اول مشاركة
السلام عليكم جميع .
اسعد الله اوقاتكم بكل خير يوم الغياب غابت الشمس والليل يغشينا سواده كيف نسري وظلم الليالي يكتسينا الله اكبر على الجوء لاقفى براده والله اكبر على الصيف حره يحتوينا البنادم تحيُر وشوف الهم ساده والمواجع تـلمه وياكثر الونينا ماحدً يهتني لالقى شربه وزاده والبلا في منام الليالي مهتنينا من يقول الحقيقه نعده في قراده والعلوم امعروفه وحنا خابرينا هيه ياللي تهنيت في وقت السعاده ليتك اتشوف وقتي على مر السنينا المهانه غدت عندنا طبعً وعاده وشهد ان الزمن في ظروفه مبتلينا البعيد امتسلي ولا بـيُـن وداده ويحسب انُا رضينا وحنا مارضينا اشعل النار والنار ماترجع رماده والبلا من يزُين وقود النار فينا لامتى والخلايق على صبر وجلاده ولامتى يازماني وحنا صابرينا نافذً صبري اليوم بسباب النكاده ولا سرى هم جـتـنا همومً تحترينا ياوجودي وجود المشُرد من بلاده ظاهرً من بلاده وقومه نازحينا ينـثر الدمع لاجي ولاعيُن سناده مالقى غير بنتً يتيمة والدينا قدمت له من الخوف والرعشه قلاده تحسب انه عدوً وله قصدن لعينا مادرت فيه لاجي ويشكي من بعاده ومادرت فيه جرحً من الدنيا دفينا القهر في زماني بدى يركز وتاده ون بغينا نشيله غدى صعبً علينا آه لو تطلع الشمس ونعيش ابسعاده كان محدً شكا والسعاده تحتوينا |
.
( 1 ) الله يحييك يا محمد ، ومنوّر المراقيب طال عمرك حجز ولي عوده ، |
آه لو تطلع الشمس ونعيش ابسعاده
كان محدً شكا والسعاده تحتوينا ..! هكذا هي الأيام وتجاربها المرّة .. وحلقاتها المفرغة التي تدور بها صح لسانك .. وبيض الله وجهك ولا هنت على هذا الحضور تحياتي .. |
طلال السيحاني
مرحبا يالغالي مرور عطر وتشرفت في تواجدك تحياتي |
محمد بلال
مرحبا ومسهلا يالسنافي تعليقك يحفزني على الكتابه وتواجدك في صفحتي دافع كبير تحياتي |
القهر في زماني بدى يركز وتاده
وان بغينا نشيله غدى صعبً علينا آه لو تطلع الشمس ونعيش ابسعاده كان محدً شكا والسعاده تحتوينا حضور آول جميل ، صح لسانك ملايين ، ولاهنت دمت بخير . |
؛ وعليكم السلام ورحمة الله وبركاته يا مرحبا فيك بين مبدعين المواهب يا بن هندي آه لو تطلع الشمس ونعيش ابسعاده كان محدً شكا والسعاده تحتوينا الله الله صح الله لسانك ولا هنت بانتظار القدم . |
ياوجودي وجود المشُرد من بلاده
ظاهرً من بلاده وقومه نازحينا ينـثر الدمع لاجي ولاعيُن سناده مالقى غير بنتً يتيمة والدينا بن هندي محمد مرحباااا بك في المرقاب صح الله لسانك |
عيوف --
مرحبتين ومسهلا ومرور جميل ومشكوره يااختي على الكلام الطيب |
بدر ناصر العجمي
مرحبا تراحيب الحيا وصح ابدنك ومرورك بحد ذاته شرف واعتز فيه |
فهد بن عبدان
مرحبا ياطويل العمر وصح ابدنك ومرورك شرف نعتز فيه ووسام على الصدر |
الله عليك يا بن هندي حضور اول متميز وشاعر مبدع لله درك |
مرحبا ياطلال ويسعدني مرورك العطر يالغالي
تحياتي |
| جميع الأوقات بتوقيت GMT +3. الساعة الآن 02:18 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية