أبن المطوّع مالقى الدار مأهول..!!
 

أبيات جميله أحفظها واحفظ اسم شاعرها جيدآ رغم أني لا أعرفه

أستخدمت محرك البحث بالمرقاب فلم اجدها
حبيت احطها واسمحوا لي :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابن المطوع ما لقــــا الـــــدار ماهول=مخل ٍ جنابه عن جميع الونس خـــــال

شافه خلا من عقب ما هــــوب منزول=وأقفا على أقدام الحفا يهذل أهذال

ابن المطوع مــــــات مع درب مجمول=عطشــان في راس أبرق ٍ نايف ٍ عال

لكن سواتي ما بعــــد عاشهــــا زول=ولا قد سمعتلها مع أهل الهوى أمثال

عايشتها عمــــــــري ثلاثة عشر حول=أو هو يقل عن الثلاثــــة عشر حــــال

أنا صغير ونـــــاحل الخصر مـــــدلول=سبع وثلاث معديتني ورى الجــــــال

الفرق عشر ٍ فيهن أريــــاف ومحــول=فارق هوانا فــــــرق راحـــــل ونزال

صبرت عل الصبر ينــــــدار بحـــــلول=وحمل العنا عن بــــايد الحيل ينحــال

أقول أظن الصبر ينــــــزال ويـــزول=وصبرت وأثر الصبر مـــــــا هو بحلال

ونويت أكسِّر حــــاجز الصمت وأقول=أما طمـــــع وألا مناكيف وأجـــــزال

واجهتها خــــــايف وسايف ومذهـول=وأخبرتها بالحــــال عن خافي الحال

واجهتها مــــــن راس مرسلت مرسول=وردت بعــــلم ٍ ما خطر لي على البال

قالت واشـــــــافيها تفرق عن اللول=تــــــــوك صغير ولا بعد صرت رجال

اليا شتد عـودك وأصبح الزند مفتول=ومشيت مــــا بين المنـــــاعير تختال

يمديك تلقــــــى من يسليك بــــدلول=ويحطلك بأقصى خفـــاياه منـــــزال

وأقفت يلحفـــــــها من الليل مجدول=ما غطتــــــــه عن ناظر الطفل بجلال

أقفت وأنا في ماقف الياس مخـذول=مفلس افلاس مضـــــــيع الجاه والمال

تفتــــر بي دنياي في حيــل مشلول=وفي ما قفي ما طاعت الرجل تنـزال

وراح الزمان وطال واطول بي مطول=وأصبحت في رجــوى قبالات وهبال

أصبحت جرحي في خفاياي مشيول=نوب يهيــــض ونوب يلتف بــــأسمال

لا طاب من مابه ولا مـــــات مقتــــول=أبطى وتاثيــــــره على النفس مازال

جرح ٍ يزوره ســــاري الطيف محمول=على متون الليل فـــــــي مهمه اللال

يسقيه في لذة كرى النـــوم معسول=حلو المذاق بلذة النــــــــــوم سلسال

من منهل ٍ يــــــاعنك ما هوب منيـول=صعب ٍ على خيــــار النشاما والانذال

واليا انتبه جرحـــي من النوم مثمـول=عادت عليه أتـــــــراح الافراح تنهال

هذا جـــــواب اللي عن الناس معزول=عزل الجبال الصم عـــن جرد الاسهال

واتلا الجــواب من المساهير همـلول =تهدي لهاك الزول من بـــــد الأزوال
[/poem]

مدهشة
ودخلت جو معه ،

صح اللسان قائلها ، وسلمت يالامير
على النقل ..
:)

سلطان العطاوي



لاهنت على ايراد هالقصيده الكايفه





وصح لسان ابو محمد وهي من قصائده المعروفة ..


لك فائق احترامي وتقديري ...!!

الله الله


والله ما الومك فيها يا سلطام على حفظها وايرادها



تسلم يمنك وصح لسان عايض العتيبي



:)