صوت من فايز الشدادي وصدى حسين الحسيكي
 

اخواني واخواتي
اعضاء وزوار منتديات المرقاب الادبيه ممثله في مرقاب الشعر الشعبي.
السلام عليكم ورحمة الله وبركاته.... وبعد..
هذه قصيده للنقيب الشاعر / فايز بن جزا الشدادي وقمت بمجاراتها حيث اعجبت فيها من جميع النواحي رغم اني لم اصل الى مستواها معنى ومبنى..




[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لاورَدن هموم قلبي طوابير=سامرت بالليل القمر والنجومي
ياما رميت الهم في قاعة البير=واضحك وكني ماعليه همومي
مابيحت سدي هبوب المعاصير=اللي هواها بالمناعير يومي
ريح الصبا لاهبت الصبح وعصير=قمت اتجلد في متين الهدومي
لو زاد همي ماشكيته على الغير=دام الفرج بيدين رب رحومي
يالله طلبتك بالفرج والتياسير=يالدَايم ولاغيرك احدٍ يدومي
يالحاكم اللي في يديك التدابير=ماغيرك الجا له واصلي واصومي
عبدك ويطرق بابك الثلث الاخير=يرجي ولاهو من عطاك محرومي
افتح قفولٍ مغلقه بالمسامير=من دونها يقصر قوي العزومي
تعبت من سجي للاقدام والسير=الدرب مظلم والعوين معدومي
الرزق لوهو عند خلق الله يصير=عيَت على رزق العباد الخصومي
اسعى وكافح واليدين المقاصير=ماحاشت الطاله وكسب النعومي
الرزق مع سج القدم والمشاوير= والنوم ماعمره قضى لك لزومي
دنيا البنادم بين ورد ومصادير=حظٍ يقوم وحظ عيَا يقومي
دنياك لوهي طاوعت مابها خير=يومٍ تودد لك وتشناك يومي
اليا اقبلت قامت تسوق التباشير=وادرك عشاها كل طيرٍ يحومي
واليا ادبرت قامت صدوف المقادير=ترمي عليك بنبلها والسهومي
لاعرَضت سود الليالي مصارير=عينك تشوف الديس مير محزومي
حاجتك لوَ اخف من ريشة الطير=من دونها تزمي طوال الرجومي
هذي صواديف الليال المعاسير=هبَاتها اقوى من لهيب السمومي[/poem]





هذه مجاراتي المتواضعه اتمنى ان تروق لكم وتنال بعض من استحسانكم الشعري ..



[poem=font="Simplified Arabic,5,#0300FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هيضتني يامصخر القاف تصخير=شاعر وفي بحر المعاني تعومي
اليا بدعت إبياتك بقلطه أو زير!=أونظم ماجا في كلامك ثلومي
توَصل المعنى بفنٍ وتصوير=في قالبٍ شعري يشد القرومي
باسلوب راقي مع لباقه وتمرير=مجرم كبير ومشكلتك مهظومي
يرسم لك الهاجس خطوط ودواوير=تساعدك بدفاع والا هجومي
تقول عندك بوصلة جندي مغير=لاحدد احداثي برسم ورقومي
والا مهندس يتبع الما بتفكير=اليا صنت ماغار وسط التخومي
لووَّك من اللي يحفظون الدنانير=يمديك هامورٍ يافايز لهومي
تملك عماراةٍ وتملك مغاتير=تفخر بها مع ربعنا والبقومي
كلٍ يقل ياطيبها من مصاغير= لوكان غفل ولاعليهن وسومي
من شان مالك يمدحك عمر وعمير=وان جا ك لازم قالوا إلك مخدومي
وتسكِت على شانك وساع الحناجير=تهجد وتنّطَمّ لا بديت العلومي
لو كانت علومك دعايه وتزوير =محدٍ يقول اعقب ولالك يلومي
لكن كريم ولاتحسب المخاسير=مرسى ومنصى بين ربعٍ وقومي
للضيف تذبح حايل وتذبح بعير=وخرفان نجديات حسب السلومي
لاراح ضيفك يذكرك دايم بخير=لانك بقدره تشتري ماتسومي
من طيب راسك تعتبر شيخ وامير=بالفعل ماهو بالورق والختومي
فالساحل الشرقي مثل قمة النير=زامي وسامي لو بجوك غيومي
من التُقى والطهر تملك قناطير=ومن القناعه كنز واغلا وسومي
مير إسمع اللي دايم يشار ويشير=توأمّك من غير ام لك صار تومي
انصحك يالمنعور نسل المناعير=من قلب مخلص للخلايق عمومي
اما ترِد للعد وتخاشر مطير=وتشرب عقب شمرّت كل الكمومي
والا اقتنع من عقب جتك المعاذير=ابعد عن العد يالسنافي وشومي
وارضى بماسجل من الله بتقدير=كفيل رزق الخلق جزل القسومي
[/poem]

الله الله الله الله الله

الله الله


صوت وصدى رائعيين



حسين صح الله السنتكم وعاش من شافك ياشيخ :)


تحياتي

الله الله


صوت وصدى رائعيين



حسين صحت السنتكم


تحياتي

يا سلام على الشعر النقي

بدع ورد من النوع الفاخر جدا ...قصائد ترسخ في الذاكرة

ابدع فايز فصح لسانه و ابدعت ياحسين ،، فصح لسانك ..

كل الود والتقدير

الله


صوت وصدى

ابداع في ابداع


صحت الالسن



تحياتي لك

بندر

هلا وغلا

صح بدنك ولاهنت
اشكرك على مرورك العطر.

محمد السميري

اشكر لك مرورك العطر.

وتعليقك الراقي الذي ينم عن شخصيتك الراقيه.

مطر الروقي

هلابك والله

اشكرك على مرورك العطر

الله الله الله

صوت ..وصدى ممتع ..

صح لسان فايز ..ولساانك ياحسين ..

وجه دعوه لـفايز للمرقاب ..

حرصاً على تواجد الجمال ..

محبتي لك ..

ابو طارق

هلابك يالنابغه

صح بدنك اليوم ودوم

فهد الزعبي

ارحب ارحب الله يحييك.

صح بدنك وطاب معدنك

مع حبة خشم ،،،

الله الله


ماأجمل

من
الصوت
الا
الصدى


قصايد
جزله

ومعاني
وافيه


صح لسانك
يا حسين

وصح لسان
فايز



تحياتي

مستور الذويبي

هلا وغلا

مرورك من هنا اسعدني كثيررررررررررر.

والحقيقه فايز مشغول كثير وتواجده فالنت قليل بحكم عمله.!

لكن باذن الله رايح اوجهه له دعوه...

الدكتور / سداح

هلابك عدد ماكتبت

وهذي حبة خشم لك

السمين

هلابك

صح بدنك ولاهنت

فيصل بن خالد

هلابك يالغالي

اشكرك على الاطراء الرائع

اخوك

سلطان العطاوي

هلابك يالغالي

صح بدنك وطاب معدنك.

اشكرك على المرور العاطر..