريد


نص يرجو القبول :








[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مــالــك عــلــي صــــك لاتــامــر ولاتـنــهــا = ولاتـرفـع الـصـوت مـثـل مـقـرقـع الطـبـلـه
وانفض من رويسك احسوس ن تشيطنها = تــرى الظـفـر خـابـره مـاانـتـه مـعــزب لـــه
كــــم مــــرة ن تــدفــن الــذلــه وتـعـلـنـهـا = فــي مـآقـف ن ماحـصـل بـعــده ولاقـبـلـه
ماهـو علـى اتفـه سبـب بندقـك تشحنـهـا = لـو هـي بعيـنـي لـحـاة اثــل وحـصـا نبـلـه
اقــضــب حــــدودك ودركـنـهــا وعـايـنـهــا = وعـجــاج مـاانـتـه بــقــده لاتـهـبـهـب لــــه
حـشـمـتــك وبــعـــض زلاتـــــك غـبـايـنـهـا = شطـت علـى كـبـد مــن عـوجـاك مندبـلـه
الــــدم قــربّّــك فــــي قــربــى مـحـاسـنـهـا = ركــعــة ســحــر لاوضـــــو فـيــهــا ولاقـبــلــه
ومـبــرك هـمــل مـايـصــلا فــــي معـاطـنـهـا = وكـســر ارقـبــه مايـطـيـب ولايـطـبـب لــــه
وخـيــمــة مـشـافـيــح مــايــرتــاح زابــنــهــا = شـلــة هــــزالا عــلــى الـنـمــات منـجـبـلـه
كانك ولـد مـن ذبـح مـن حيلهـا اسمنهـا = فاانـا ولـد مـن وقـف وقفـات تحـسـب لــه
الـمـحـزم الـلــي فـعـولــه مــــادرى عـنـهــا = غضنـفـر امـجـاد مـــن يـومــه وانـــا شـبـلـه
وانـــا رجــــل مــنــي الــعــزه وانــــا مـنـهــا = وجيد ابدوي ن يطش الروس دون ابله
الـنـاس مـاهـي عـلــى الـصــورة معـادنـهـا = كـم حـرة ن بنـت خبـل وحـر مـن خبلـه
والـنــاس عــــزت عــلــى اولــهــا مجـنـنّـهـا = وانته على ادنى حدث تشفق وتطرب له
جمـايـلـي فـيــك مـــن سـفـطــان ازيـنـهــا = واحطـهـا فــي قـلـيـب ن منـجـبـع حـبـلـه
وحـضـرتـك لـــو تـرفــع وريـقــة وتـركـنـهـا = ودّك عـلـيـهــا شـــكـــر مـايـنـقـطــع وبـــلـــه
لـــو تـفـعـل افـعــول بـاالـجــوزا مـواطـنـهـا = منـتـك تـهــوي بـهــا فـــي سـافــل العـبـلـه
بـعـض المعـاريـف لـــو كـانــت باامكـانـهـا = تـقـيّـد الــرجــل وتـعـرقــل بــعــض سـبـلــه
وكــم نعـمـة ن فــي كـنـف مــن لايثمنـهـا = وكــم صـابـر ن سـايـر اشـيـاً ماتنـاسـب لــه
ومـالــلافــاعــي مـخــالــيــب ن تـعــاونــهــا = يعـوضـهـا ســـم يـجــدع مـــن تـرقــب لـــه
مــدري وش اقـــول فاالـكـذبـه وكاهـنـهـا = مايونـس الـدوس غيـر اللـي تحـردب لــه
لـــولا الـحـيـا لاابـجــد الـعـهـده وخـازنـهـا = واقـنّـع قـلـيـب عـنـتـر عـــن هـــوى عـبـلـه
قـلــو ريـاجـيـل فــعــل الـطـيــب ديـدنـهــا = وبــذت خـفـانـا خـــدوش ن مـالـهـا قـبـلـه
مــادام حـولــت مـــن عـيــن ن لساكـنـهـا = الـطـف مــن الـنـود لامــن مــرت الـربـلـه
لاتــرفــع الــصــوت وادروبــــك تـيـامـنـهـا = وخلك بحالك وانا في حالي اطيـب لـه [/poem]



******