[][]هـذي وديـعـه[][]
السلام عليكم ورحمة الله
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] يامحكمين الشور هذي وديعه=للي يدورها على سر وجهار أمانةٍ فيها الحقايق فظيعه=باثباتها ماتقبل جحود وإنكار وقايعٍ فيها المراره شنيعه=مرارةٍ غطت على كل الأمرار أكشفبها درس النفوس الوضيعه=عقب التمادي زاد مع سبق الاصرار اللي سعوا في فتح باب القطيعه=ودقولهم في سكة الوصل مسمار بغض النفوس اللي حقدها قريعه=يشاف شوف العين للضيف والجار غبر الوجيه اهل الفعول الدنيعه=شلة خمالٍ مالها طيب واذكار مجلاسها بين الردى والخديعه=واللف والتزوير فالواقع الحار تبى تحجب النور وتسد ريعه=والنور مايحجب ولو صار ماصار هاماتنا من فضل ربي منيعه=عن كل مطّاول ومذي وغدار الله رفعنا والمنازل رفيعه=عن تاربين الخد في وحل الأقذار الذكر حي ودايماً فالطليعه=لاعِدوا الاخيار ننعد الاخيار وراع الردى ماني مصانع صنيعه=ولاينجبر حيٍ على حي ويزار بسج رجلي فالفجوج الوسيعه=والدار ابدلها بدارٍ بدل دار القلب حي ونار زندي وليعه=ماعشت هيّابٍ ولا عشت بوار واللي بنى مجده بزيف وخديعه=لابد مايكشف ويفضح وينهار اما يبين اليوم ولّا تبيعه= في ساعةٍ يقمحبها ميت النار [/poem] غيمار |
الله الله
الله الله ابداع غاضب ياغيمار صح لسانك |
بسج رجلـي فالفجـوج الوسيعـه
والـدار ابدلهـا بـدارٍ بــدل دار الله الله الله صح لسانك × صح لسانك حضور راااائع ووافي لاهنت احترااامي و ج د |
غيمار
هلا وغلا اتحفتنا بهذه الرائعه وصح السانك واعتلا شانك تحياتي لك تقبل مروري |
واللي بنى مجده بزيـف وخديعـه
لابد مايكشـف ويفضـح وينهـار امـا يبيـن الـيـوم ولّا تبيـعـه في ساعةٍ يقمحبهـا ميـت النـار هذا والله الصحيح وصح السانك يانايف لين ترضا وبيض الله وجهك فائق ودي وتقديري لك |
ياسلام سلم هاماتنا من فضـل ربـي منيعـه عن كل مطّـاول ومـذي وغـدار الله رفعنـا والمـنـازل رفيـعـه عن تاربين الخد في وحل الأقـذار الذكـر حـي ودايمـاً فالطليـعـه لاعِـدوا الاخيـار ننعـد الاخيـار وراع الردى ماني مصانع صنيعـه ولاينجبر حيٍ علـى حـي ويـزار صح لسانك قصيده جميله ومعاني فيها جزاله ابدعت ياشاعرنا نايف لك فائق الاحترام والتقدير تحياتي |
ياسلام ياسلام
حكم رائعه وشاعريه جميله صح لسانك يانايف |
نايف المقاطي مبدأ .. و حكمة .. و قرار .. وغضب جميعها اجتمعت هنا لتبثّ في الشعر روح متّقدة لازال لهيبها بين الابيات يزفر قصيدة تخفي خلف حروفها موقف و قصة تركتها تعبر بسهولة بين حبرك و قلوبنا وهنا ..اختصرت كل شيء بسج رجلـي فالفجـوج الوسيعـه ... والـدار ابدلهـا بـدارٍ بــدل دار القلب حـي ونـار زنـدي وليعـه ... ماعشت هيّـابٍ ولا عشـت بـوار واللي بنى مجده بزيـف وخديعـه ... لابد مايكشـف ويفضـح وينهـار نايف المقاطي صح لسانك |
اقتباس:
مرحبا يانايف مرحبا ولله درك وصح لسانك :wardah: لا تطول الغياب لاهنت :) |
وعليكم السلام ورحمة الله وبركاته واللي بنى مجده بزيـف وخديعـه لابد مايكشـف ويفضـح وينهـار امـا يبيـن الـيـوم ولّا تبيـعـه في ساعةٍ يقمحبهـا ميـت النـار اي بالله صادق صح الله لسانك ولا هنت بانتظار جديدك . |
واللي بنى مجده بزيـف وخديعـه
لابد مايكشـف ويفضـح وينهـار امـا يبيـن الـيـوم ولّا تبيـعـه في ساعةٍ يقمحبهـا ميـت النـار صح لسانك ولا هنت |
عليكم السلام ورحمة الله
واللي بنى مجده بزيـف وخديعـه=لابد مايكشـف ويفضـح وينهـار صح لسانك شاعرنا ولاهنت على هـ الشااامخه تقديري لك طال عمرك’,, |
غيمار
أنت رجال كفو صح لسانك |
اقتباس:
كل الشكر لتكرمك ومرورك وصح بدنك غيمار |
من اثمن الشعر
|
وجد
حضورك أروع صح بدنك والف شكر لكرمك غيمار |
كفو يا غيمار
شاعر تكتب الشعر لأجل الشعر كتبتنا هنا يا نايف صح لسانك |
ابدعت يا نايف
وطرقت موضوع منتشر في المجتمع صح لسانك مليون |
نايف المقاطي
صح لسانك والله مدد شاعر مبدع وجزززل الله لايضرك لك اصدق الود |
مشعان البراق
البقا ياراعي هلا وابرك الساعات مواصل مثلك وشرواك صح بدنك وسلمت واللي مجملها مرورك ومرور مثلك من الأنقياء الف شكر لتشريفك غيمار |
محمد بن فراج
البقا وسلمت صح بدنك والف شكر لكرم تشريفك غيمار |
. الله ، الله ، كفو كفو كفو يا نايف ! و صح الله السانك عدد الرياجيل اللي شاع ذكرها الطيب ، |
| جميع الأوقات بتوقيت GMT +3. الساعة الآن 10:44 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية