,,, رساله عبر الجوال ,,,
[align=center] السلام عليكم هذي قصيده للشيخ مسيفر الجعيد [poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] سلام الله عليكم قبل نبدأ نشرة الأخبار =سلام من الجعيد اللي يمد الطيب بذراعه سلام الله عليكم وإسمعوني زين ياشعار =قبل لايغرق البابور وسط البحر بشراعه أحد يسكن جنوب الدار وأحد في شمال الدار= وأحد بين الشمالي والجنوبي يدرس أوضاعه نبا نحيي تراث القوم لامنه ولا معذار= ولا لأحد علينا فضل في صيفه ومرباعه مادام إن الدروب يمين حنا مانروح يسار =وربعي في نحور الصايبات سيوف قطاعه عسى الشاعر نوار نشاهده من خيرة الأنوار= ليا منه بدى بدد ظلام الليل بشعاعه نباه يقوم بالواجب ويرفع للتراث شعار= ليا قلنا إحتزم بحزام قال السمع والطاعه ورايد مايخيب الظن فيه ليا دعي مابار= على العلم النقي والصقر يعرف وين ميقاعه وبندر بن صويلح من رجال يحكمون الشار= وعنده من مواريث الشيوخ حقوق ووداعه وبن مصلح رجل ماحط من دون اللزوم ستار =مثل مال السيوف الساطيه للطيب زراعه ومسفر بن عويض مع بني عمه بعيد أنظار =معلم وإن تكلم يرضي الجمهور بإبداعه وعارف بن مسيفر للعلوم الطيبة يختار =ليا طالت مواريد الشعر ماينقصر باعه وبن شامي حسن يبني جدار ولا يهد جدار =وحنا كلنا للجدر بنايه وفزاعه ورفقتنا على طول الزمن تزداد فالمقدار =ماهيب الرفقه اللي مع سراب القيض لماعه [/poem] [/align] وهذي مجاراتي له [align=center] [poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] يشوش الراس والهاجس يحلق في فضا الافكار=يعانق للسحاب وهلت الامطار في ساعه وسال السيل والهاجوس لا هايب ولا محتار=يصوغ القاف والمعنى وبابه فك مصراعه يميز فالليالي والمعاني للعلوم ابهار=ونجم سهيل ما مثله ونفرح عند مطلاعه هلا يا مرحبا مليار في مليار في مليار=على وضح النقاء والطيب مضمونه وذعذاعه هلا بالشيخ والشاعر هلا يا طيب المصدار=هلابك عد ما ناضت بروق الخير شلاعه قريت الخط واعجبني وجاريته بدون اجبار=وانا ادري في مجال الشعر شرايه وبياعه ولا ادري كيف تنسى راعي الجزلات والاذكار=عريب الساس يا مسيفر جزيل القول مرماعه نسيت الكنق عبدالله جزيل القاف والاشعار=وانا ماني بناسي والزمن هوشه وفراعه مثل نافع ونعمي في زمنهم للشعر معبار=وعلى دمغان سلم لي وضيف الله من اتباعه ذكرت رموز للخامس مثايلهم لها مسعار=وكلا ٍ دون ربعه عمّر اسلاحه ومدفاعه معمر منبع الاشعار وعياله صقور احرار=تجوّد للبناخي والبنيخي جوك رباعه وانا واحد من اللي بالوراثه للمعرفه سار=ورثت الشعر من جدي وساس الطيب منباعه عتيق رشود ورثني كنوز ٍ ضمها المحار=اشب النار من زندي ولا تحتاج ولاعه تحزم بالشباب وحثهم يا سيفنا البتار= ومسفر من وراء نظم القوافي ماله اطماعه يعيش الشعر والشعار تصنع للزمن تذكار=يخفف من هموم القلب لامن زادت اوجاعه [/poem] وسلامة قلوبكم [/align] |
هنا قرات شعر حقيقي
كلكم كفووووو صحة السنتكم تحياتي |
صوت وصدى
من الروائع صح لسانه ولسانك |
الله , الله , الله
صحة ألسنتكم , ابدعتوا عز الله لاهنتوااا |
:
وعليكم السلام ورحمة الله وبركاته أخي الكريم مسفر الجعيد سلمك الرحمن من كل شر وصح لسانك ولسانه على روعة القصيد والمجاراة .. دمت بكل الخيـر .. |
صوت وصدى في غياة الرقي
قمة يا مسفر وصح لسانك.!! |
مشاري النثري
هلا بك اسعدني حضورك وصح قلبك ولاهنت كل التقدير |
وعليكم السلام والرحمة قصيدة ومجاراه طيبه الله لا يهينك وصح الله لسانك ولسان مسيفر باانتظار جديدك . |
صح لسانك يامسفر
وصح لسان الشيخ مسيفر اعجابي اخوك |
صح لسان مسيفر ولسانك
قصيديتن لايعلى عليهما لاهنت والله لايضرك لك اجمل الود |
فهد ابن عبدان
هلا بك اسعدني حضورك وصح قلبك ولاهنت كل التقدير |
مسفر الجعيد
الف شكر لهكذا شعر تقديري لك يالغالي وقصيده روعه |
ابو محارب
هلا بك اسعدني حضورك وصح قلبك ولاهنت كل التقدير |
شعراء حقيقيين والله
صح لسااانك ولسااانه قمة الابداع |
صوت وصداء من الوزن الثقيل
صح لسان الشيخ مسيفر الجعيد وصح لسانك يا مسفر قمت بالواجب عن باقي الشعار ووفيت يالنشمي كان يلزمنا الرد لو علمنا عنها في وقتها ولكنك نبت عنا وبيض الله وجهك تحياتي وتقديري لك وللشيخ مسيفر |
اخوي مسفر
اسعد الله جميع اوقاتك بكل خير ((((((((هلا يا مرحبا مليار فـي مليـار فـي مليـار)))))))))) مسفر سلم لي عليك وبلغ سلامي مسيفر هنا شعر حقيقي ودمتم |
،
صحت السنتكم .. وبيض الله وجيهكم تـ ح ـياتي لكـ، |
يعيش الشعر والشعار تصنع للزمـن تذكـار
يخفف من هموم القلب لامـن زادت اوجاعـه مثلك يعيش اي والله وجعلك سالم يا مسفر صح لسانك .. ومجاراتك وافية وجزلة تحياتي .. |
ابو مالك
هلا بك اسعدني حضورك وصح قلبك ولاهنت كل التقدير |
اي والله يعيش الشعر
صح لسانك يا مسفر وصح لسان الشيخ مسيفر الجعيد ولا هنتما ، |
. الله ، الله ، صح الله لسانك يا مسفر .. ولسان الشيخ مسيفر ، |
| جميع الأوقات بتوقيت GMT +3. الساعة الآن 02:22 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية