اسمي على اسم المصطفى حي فاله
 

اسمي على اسم المصطفى

[poem=font="Arial,7,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صلى الله وسلم على طيب الساس=صلى الله وسلم على أحمد وآله
صلى الله وسلم عدد رد الانفاس=واعداد همّال المطر من خِياله
يا مخرّج العالم من عبادة الناس=لعبادة الرحمن جل جلاله
تاريخ صبرك للبشر صار نبراس=كل يورّث نور صبرك عياله
ناديت بالدعوه والاكباد يبّاس=وارويتها من نهر نور الرساله
واسقوك في مكه مع ذلك الباس=واعفيت عمن بادرك بالجهاله
وانحيت للطايف وعاداك الاتعاس=ورجعت تنقل حمل صعب احتماله
ما رق لحوالك سوى العبد عداس=واسقاك واحسن في مقامك وصاله
وانحيت للهجره وقفّاك عساس=حافك سراقه واعثرت به رحاله
واستقبلك في طيبه الناس باحساس=" قد طالع البدر علينا جماله "
واستبشر الاسلام واصبح له غراس=واثمر جناه اللي يظلل ظلاله
شعت شموسه مالجزيره ليا فاس=وثّق عراه اللي تضيح اعتداله
واليوم صرنا نضرب اخماس باسداس=والقدس في ايدين اليهود احتلاله
والضيم ما هو قدس راحت لنا اقداس=اشبيليه وطليطله وقش تاله
ما راح في مدريد روّح بمدراس=واللي حصل في الأرك جا في ملاله
لكن ما اقرب سيف حمزه من الطاس=لا تل بيده كل منا نصاله
لا ثارت الفتنه ودقن الاجراس=واذن على كل المنابر بلاله
ناقف لها وقفة بعيدين الارماس=نشرب سعوط الموت شرب البياله
واحنا على عهدك من عصور حرّاس=والدين دين الله وحنا فدا له
وامجادنا ما هي جليله وجساس=والزير وإلا كليب راع الجلاله
ولا هي أشعار المنخّل ومرداس=ولا غنا زرياب وإلا فضاله
أمجادنا من غير الاسلام قرطاس=تذري به الارياح في كل جاله
والمجد في القرآن في الفجر والناس=في ديننا السمح العظيم وكماله
والعز بالاسلام وسواه الافلاس=وأنا على نهجه ولا ارضى بداله
ما غرني فتنه ولا ذلني كاس=مغنيني الله عن حرامه حلاله
نهجي كتاب الله .. ولي عز ولباس=والقدوه السنّه ودرب الرساله
واسمي ينومسني مع كل قرناس=لنه على اسم المصطفى حي فاله
حي السماوه لا اصبحت ترفع الراس=بين الرجال أهل الكرم والجزاله
وأنا ما اسلم رفقتي كل بلاس=جلاسي أهل الدين وأهل الاصاله
وإن هب في صدري من الشعر هوجاس=شبيت ضوي وارتكيت لدلاله
واخذت اقلب فكرتي فوق محماس=حتى تفوح النادره في خياله
وارد على عدٍ تغذيه الاحباس=واسحب رشا الافكار فوق المحاله
هذي على منهج وهذي على ساس=تصرف كما صرف الذهب فالوكاله
أحلى من الاكسير واغلى من الماس=واعذب من الما وارشق من الغزاله
عندي لها وزنه وعندي لها قياس=بين الخيال وبين حد الضلاله[/poem]

محمد بن حمدان المالكي
22 / 2 / 1431هـ - الـرياض

صلى الله عليه وسلم




لاهنت يامحمد


وافي وحضورك وافي



الله يحفظك

اللهم صلي وسلم على نبينا محمد



وصح لسانك يامحمد المالكي



دمت بود

أخي عبد الله
أخي حسين
مرحبا تراحيب المطر

والمجد فـي القـرآن فـي الفجـر والنـاس
فـــي ديـنـنـا الـسـمـح العـظـيـم وكـمـالـه
والـعــز بــالاســلام وســــواه الافــــلاس
وأنــا عـلـى نـهـجـه ولا ارضـــى بـدالــه
مـــا غـرنــي فـتـنــه ولا ذلــنــي كــــاس
مغـنـيـنـي الله عــــن حــرامـــه حــلالـــه
نهجـي كتـاب الله .. ولــي عــز ولـبـاس
والــقـــدوه الــســنّــه ودرب الــرســالــه
واسـمـي ينومسـنـي مـــع كـــل قـرنــاس
لـنـه عـلـى اســم المصطـفـى حــي فـالـه
حـي السمـاوه لا اصبحـت ترفـع الـراس
بـيـن الـرجــال أهـــل الـكــرم والـجـزالـه
وأنـــا مـــا اسـلــم رفـقـتـي كـــل بـــلاس
جـلاسـي أهــل الـديــن وأهـــل الاصـالــه
وإن هب في صدري من الشعر هوجاس
شـبـيــت ضــــوي وارتـكــيــت لــدلالـــه
واخــذت اقـلـب فكـرتـي فــوق محـمـاس
حـتــى تــفــوح الــنــادره فــــي خـيـالــه
وارد عــلــى عــــدٍ تـغـذيــه الاحــبـــاس
واسـحـب رشــا الافـكـار فــوق المحـالـه
هـذي علـى منهـج وهـذي عـلـى ســاس
تصـرف كمـا صــرف الـذهـب فالوكـالـه
أحلـى مـن الاكسيـر واغلـى مـن المـاس
واعـذب مـن المـا وارشـق مـن الغـزالـه
عنـدي لهـا وزنـه وعـنـدي لـهـا قـيـاس
بـيــن الـخـيـال وبــيــن حــــد الـضـلالــه


اللهم صلي على محمد ماتعاقب الليل والنهار ..وماتناغمت الأطيار ..

أجدت .. وأفدت يامحمد ..

بارك الله فيك ..

وجزيت خيرا على ماكتبت ..

أرق التحايا :)

اللهم صلي وسلم عليه


وصح لسانك نظمت فأتقنت



لك تحياتي

اللهم صل وسلم على نبينا محمد

وعلى أله وصحبه وسلم


صح لسانك
يا
محمد
على هالرائعه
نعم
رائعه
كيف لا
وهي مكتوبه
في أطهر
الخلق
وأشرف البشر


سلمت يا محمد

وجعلها الله
في ميزان حسناتك

وشفيعه لك يوم العرض



لا تحرمنا من جديدك




تحياتي لك

صلى الله عليه وسلم




لاهنت يامحمد


وافي وحضورك وافي



الله يحفظك

إخواني
أشكر لكم تعليقاتكم الأنيقة
وانطباعاتكم المثمرة
وهمساتكم المغدقة
لكم مني كل الشكر كل باسمه مدد بلا عدد

اللهم صلي وسلم على أطهر من مشى على الأرض