منتديات المرقاب الأدبية - ( عجيبه يافيافي نجد تدحمك الحيود السود ) محاورة نارية مع معيوف الدوسري

جرت هذه المحاورة ما بيني وبين الشاعر معيوف الدوسري ، وذلك في مدينة الخرج ١٦/ ٣ /١٤٣١

http://bajeelah.net/up/uploads/558e1520a8.jpg
محمد بن حمدان المالكي
سلامي فيه تولة ورد بغدادي وتولة عود
تكرم به لحى قروم الدواسر حي والفاني
عجيبه يا فيافي نجد تدحمك الحيود السود
وانا خابر جبالك بيض يانجد البريحاني

http://bajeelah.net/up/uploads/5927f21106.jpg
معيوف بن مبارك الدوسري
هلا يا مرحبا ترحيبة ناصل بها المقصود
ونعطي صاحبي مما عطا كاش وسفطاني
ترى ما فيه ضباط ياصاحبنا بدون جنود
على قول المثل ما فيه نار بدون دخاني
http://bajeelah.net/up/uploads/558e1520a8.jpg
يدوم الطيب يامعيوف ما هبت هبوب النود
ولكن رد ما يشفي سوالات ابن حمداني
غريبه ما نشوفه يابن دوسر في نتاج الذود
لقيت انتاج بطن وظهر مير اشكال والواني

http://bajeelah.net/up/uploads/5927f21106.jpg
شهادتكم عزيزه والشهاده جت بدون شهود
وانا بالعز الاول ماتحرا تزكيت ثاني
حكومتنا الرشيده تعرف ان حكامها آل سعود
وبني مالك من آبنا الشعب ورد ابيض وريحاني

http://bajeelah.net/up/uploads/558e1520a8.jpg
ترى نقطة حبر زرقا تعكر لون كاس اليود
وياكثر الحبر مبثوث في ثوب العريباني
تبرى من يمينك بعد ما شبت لك البارود
وربعي من بجيله ما بها بوذي وسيلاني
http://bajeelah.net/up/uploads/5927f21106.jpg
بياض وجيهنا من فعلناوالصادرات ورود
ليا قام يتفاخر في بلد جيزان جيزاني
يا ابو عين كفيفه والمعرفه حبلها ممدود
ولدنا اللي خذا معشوقته بالسيف شاماني

http://bajeelah.net/up/uploads/558e1520a8.jpg
كفو يا لابة متسلطنه ما تارد المنقود
وانا ماني مفرق يابن دوسر بين الاخواني
وأنا ماني عما حكمه ولكن ما عليكم زود
خطوط الطيب فيكم حطها ربي بميزاني